ઔરંગઝેબના લુકમાં બોબી દેઓલનો હટકે અંદાજ, જન્મદિવસે ફેન્સને આપી રિટર્ન ગીફ્ટ

મુંબઈ, 27 જાન્યુઆરી 2025 :  સુપરસ્ટાર સલમાન ખાનની ફિલ્મ રેસ 3 થી બોબી દેઓલે એવું જોરદાર કમબેક કર્યું કે તેણે ક્યારેય પાછળ વળીને જોયું નહીં. સલમાન ખાને બોબી દેઓલને બોડી બનાવવાની અને પછી વાપસી કરવાની સલાહ આપી ત્યારે તેનું કરિયર ફ્લોપ હતુ. ત્યારબાદ બોબીએ આશ્રમ, ક્લાસ ઓફ 83, રેસ 3, લવ હોસ્ટેલ, એનિમલ અને કાંગુવા જેવી ઘણી હિટ ફિલ્મો આપી છે. અભિનેતાની આગામી ફિલ્મોની યાદી પણ ઘણી લાંબી છે. બોબી દેઓલ આજે 27 જાન્યુઆરીએ પોતાનો 56મો જન્મદિવસ ઉજવી રહ્યો છે અને આ ખાસ પ્રસંગે, તેની આગામી ફિલ્મનો પહેલો લુક પણ જાહેર કરવામાં આવ્યો છે.

Wishing the incomparable, the man of magnetic screen presence @thedeol a very Happy Birthday! – Team #HariHaraVeeraMallu ⚔️#HBDBobbyDeol 🔥

Power star 🌟 @PawanKalyan @AMRathnamOfl @AnupamPKher @AgerwalNidhhi @amjothikrishna @mmkeeravaani @ADayakarRao2 @Manojdft… pic.twitter.com/frklEumhjM

— Hari Hara Veera Mallu (@HHVMFilm) January 27, 2025

ઔરંગઝેબ તરીકે બોબી દેઓલનો લુક
બોબી દેઓલની આગામી ફિલ્મ ‘હરિ હરા વીરા મલ્લુ’ હશે. આ ફિલ્મ અનેક ભાગોમાં બની રહી છે અને પહેલા ભાગનું નામ Sword vs Spirit રાખવામાં આવ્યું. આ ફિલ્મમાં બોબી દેઓલ ઔરંગઝેબની ભૂમિકા ભજવતો જોવા મળશે. આ એક તેલુગુ ફિલ્મ હશે જે અન્ય ભાષાઓમાં પણ રિલીઝ થઈ શકે છે. ફિલ્મના રિલીઝ થયેલા બોબી દેઓલના ફર્સ્ટ લૂક પોસ્ટરમાં, તે ઔરંગઝેબની ભૂમિકામાં હાથમાં તલવાર પકડીને જોવા મળે છે. પૃષ્ઠભૂમિમાં તેની આખી સેના દેખાય છે.

ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં

આ પોસ્ટર પર લોકોની પ્રતિક્રિયા કેવી છે?
ફિલ્મના ઓફિશિયલ X હેન્ડલ પરથી આ પોસ્ટર રિલીઝ કરતા, નિર્માતાઓએ લખ્યું – પડદા પર અજોડ અને ચુંબકીય હાજરી બોબી દેઓલને જન્મદિવસની શુભકામનાઓ. પોસ્ટમાં, નિર્માતાઓએ પવન કલ્યાણ, અનુપમ ખેર અને નિધિ અગ્રવાલને પણ ટેગ કર્યા છે. પોસ્ટર પર લોકોની પ્રતિક્રિયા વિશે વાત કરીએ તો, ચાહકો ફર્સ્ટ લુકથી ખૂબ ઉત્સાહિત જણાતા હતા. ફિલ્મની રિલીઝ તારીખને લઈને દર્શકો ખૂબ જ ઉત્સાહિત જણાતા હતા. કારણ કે 28 માર્ચે રિલીઝ થનારી આ ફિલ્મની રિલીઝ ડેટમાં ફેરફાર થવાની ધારણા હતી.

બોબી દેઓલની આગામી ફિલ્મોની યાદી
જોકે, નિર્માતાઓએ રિલીઝ તારીખમાં કોઈ ફેરફાર કર્યો નથી અને હવે દર્શકોને ખાતરી થઈ ગઈ છે કે ‘હરિ હરા વીરા મલ્લુ’ 28 માર્ચે વર્લ્ડવાઈડ રિલીઝ થશે. બોબી દેઓલની અન્ય ફિલ્મોની વાત કરીએ તો, આ પછી તે હાઉસફુલ-5 માં પણ જોવા મળશે. આ ફિલ્મનો ચોથો ભાગ વર્ષ 2019 માં રિલીઝ થયો હતો, પરંતુ શું આગામી ભાગ પણ એ જ જાદુ કરી શકશે? તે જોવું રસપ્રદ રહેશે. આ ઉપરાંત બોબી દેઓલને આલ્ફા અને જન નયાગન ફિલ્મોમાં પણ મહત્ત્વપૂર્ણ ભૂમિકાઓ ભજવવાની તક મળી છે. પરંતુ આ ફિલ્મના ટીઝર માટે આપણે થોડી રાહ જોવી પડશે.

આ પણ વાંચો : પૌત્ર અને પુત્ર સાથે પ્રયાગરાજ મહાકુંભમાં પહોંચ્યા કેન્દ્રીય ગૃહ મંત્રી અમિત શાહઃ Video