“#boycott brahmastra” વચ્ચે રાત્રે 2.30 વાગ્યે પણ ચાલી રહ્યા છે શો!
રણબીર કપૂર અને આલિયા ભટ્ટ સ્ટારર ફિલ્મ બ્રહ્માસ્ત્ર લાંબા સમયથી ધૂમ મચાવી રહી હતી. રિલીઝ પહેલા જ ફિલ્મે એડવાન્સ બુકિંગમાં ધમાકેદાર કમાણી શરૂ કરી દીધી હતી. તે જ સમયે, બ્રહ્માસ્ત્ર રિલીઝ થતાની સાથે જ તેના વિશે દર્શકોમાં એક અલગ જ ક્રેઝ જોવા મળી રહ્યો છે. તેથી તે માટે ફિલ્મના ખાસ શો રાખવામાં આવી રહ્યા છે.
કહેવાય છે કે, “સબ્ર ક ફલ મીઠા હોતા હૈ” ! અને આવું જ કંઈક બ્રહ્માસ્ત્રના કિસ્સામાં પણ જોવા મળી રહ્યું છે. અયાન મુખર્જીની ફિલ્મ બ્રહ્માસ્ત્ર બનવામાં સમય લાગ્યો હતો, પરંતુ જ્યારે ફિલ્મ રિલીઝ થઈ ત્યારે તે સિનેમા ઘરોમાં અને ચકોના દિલ પર છવાય ગઈ. બ્રહ્માસ્ત્રને લઈને ચાહકોમાં જબરદસ્ત ક્રેઝ જોવા મળી રહ્યો છે. ચાહકો ફિલ્મ જોવા માટે એટલા ઉત્સાહિત છે કે લોકોની માંગ પર થિયેટરોમાં વિશેષ શો ચલાવવામાં આવી રહ્યા છે.
બ્રહ્માસ્ત્ર વિશેષ શો
રણબીર કપૂર અને આલિયા ભટ્ટ સ્ટારર ફિલ્મ બ્રહ્માસ્ત્ર લાંબા સમયથી ધૂમ મચાવી રહી હતી. રિલીઝ પહેલા જ ફિલ્મે એડવાન્સ બુકિંગમાં ધમાકેદાર કમાણી શરૂ કરી દીધી હતી. તે જ સમયે, બ્રહ્માસ્ત્ર રિલીઝ થતાની સાથે જ તેના વિશે દર્શકોમાં એક અલગ જ ક્રેઝ જોવા મળી રહ્યો છે. આ જ કારણ છે કે લોકોની માંગ પર થિયેટરોમાં બ્રહ્માસ્ત્રના વિશેષ શો રાખવામાં આવ્યા હતા.
આલિયા ભટ્ટની સોશિયલ મીડિયા પોસ્ટ
વાસ્તવમાં આલિયા ભટ્ટે એક સ્ટોરી શેર કરી છે. બ્રહ્માસ્ત્રનું પોસ્ટર શેર કરતા આલિયાએ જણાવ્યું કે, લોકોની માંગ પર PVRમાં બે ખાસ શો રાખવામાં આવ્યા છે. પ્રથમ રાત્રે 2.30 વાગ્યે અને બીજી સવારે 5.45 વાગ્યે. આલિયાએ તેને ફિલ્મોનો જાદુ ગણાવ્યો છે. આમ પણ આ જાદુ તો છે જ, કે ફિલ્મ માટે જનતાનો ક્રેઝ જોઇને તેના માટે સિનેમા હોલમાં રાત્રીના 2.30 અને 5.45 વાગ્યે શો રાખવામાં આવી રહ્યા છે જે પોતે જ એક મોટી વાત છે.
પહેલા દિવસે 75 કરોડની કમાણી
આલિયા ભટ્ટ અને રણબીર કપૂર સ્ટારર ફિલ્મે પ્રથમ દિવસે વૈશ્વિક સ્તરે રૂ. 75 કરોડનું કલેક્શન કર્યું હતું. આ સાથે બ્રહ્માસ્ત્ર આ વર્ષની બીજી સૌથી વધુ બોક્સ ઓફિસ ઓપનિંગ કરનારી ફિલ્મ બની ગઈ છે. શુક્રવારે આ ફિલ્મે ભારતમાં 36 કરોડ સાથે ખાતું ખોલીને બધાને ચોંકાવી દીધા હતા. બ્રહ્માસ્ત્ર પ્રત્યે દર્શકોનો પ્રેમ જોઈને લાગે છે કે ફિલ્મ વીકેન્ડ પર ઘણી કમાણી કરશે.
બ્રહ્માસ્ત્ર આ વર્ષની સૌથી મોટી રિલીઝ માનવામાં આવે છે. ફિલ્મમાં આલિયા ભટ્ટ અને રણબીર કપૂર ઉપરાંત અમિતાભ બચ્ચન, મૌની રોય અને નાગાર્જુને પણ મહત્વની ભૂમિકાઓ ભજવી છે. ફિલ્મમાં મૌની રોયના પાત્રના પણ ખૂબ વખાણ થઈ રહ્યા છે. આ સિવાય ફેન્સ શાહરૂખ ખાનના કેમિયોથી પણ પ્રભાવિત થયેલા જોવા મળે છે. તમે અત્યાર સુધી બ્રહ્માસ્ત્ર જોવા ગયા છો કે નહીં?
