Brahmastra Trailer: રણબીર-આલિયાના રોમાન્સનો જાદૂ, ધાંસૂ એક્શન અને VFXની ભરમાર
ફાઈનલી જેનો વેઈટ ફેન્સ ઘણા સમયથી જોઈ રહ્યા હતા તેનો એન્ડ આવી ગયો છે. જી હાં, રણબીર એન્ડ આલિયા સ્ટારર મોસ્ટ અવેઈટેડ ફિલ્મ ‘બ્રહ્માસ્ત્ર’નું ટ્રેલર ફાઈનલી રિલીઝ થઈ ગયું છે. ફિલ્મનું ટ્રેલર રિલીઝ થતાની સાથે ફેન્સમાં ઉત્સાહ જોવા મળી રહ્યો છે. ટ્રેલર જોઈને લોકો આલિયા, રણબીર અને ટ્રેલરમાં જોવા મળતી તેમની કેમેસ્ટ્રી, ધાંસૂ એક્શન એન્ડ અફકોર્સ ફિલ્મની VFX ઈફેક્ટના જોરદાર વખાણ થઈ રહ્યા છે.
‘બ્રહ્માસ્ત્ર’ પાર્ટ-1 ટ્રેલર રિલીઝ
રણબીર અને આલિયાની સાથે આ ફિલ્મમાં બોલીવુડના બિગ બી એટલે અમિતાભ બચ્ચન પણ મહત્વની ભૂમિકામાં જોવા મળશે તો, સાઉથ ઈન્ડસ્ટ્રીના સુપરસ્ટાર નાગાર્જૂન પણ આ ફિલ્મમાં જોવા મળશે. આ સિવાય મોની રોય પણ મુખ્ય રોલ પ્લે કરતી જોવા મળશે. જો કે, ‘બ્રહ્માસ્ત્ર’ ફિલ્મનો આ પાર્ટ-1 હશે અને ત્યારબાદ પાર્ટ-2 પણ આવશે.
આલિયા ભટ્ટે સોશિયલ મીડિયા પર ‘બ્રહ્માસ્ત્ર’નું ટ્રેલર શેર કર્યુ છે. ટ્રેલર શેર કરતા તેણે લખ્યું છે કે – ‘અમારા હ્રદયનો એક ભાગ- બ્રહ્માસ્ત્ર’. 9 સપ્ટેમ્બરે મળીએ.
આવુ છે ‘બ્રહ્માસ્ત્ર’ ટ્રેલર
‘બ્રહ્માસ્ત્ર’ની કહાની શિવા (રણબી કપૂર) નામના વ્યક્તિની આજુબાજુ ફરતી રહે છે. જેને પોતાની સુપર નેચરલ પાવરથી અજાણ હોય છે. ફિલ્મમાં શિવા (રણબીર કપૂર)વ અને ઈશા (આલિયા ભટ્ટ)ની લવ સ્ટોરી છે. તેઓ ‘બ્રહ્માસ્ત્ર’ને બચાવવા માંગતા હોય છે. તો અમિતાભ બચ્ચન અને નાગાર્જૂન આ બ્રહ્માંડની રક્ષા કરતા જોવા મળી રહ્યાં છે. જ્યારે મોની રૉય નેગેટિવ રૉલમાં જોવા મળી રહી છે.
THE WAIT IS OVER… 'BRAHMASTRA' TRAILER OUT NOW… #BrahmāstraTrailer… #Brahmāstra in *cinemas* 9 Sept 2022 in #Hindi, #Tamil, #Telugu, #Malayalam and #Kannada.
Link: https://t.co/xXDJVk7uaX pic.twitter.com/9sFR5sIHLv— taran adarsh (@taran_adarsh) June 15, 2022
રણબીર-આલિયાની પહેલી ફિલ્મ
મહત્વનું છે કે, અપકમિંગ ફિલ્મ ‘બ્રહ્માસ્ત્ર’માં રણબીર અને આલિયા કપૂર પહેલીવાર સાથે જોવા મળશે. કપૂર પરિવારની વહુ બની ગયા પછી પણ આલિયા-રણબીરની સાથે આ પહેલી જ ફિલ્મ હશે. એ દિલ હૈ મુશ્કિલ ફિલ્મમાં રણબીર અને આલિયા જોવા મળ્યા હતા. પરંતુ, એ ફિલ્મમાં આલિયાનો માત્ર કેમિયો રોલ હતો. પરંતુ, હવે આ બન્ને સ્ટાર્સના ફેન્સને આલિયા અને રણબીર કપૂર એકસાથે સ્ક્રીન શેયર કરતા અને રોમાન્સ કરતા જોવા મળશે.
