અતીક અહેમદની ઓફિસમાંથી મળેલા લોહીના નિશાનને લઈ ખુલાસો, એકની ધરપકડ

અતીક અહેમદની ઓફિસમાંથી મળેલા લોહીના નિશાન પર પોલીસે તપાસ પૂર્ણ કરી લીધી છે. જેમાં પોલીસે શાઈસ્તા પરવીનના સુસાઈડ એંગલને સંપૂર્ણપણે ફગાવી દીધો હતો. આ કેસમાં અન્ય એક મહિલાની હાજરી પણ માત્ર અફવા સાબિત થઈ છે.

હવે આ મામલે પોલીસે નવો ખુલાસો કર્યો છે. આ મુજબ ઓફિસમાં ચોરો ઘૂસ્યાની વાત સામે આવી છે. ખરેખર, અતીક અહેમદની ઓફિસમાંથી મળી આવેલા લોહીના મામલામાં પોલીસે શાહરૂખ નામના વ્યક્તિની ધરપકડ કરી છે. ડીસીપી દીપકના જણાવ્યા અનુસાર, શાહરૂખ પોતાના એક સાથી સાથે લોખંડ ચોરવાના ઈરાદે અતીકની ઓફિસમાં ઘૂસ્યો હતો, પરંતુ તેને ઈજા થઈ હતી અને લોહી વહેવા લાગ્યું હતું.

લોહીના નિશાન

શાહરૂખે જણાવ્યું કે તેનો અન્ય પાર્ટનર ઓફિસની બહાર ઉભા રહીને મોનિટરિંગ કરી રહ્યો હતો. લોહી નીકળતાં તે ઉપરના માળે દોડી ગયો. આ દરમિયાન તેને જે પણ કપડા મળ્યા તેનાથી તેણે પોતાનું લોહી સાફ કર્યું. તેણે નજીકની દુકાનમાં જઈને લોહી સાફ કરવા માટે પાણીની બોટલ ખરીદી પણ તેની પાસે પૈસા નહોતા. પોલીસના જણાવ્યા અનુસાર શાહરૂખના નિવેદનની ખરાઈ કર્યા બાદ તેની ધરપકડ કરવામાં આવી છે. પોલીસે એ પણ જણાવ્યું કે તે ડ્રગ એડિક્ટ છે અને તેના અન્ય સાથીદારની શોધ ચાલી રહી છે.

અતીકની ઓફિસમાંથી પોલીસને શું મળ્યું?

પ્રયાગરાજના ચકિયા વિસ્તારમાં અતીકની ઓફિસમાં સીડી અને સોફા પર રાખવામાં આવેલા સફેદ કપડાના ટુકડા પર લોહીના ડાઘ જોવા મળ્યા હતા. પ્રાથમિક તપાસમાં પોલીસે જણાવ્યું હતું કે આ લોહીના ડાઘા એક કે બે દિવસ જૂના છે. ફોરેન્સિક લેબના રિપોર્ટમાં તે સ્પષ્ટ થઈ ગયું છે કે આ લોહીના ડાઘ માણસના જ છે. અતીકની ઓફિસમાંથી એક છરી પણ મળી આવી હતી.