- ગોધરા ખાતે સવારે 11.30 કલાકે જાહેર સભા સંબોધશે
- પંચમહાલ લોકસભા ક્ષેત્રની જાહેર સભામાં ઉપસ્થિત રહેશે
- વડોદરામાં સાંજે 5.15 કલાકે શ્રીજી પાર્ટી પ્લોટ ખાતે કાર્યકર્તા સંવાદ કાર્યક્રમ
BJPના રાષ્ટ્રીય અધ્યક્ષ જે.પી.નડ્ડા આજે ગુજરાતની મુલાકાતે છે. જેમાં ગોધરા ખાતે સવારે 11.30 કલાકે જાહેર સભા સંબોધશે. તથા વડોદરામાં બે લોકસભા ક્ષેત્રના આગેવાનો-કાર્યકરો સાથે વાર્તાલાપ કરશે. ભાજપના પ્રદેશ અધ્યક્ષ સી.આર. પાટીલ વડોદરા ખાતેના કાર્યક્રમોમાં ઉપસ્થિત રહેશે.
આ પણ વાંચો: ગુજરાતમાં ભારે વરસાદથી જળાશયો હાઈએલર્ટ પર, જાણો કેટલો વધ્યો નવા નીરનો જથ્થો
ભાજપના રાષ્ટ્રીય અધ્યક્ષ જે.પી. નડ્ડા આજે ગુજરાત મુલાકાતે આવી ગયા
ભાજપના રાષ્ટ્રીય અધ્યક્ષ જે.પી. નડ્ડા આજે ગુજરાત મુલાકાતે આવી ગયા છે. જે.પી. નડ્ડા પંચમહાલ જિલ્લામાં એક અને વડોદરામાં ત્રણ કાર્યક્રમોમાં ઉપસ્થિત રહેશે, તેમની સાથે રાજ્યના મુખ્યમંત્રી ભૂપેન્દ્ર પટેલ અને ભાજપના પ્રદેશ અધ્યક્ષ સી.આર. પાટીલ વડોદરા ખાતેના કાર્યક્રમોમાં ઉપસ્થિત રહેશે. ભાજપના રાષ્ટ્રીય અધ્યક્ષ નડ્ડા સવારે 11.30 વાગ્યે પંચમહાલ લોકસભા ક્ષેત્રની જાહેર સભામાં ઉપસ્થિત રહેશે. પંચમહાલ જિલ્લાના ગોધરા સ્થિત લુણાવાડા બાયપાસ હાઈવે, પંચામૃત ડેરીની સામે આવેલા મેદાનમાં તેઓ જાહેર સભાને સંબોધશે. આ કાર્યક્રમ પૂર્ણ થયા બાદ નડ્ડા વડોદરા ખાતે પહોંચશે.
આ પણ વાંચો: ગુજરાત: કરોડો રૂપિયાનું આંધણ છતા વરસાદી પાણીના તાત્કાલીક નિકાલ કરવામાં તંત્ર નિષ્ફળ
સાંજે 5.15 કલાકે શ્રીજી પાર્ટી પ્લોટ ખાતે કાર્યકર્તા સંવાદ કાર્યક્રમ
વડોદરામાં બપોરે 2.30 વાગ્યે સંપર્કથી સમર્થન કાર્યક્રમ અંતર્ગત વડોદરાના અગ્રણીઓ સાથે મુલાકાત યોજશે, આજવા રોડ સ્થિત પંડિત દિન દયાલ ઉપાધ્યાય સભાગૃહ ખાતે આ કાર્યક્રમ યોજાવાનો છે, આ જ સ્થળે બપોરે 3.45 કલાકે કાર્યકર્તા સંમેલન કાર્યક્રમ અંતર્ગત વડોદરા લોકસભા ક્ષેત્રના ભાજપ સંગઠનના નેતાઓ અને કાર્યકરો સાથે તેઓ વાર્તાલાપ કરવાના છે. એ પછી સાંજે 5.15 કલાકે શ્રીજી પાર્ટી પ્લોટ ખાતે કાર્યકર્તા સંવાદ કાર્યક્રમ અંતર્ગત પાટણ લોકસભા ક્ષેત્રના પક્ષના નેતાઓ અને કાર્યકરો સાથે વાર્તાલાપનો કાર્યક્રમ યોજાશે, ભાજપના મીડિયા સેલ દ્વારા વિધિવત્ રીતે આ કાર્યક્રમ જાહેર કરાયો છે.
