22 વર્ષ પહેલા ઘરેથી ગુમ થયેલો છોકરો ઘરે પહોંચ્યો, તેનો વેશ જોઈ પરિવાર થયો ભાવુક
અમેઠી, 05 ફેબ્રુઆરી : ઉત્તર પ્રદેશના અમેઠીમાં 22 વર્ષ પહેલા ઘરેથી ગુમ થયેલો છોકરો સાધુના વેશમાં ઘરે પહોંચ્યો, વર્ષો બાદ ઘરે આવેલા પુત્રને સાધુના વેશમાં જોઈ પરિવાર ભાવુક થઈ ગયો હતો. પુત્રને જોતા જ પરિવારના સભ્યો જોરથી રડવા લાગ્યા હતા. આ ઘટનાનો તેનો વીડિયો સોશિયલ મીડિયા પર ઝડપથી વાયરલ થઈ રહ્યો છે. વીડિયોમાં છોકરો સાધુના વેશમાં સારંગી વગાડીને ભજન અને કીર્તન ગાઈ રહ્યો છે. આસપાસ ઘણા લોકો હાજર છે. સાધુ બનેલા પુત્રને રોકવાના અનેક પ્રયાસો કર્યા હતા, પરંતુ પુત્ર રોકાયો ના હતો.
આ સમગ્ર મામલો ઉત્તરપ્રદેશના જૈસ પોલીસ સ્ટેશન વિસ્તારના ખરૌલી ગામનો છે. જહાંનો રહેવાસી રતિપાલ સિંહ તેની પહેલી પત્ની અને એક પુત્ર સાથે દિલ્હીમાં રહેતો હતો. દરમિયાન તેની પ્રથમ પત્નીનું અવસાન થયું. આ પછી તેણે ભાનુમતિ સાથે બીજા લગ્ન કર્યા. લાંબા સમય સુધી, રતિપાલ તેની પ્રથમ પત્નીના પુત્ર ભાનુમતી અને તેની પત્ની સાથે રહેતો હતો.
પરંતુ 2002માં રતિપાલની પહેલી પત્નીનો પુત્ર પિંકુ સિંહ ઘર છોડીને ગાયબ થઈ ગયો હતો. ગાયબ થતા પહેલા રતિપાલે લખોટી રમવાની જીદ માટે તેને માર માર્યો હતો અને ઠપકો આપ્યો હતો. સાવકી માતાએ પણ તેને સખત ઠપકો આપ્યો હતો. તેનાથી દુઃખી થઈને પિંકુ ઘરની બહાર નીકળી ગયો હતો. ત્યારે તે 11 વર્ષનો હતો. ઘણી શોધખોળ બાદ પણ તેનો પત્તો લાગ્યો ન હતો.
View this post on Instagram
ગુમ થયેલ પુત્ર 22 વર્ષ બાદ અચાનક ઘરે પરત ફર્યો
આ ઘટનાના લગભગ 22 વર્ષ બાદ ગયા અઠવાડિયે જ્યારે રતિપાલનો ગુમ થયેલો છોકરો પિંકુ પોતાના ઘરે પરત ફર્યો હતો. તેને સાધુના વેશમાં જોઈ પરિવારના સભ્યો ચોંકી ઉઠ્યા હતા. સાધુ વેશમાં રહેલા પીંકુએ પહેલા તેણે આખા ગામની પરિક્રમા કરી અને પછી પોતાના ઘરે પહોંચ્યો. જે બાદ પરિવારના સભ્યો પિતા અને સાવકી માતા અન્ય અન્યને પણ મળ્યો હતો.
તેમણે પિંકુને તેના શરીર પરના ઈજાથી ઓળખી કાઢ્યો હતો. પોતાના પુત્રને સાધુના વેશમાં અને સહીસલામત જોઈને દરેકની આંખોમાં આંસુ આવી ગયા. પરિવાર રડવા લાગ્યો. તેમણે પિંકુને ઘરે રહેવા વિનંતી કરી પણ તે માન્યો નહીં.
વીડિયોમાં પરિવારના સભ્યો રડતા જોવા મળી રહ્યા છે
સાધુ તરીકે 22 વર્ષ પછી ઘરે પરત ફરેલા પિંકુ સિંહે જ્યારે તેમના પરિવાર અને ગ્રામજનોને હૃદયસ્પર્શી ગીત ગાયું તો તેઓ રડવા લાગ્યા. વીડિયોમાં પિંકુની કાકી તેની બાજુમાં બેસીને રડી રહી છે. આસપાસ લોકોની ભીડ છે. આ ઈમોશનલ વીડિયો વાયરલ થઈ રહ્યો છે.
પરિવારજનોએ જણાવ્યું કે 11 વર્ષની ઉંમરે ગુમ થયેલ પિંકુ દિલ્હીમાં એક સંતને મળ્યો હતો. જે બાદ તે તેમની સાથે સંન્યાસનું જીવન જીવવા લાગ્યો. 22 જાન્યુઆરીના રોજ અયોધ્યામાં રામ મંદિર પ્રાણ પ્રતિષ્ઠા કાર્યક્રમમાં હાજરી આપ્યા બાદ તે ભિક્ષા લેવા માટે પોતાના ઘરે ગયો હતો.
દાદી અને સાવકી માએ શું કહ્યું?
સાધુ બનેલા પિંકુની સાવકી માતાએ કહ્યું કે પિંકુ દિલ્હીથી ગુમ થયો હતો. તે સમયે તે રમી રહ્યો હતો. એક દિવસ તેણે જીદ કરતા મેં તેને થપ્પડ મારી હતી. પિતાએ પણ ઠપકો આપ્યો. જે બાદ પિંકુ ઘર છોડીને નીકળી ગયો હતો. મારો પુત્ર 22 વર્ષ પછી અચાનક ઘરે આવ્યો છે. અમે બધા ખૂબ ખુશ છીએ. પરંતુ તે ઘરે રોકાયો નથી.
દરમિયાન, પિંકુની દાદી ઉર્મિલાએ કહ્યું કે છોકરાની ઓળખ તેના શરીર પરના ઈજાના નિશાન પરથી થઈ છે. અમારા પૌત્ર પણ અમને ઓળખી ગયો હતો. તેણે અમને ભજન ગાઈને સંભળાવ્યું હતું. જે સાંભળીને બધા રડવા લાગ્યા. પણ તે ઘરે રોકાયો નહીં.
જ્યાં સુધી યોગી PM નહીં બને ત્યાં સુધી હું …: ગોલ્ડન બાબાના શપથ
ભારતે બ્રાઝિલથી આખલાના વીર્યની કરી આયાત, જાણો કેમ?
NASAએ શોધ્યું ‘Super Earth’: માનવ જીવનની છે ઘણી સંભાવનાઓ, જાણો પૃથ્વીથી કેટલું દૂર છે?
‘આ મકબરો નથી, મહાભારત કાળનું લક્ષાગ્રહ છે…’, હિંદુઓની બીજી જીત, કોર્ટે આપ્યો મહત્ત્વનો નિર્ણય
