2024 ચૂંટણીની તૈયારી: બીજેપીએ ચાર મહત્વપૂર્ણ રાજ્યોના પ્રદેશ અધ્યક્ષ બદલ્યા; રાજકીય દંગલ શરૂ

નવી દિલ્હી: ભારતીય જનતા પાર્ટીએ એક મહત્વપૂર્ણ ઘટનાક્રમમાં મંગળવારે ઘણા રાજ્યોમાં તેના પ્રદેશ અધ્યક્ષોને બદલી નાંખ્યા છે. 2024માં યોજાનારી લોકસભાની સામાન્ય ચૂંટણી અને તે પહેલા ઘણા મોટા રાજ્યોની વિધાનસભા ચૂંટણીઓને ધ્યાનમાં રાખીને આ એક મોટું રાજકીય પગલું છે. રાજ્યના પક્ષના પ્રમુખો બદલાયા બાદ સંગઠનમાં ફેરફારથી ઘણા નેતાઓને અન્ય જવાબદારીઓ સોંપવામાં આવશે.

સુનીલ જાખડને પંજાબના નવા પ્રદેશ અધ્યક્ષ બનાવવામાં આવ્યા છે. તેઓ અશ્વિની શર્માનું સ્થાન લેશે. સુનીલ જાખડ અગાઉ કોંગ્રેસમાં હતા. થોડા સમય પહેલા તેઓ પાર્ટી છોડીને ભાજપમાં જોડાયા હતા. સુનીલ જાખડ કોંગ્રેસના પૂર્વ વરિષ્ઠ નેતા અને કેન્દ્રીય મંત્રી બલરામ જાખડના પુત્ર છે.

હાલમાં પાર્ટીએ ચાર રાજ્યોના પ્રમુખો બદલ્યા છે. તેમાં પંજાબ ઉપરાંત ઝારખંડ, આંધ્રપ્રદેશ અને તેલંગાણાનો સમાવેશ થાય છે. પાર્ટીએ ઝારખંડની જવાબદારી બાબુલાલ મરાંડીને, આંધ્રપ્રદેશની પી પુરંદેશ્વરીને, તેલંગાણાની જવાબદારી જી કિશન રેડ્ડીને આપી છે. ચૂંટણી વ્યવસ્થાપન સમિતિના અધ્યક્ષ તરીકે રાજેન્દ્ર અટીલાની નિમણૂક કરવામાં આવી છે.

હાલમાં પાર્ટીએ ચાર રાજ્યોના પ્રમુખો બદલ્યા છે. તેમાં પંજાબ ઉપરાંત ઝારખંડ, આંધ્રપ્રદેશ અને તેલંગાણાનો સમાવેશ થાય છે. પાર્ટીએ ઝારખંડની જવાબદારી બાબુલાલ મરાંડીને, આંધ્રપ્રદેશની પી પુરંદેશ્વરીને, તેલંગાણાની જવાબદારી જી કિશન રેડ્ડીને આપી છે.

તાજેતરની કર્ણાટક વિધાનસભા ચૂંટણીમાં પાર્ટીની હાર બાદ ભારતીય જનતા પાર્ટી પણ પોતાની ચૂંટણી પ્રબંધન સમિતિને મજબૂત બનાવવામાં વ્યસ્ત છે. ચૂંટણી વ્યવસ્થાપન સમિતિના અધ્યક્ષ તરીકે રાજેન્દ્ર અટીલાની નિમણૂક કરવામાં આવી છે. આ દરમિયાન બિહારના સીએમ નીતિશ કુમારની પહેલ પર પટનામાં વિપક્ષી પાર્ટીઓએ એકતા બેઠક યોજીને મોદી સરકાર સામે મોરચો ખોલ્યો છે.

બીજી તરફ રાજસ્થાન, મધ્યપ્રદેશ સહિત અનેક રાજ્યોમાં આગામી કેટલાક મહિનામાં વિધાનસભાની ચૂંટણીઓ યોજાવા જઈ રહી છે. પાર્ટી આ તમામ ઘટનાઓ પર ચાંપતી નજર રાખી રહી છે. કર્ણાટકની હાર બાદ ભારતીય જનતા પાર્ટીના ટોચના નેતાઓએ પોતાની રણનીતિ બનાવવાની કવાયત તેજ કરી દીધી છે.

વડાપ્રધાન નરેન્દ્ર મોદીએ પોતે યુએસ અને ઇજિપ્તની યાત્રાથી પરત ફર્યા બાદ પાર્ટી અધ્યક્ષ જેપી નડ્ડા, ગૃહ પ્રધાન અમિત શાહ અને સંરક્ષણ પ્રધાન રાજનાથ સિંહ સહિત ઘણા ટોચના નેતાઓ સાથેની બેઠકમાં પરિસ્થિતિની સમીક્ષા કરી હતી.

આ પણ વાંચો-પોર્ટુગલ બન્યું ખાલિસ્તાની આતંકવાદીઓનો નવો અડ્ડુો, ગુપ્તચર એજન્સીઓને મળી મહત્વની જાણકારી