Black+Decker 4K Google TV સિરીઝ ભારતમાં લૉન્ચ, ઓછી કિંમતમાં છે શાનદાર ફીચર્સ

નવી દિલ્હી, 18 જાન્યુઆરી: જો તમે નવું સ્માર્ટ ટીવી ખરીદવા માંગો છો, તો માર્કેટમાં એક નવો વિકલ્પ લોન્ચ કરવામાં આવ્યો છે. ખરેખર, બ્લેક + ડેકરે Indkal Technologies સાથે મળીને તેની પ્રથમ 4K Google સ્માર્ટ ટીવી શ્રેણી લોન્ચ કરી છે. આમાં કંપની 4K ગૂગલ સ્માર્ટ ટીવી લાવી છે. આને પાવરફુલ ફીચર્સ સાથે લોન્ચ કરવામાં આવ્યા છે. આ ઓનલાઈન અને ઓફલાઈન સ્ટોર્સ પરથી ખરીદી શકાય છે. આ બ્રાન્ડ તમામ મોટા રિટેલ સ્ટોર્સ પર વેચાણ માટે ઉપલબ્ધ છે. કંપનીએ પોતાના ટીવીને ઘણી સ્ક્રીન સાઈઝમાં લોન્ચ કર્યા છે.

બ્લેક+ડેકરે ઈન્ડકલ ટેક્નોલોજીના સહયોગથી ભારતમાં તેનું પ્રથમ 4K ગૂગલ સ્માર્ટ ટીવી લોન્ચ કર્યું છે. આ ટીવી A1 સિરીઝનો એક ભાગ છે. કંપનીની લેટેસ્ટ પ્રોડક્ટ એન્ડ્રોઇડ 14 પર કામ કરે છે. ટીવી MEMC, DSC અને Dolby Vision જેવી ડિસ્પ્લે ટેક્નોલોજી સપોર્ટ સાથે આવે છે. કંપનીનું કહેવું છે કે આ સીરીઝના ટીવી જે અદ્યતન સ્માર્ટ કાર્યક્ષમતા સાથે આવે છે તે જોવાનો ઉત્તમ અનુભવ પ્રદાન કરે છે.

જાણો કિંમત વિશે?

Black+Decker A1 સિરીઝ Google TVની શરૂઆતી કિંમત રૂ. 11,999 છે. તેનું 32-ઇંચનું FHD વેરિઅન્ટ 11.99 રૂપિયામાં ખરીદી શકાય છે. શ્રેણીનું સૌથી પ્રીમિયમ 65-ઇંચ 4K ટીવી રૂ 47,999માં ઉપલબ્ધ છે. કંપની તેની સાથે એક વર્ષની વોરંટી આપી રહી છે. તે દેશભરના મોટા ઓનલાઈન અને ઓફલાઈન સ્ટોર્સ પરથી ખરીદી શકાય છે.

ટીવીની વિશેષતાઓ વિશે જાણો ?

આ ટીવી મેટલ ફિનિશ યુનિબોડી ડિઝાઇન સાથે લોન્ચ કરવામાં આવ્યું છે, જેમાં 98.5 ટકા દૃશ્યક્ષમ ક્ષેત્ર છે, જે દરેક બાજુથી સિનેમેટિક અનુભવ આપે છે. A+ ગ્રેડ VA પેનલ સાથે, આ ટીવી 3840×2160 અલ્ટ્રા-હાઈ ડેફિનેશન રિઝોલ્યુશન પ્રદાન કરે છે. આ સાથે, તે HDR10 અને ડોલ્બી વિઝનથી પણ સજ્જ છે, જેના કારણે તે રમતગમતથી લઈને મૂવીઝ સુધીનો શ્રેષ્ઠ જોવાનો અનુભવ આપે છે. આ ટીવી એન્ડ્રોઇડ 14 પર ઓપરેટ થાય છે અને તે Google Voice Assistance, AI Picture Optimization, Netflix, Prime Video, Disney Hotstar અને YouTube વગેરે જેવી પ્રી-ઇન્સ્ટોલ કરેલ એપ્સ સાથે આવે છે. તે મોબાઇલ ડિવાઇસમાંથી સ્ટ્રીમિંગ માટે Google Cast અને વીડિયો કૉલ્સ માટે Google Meetને સપોર્ટ કરે છે. કનેક્ટિવિટી અને ઓડિયો પણ મજબૂત છે.

આ પણ વાંચો..હવે PF એકાઉન્ટ ટ્રાન્સફર કરવાની પ્રક્રિયા સરળ થઈ, EPFOએ નિયમમાં કર્યો ફેરફાર