મહારાષ્ટ્રના રાયગઢમાં કેમિકલ કંપનીમાં બ્લાસ્ટ, 2 લોકોના મૃત્યુ, 4 દાઝ્યા
રાયગઢ, 12 સપ્ટેમ્બર: રાયગઢ: મહારાષ્ટ્રના રાયગઢ જિલ્લામાં ગુરુવારે એક કેમિકલ કંપનીમાં જોરદાર વિસ્ફોટ થયો, જેમાં ઓછામાં ઓછા બે કામદારોના મોત થયા અને ચાર અન્ય ઘાયલ થયા. પોલીસ અધિકારીઓના જણાવ્યા અનુસાર, આ ઘટના મુંબઈથી લગભગ 110 કિમી દૂર રોહા નગરના ધટાવ MIDCમાં સાધના નાઈટ્રો કેમ લિમિટેડમાં સવારે 11.15 વાગ્યે બની હતી. રાયગઢના પોલીસ અધિક્ષક સોમનાથ ખરગેએ જણાવ્યું કે કેમિકલ પ્લાન્ટની સ્ટોરેજ ટેન્કમાં વિસ્ફોટ થયો હતો. આ ઘટનામાં સ્ટોરેજ ટેન્ક પર કામ કરતા બે કર્મચારીઓના મોત થયા હતા. તેણે કહ્યું કે નજીકમાં કામ કરતા અન્ય ચાર લોકો દાઝી ગયા હતા.
ઘાયલોની સારવાર ચાલુ છે
વિસ્ફોટની માહિતી મળતાં જ ફાયર બ્રિગેડ અને સ્થાનિક પોલીસ કર્મચારીઓ ઘટનાસ્થળે પહોંચી ગયા હતા અને શોધ અને બચાવ કામગીરી શરૂ કરી હતી. ઘાયલ કામદારોને રોહાની સરકારી હોસ્પિટલમાં લઈ જવામાં આવ્યા હતા. ખર્ગેએ જણાવ્યું કે, હાલમાં તેની સારવાર ચાલી રહી છે. તેમણે કહ્યું કે બંને મૃતકોના મૃતદેહને પોસ્ટમોર્ટમ માટે મોકલી દેવામાં આવ્યા છે.
આ પણ વાંચો :વરિષ્ઠ CPI(M) નેતા સીતારામ યેચુરીનું નિધન, 72 વર્ષની વયે લીધા અંતિમ શ્વાસ
