નાગપુરમાં વિસ્ફોટક બનાવતી કંપનીમાં ધડાકો, નવનાં મૃત્યુ
- નાગપુરની એક વિસ્ફોટક બનાવતી કંપનીમાં વહેલી સવારે ધડાકો
- અચાનક થયેલા ધડાકામાં 9 કામદારોના મૃત્યુ, અનેક ઘાયલ
મહારાષ્ટ્ર, 17 ડિસેમ્બર: મહારાષ્ટ્રના નાગપુરમાં એક કંપનીમાં મોટો વિસ્ફોટ થયો છે. પોલીસે જણાવ્યું કે રવિવારે સવારે થયેલા વિસ્ફોટમાં 9 લોકોના મૃત્યુ થયા છે. આ અચાનક થયેલા ધડાકામાં અનેક લોકો ઘાયલ થયા છે. સમાચાર એજન્સી પીટીઆઈએ એક વરિષ્ઠ પોલીસ અધિકારીને ટાંકીને જણાવ્યું હતું કે બજારગાંવ વિસ્તારમાં સોલાર ઈન્ડસ્ટ્રીઝના કાસ્ટ બૂસ્ટર યુનિટમાં સવારે 9 વાગ્યે વિસ્ફોટ થયો હતો. વિસ્ફોટની તીવ્રતા જોતાં મૃત્યુઆંક વધી શકે છે.
Maharashtra | There has been a blast in the Solar Explosive Company in Bazargaon village of Nagpur, this blast happened at the time of packing in the cast booster plant in the Solar Explosive Company. More details awaited: Nagpur Rural Police
— ANI (@ANI) December 17, 2023
આ કંપની નાગપુર અમરાવતી રોડ પર બજાર ગામમાં આવેલી છે. પ્રાથમિક માહિતી મુજબ વિસ્ફોટ આજે સવારે 9 વાગ્યે થયો હતો. જણાવવામાં આવી રહ્યું છે કે વિસ્ફોટકો પેક કરવાનું કામ ચાલી રહ્યું હતું ત્યારે વિસ્ફોટ થયો હતો. વિસ્ફોટ ખૂબ જ તીવ્ર હતો અને ત્યાં હાજર ઘણા કામદારો ગંભીર રીતે ઘાયલ થયા હતા. આ ઘટનામાં અત્યાર સુધીમાં નવ લોકોના મૃત્યુ થયા છે. સોલાર એક્સપ્લોસિવના મુખ્ય દરવાજા સામે મોટી સંખ્યામાં કામદારોના પરિવારના સભ્યો એકઠા થયા છે.
આ પણ વાંચો: સંસદમાં બનેલી ઘટના ચિંતાજનક, ઉંડાણપૂર્વક તપાસ જરૂરીઃ પીએમ મોદી
