રાજકોટઃ શાપર વેરાવળમાં આવેલી એક ફેક્ટરીમાં ભીષણ આગ લાગી છે. મળતી માહિતી પ્રમાણે લેમ્બર ટી પ્રાઇવેટ લિમિટેડ નામની કંપનીમાં વહેલી સવારે આગ લાગી છે. આ ઘટનામાં મોટા પ્રમાણમાં ફેક્ટરીના માલસામાનને નુકસાન થયું છે. સમગ્ર ફેક્ટરીની તમામ ચીજવસ્તુઓ બળીને ખાખ થઈ ગઈ છે. ઉલ્લેખનીય છે કે, કયા કારણોસર આગી છે તે હજુ સુધી જાણી શકાયું નથી.
આસપાસના લોકોએ તાત્કાલિક આ ઘટના અંગે ફાયરવિભાગને જાણ કરી હતી. ત્યારે તાત્કાલિક ફાયર વિભાગની ટીમ ઘટનાસ્થળે પહોંચી હતી અને આગ બુઝાવવાની કામગીરી હાથ ધરી હતી. રાજકોટ અને ગોંડલના 4 ફાયર ફાયટરોની ટીમ ઘટનાસ્થળે પહોંચી હતી. ફાયરબ્રિગેડની ટીમે હાલ સતત પાણીનો મારો ચલાવી આગ બુઝાવવાના પ્રયાસ હાથ ધર્યા છે.
