સાઉથની ફિલ્મ ‘કંગુવા’માં વિલન બન્યો બોબી દેઓલ, શેર કર્યો ફર્સ્ટ લુક
HD ન્યૂઝ ડેસ્ક, 27 જાન્યુઆરી: બોબી દેઓલ શનિવારે 27 જાન્યુઆરીએ પોતાનો 55મો જન્મદિવસ ઉજવી રહ્યો છે. આ ખાસ દિવસે તેની આગામી ફિલ્મ ‘કંગુવા’ના નિર્માતાઓએ અભિનેતાનું ફર્સ્ટ લૂક પોસ્ટર શેર કરીને બધાને ચોંકાવી દીધા છે. પોસ્ટરમાં બોબી દેઓલનો ક્રૂર અને ખતરનાક લુક જોઈ શકાય છે. બોબી દેઓલની ‘કંગુવા’ વર્ષ 2024ની સૌથી વધુ રાહ જોવાતી ફિલ્મોમાંથી એક છે. ‘કંગુવા’માં બોબી દેઓલ ફિલ્મ ‘એનિમલ’ બાદ ફરી એકવાર વિલનની ભૂમિકામાં ચમકવા જઈ રહ્યો છે. સૂર્યાની આગામી ફિલ્મ ‘કંગુવા’ના નિર્માતાઓએ બોબી દેઓલનું પોસ્ટર શેર કરીને દરેકને ફિલ્મ જોવા માટે વધુ ઉત્સાહિત કરી દીધા છે.
‘કંગુવા’નો ઉધીરન બોબી દેઓલ
‘કાંગુવા’માં ઉધીરન કોણ છે? આખરે આ રહસ્યનો પર્દાફાશ થયો છે. બોબી દેઓલના 55માં જન્મદિવસ પર, નિર્માતાઓએ આખરે ખુલાસો કર્યો છે કે તે બોબી દેઓલ છે જે ‘શક્તિ’ ઉધીરનની ભૂમિકા ભજવશે. તેણે ફિલ્મના અભિનેતાનું ફર્સ્ટ લૂક પોસ્ટર પણ શેર કર્યું છે જે ઝડપથી વાયરલ થઈ રહ્યું છે. ‘એનિમલ’ પછી, તમે બોબી દેઓલને ફરી એકવાર ‘કંગુવા’માં વિલનની ભૂમિકામાં ધુમમચાવતો જોવા મળશે.
અહીં જુઓ બોબી દેઓલ ખતરનાક લુક
View this post on Instagram
બોબીએ ‘કંગુવા’માંથી ઉધીરન તરીકે તેના વિલનનો પહેલો લુક શેર કર્યો. પોસ્ટરના કેપ્શનમાં લખ્યું છે, ‘ક્રૂર, પાવરફુલ, અનફર્ગેટેબલ’ નિર્માતાઓએ તેમના ઇન્સ્ટાગ્રામ એકાઉન્ટ પર બોબી દેઓલનું પોસ્ટર પણ શેર કર્યું છે. ફિલ્મમાં વિલનની ભૂમિકા ભજવતા બોબી દેઓલનું પહેલું પોસ્ટર સોશિયલ મીડિયા પર વાયરલ થયું છે. બોબીનું અત્યાર સુધીનું સૌથી ખતરનાક રૂપ છે, જેને જોઈને કોઈ પણ ડરી જશે. પોસ્ટરમાં બોબી ભીડથી ઘેરાયેલો છે. શરીર પર લોહી છે, વાળ વિખરાયેલા છે અને તે હાડકાનો હાર પહેરેલો જોવા મળે છે.
કંગુવામાં કોણ કોણ?
સુરૈયા, બોબી દેઓલ અને દિશા પટણી ઉપરાંત, આ ફિલ્મમાં જગપતિ બાબુ, યોગી બાબુ, રેડિન કિંગ્સલે, કેએસ રવિકુમાર અને અન્ય ઘણા કલાકારો પણ મુખ્ય ભૂમિકામાં છે. બોબી દેઓલ અને દિશા પટણી ‘કંગુવા’થી તમિલમાં ડેબ્યૂ કરી રહ્યા છે. આ ફિલ્મ એક ફેન્ટસી એક્શન ડ્રામા છે.
આ પણ વાંચો: ‘Fighter’નો બોક્સ ઓફિસ પર દબદબો, ઋતિક રોશનની એક્શનના ભરપૂર વખાણ
