‘PM મોદી પાછલા જન્મમાં શિવાજી મહારાજ હતા’ અંગેના નિવેદન ઉપર ભાજપના સાંસદની સ્પષ્ટતા

નવી દિલ્હી, 18 માર્ચ : ભાજપના સાંસદ પ્રદીપ પુરોહિતના નિવેદનને લઈને હોબાળો થઈ રહ્યો છે. પુરોહિતે કહ્યું હતું કે વડાપ્રધાન મોદી તેમના પાછલા જન્મમાં છત્રપતિ શિવાજી મહારાજ હતા. આ નિવેદન પર વિવાદ વધ્યા બાદ તેમણે સ્પષ્ટતા આપી છે. તેમણે કહ્યું, વડાપ્રધાને પોતાનું જીવન રાષ્ટ્રને સમર્પિત કર્યું છે અને તેઓ રાષ્ટ્ર નિર્માણ માટે કામ કરી રહ્યા છે.

‘મોદી પાછલા જન્મમાં શિવાજી હતા’

પ્રદીપ પુરોહિતે વધુમાં કહ્યું કે, ‘મેં સંસદમાં કહ્યું હતું કે હું બારગઢનો સાંસદ છું, જ્યાં એક મોટા પહાડી વિસ્તારમાં એક સંત રહે છે. એકવાર જ્યારે હું તેમના આશ્રમમાં ગયો ત્યારે ચર્ચા દરમિયાન તેમણે મને પૂછ્યું કે હું દેશના વર્તમાન વડાપ્રધાન વિશે શું જાણું છું. મેં કહ્યું કે આપણે બધા તેમને ઓળખીએ છીએ અને તેઓ રાષ્ટ્ર નિર્માણ માટે કામ કરી રહ્યા છે.

अखंड हिंदुस्तानाचे आराध्य दैवत आणि रयतेचे राजे छत्रपती शिवाजी महाराज यांचा वारंवार अपमान करण्याचे आणि महाराष्ट्रातील तसेच जगभरातील शिवप्रेमींची अस्मिता दुखावण्याचे नियोजनबद्ध कारस्थान भाजपच्या नेतेमंडळींकडून केले जात आहे.

या लोकांनी छत्रपती शिवाजी महाराजांचा मानाचा जिरेटोप… pic.twitter.com/N624xkfkQN

— Prof. Varsha Eknath Gaikwad (@VarshaEGaikwad) March 17, 2025

આ પછી, ‘તેમણે મને કહ્યું કે તેમની તપસ્યા દરમિયાન તેમને સંદેશ મળ્યો કે નરેન્દ્ર મોદી તેમના પાછલા જન્મમાં છત્રપતિ શિવાજી મહારાજ હતા અને આ જન્મમાં નરેન્દ્ર મોદી તરીકે જન્મ્યા છે.’ પુરોહિતે એમ પણ કહ્યું કે, મેં સંસદના સત્ર દરમિયાન જ આ વાત કહી હતી. છત્રપતિ શિવાજી મહારાજનું અપમાન કરવાનો મારો કોઈ ઈરાદો નહોતો, અમે બધા તેમનું સન્માન કરીએ છીએ.

મહત્વનું છે કે, બીજેપી સાંસદ પ્રદીપ પુરોહિતના આ નિવેદન પર ભારે હોબાળો થયો છે. તેમના નિવેદનની સોશિયલ મીડિયા પર પણ ઘણી ટીકા થઈ રહી છે. કોંગ્રેસ સાંસદ વર્ષા એકનાથ ગાયકવાડે બીજેપી સાંસદનો વીડિયો પોસ્ટ કરતા કહ્યું કે, ‘ભાજપ નેતૃત્વ દ્વારા અખંડ ભારતના દેવતા છત્રપતિ શિવાજી મહારાજનું વારંવાર અપમાન કરવા અને મહારાષ્ટ્ર અને વિશ્વભરમાં શિવપ્રેમીઓની પ્રતિષ્ઠાને ઠેસ પહોંચાડવાનું સુનિશ્ચિત ષડયંત્ર રચવામાં આવી રહ્યું છે.

આ લોકોએ નરેન્દ્ર મોદીના માથા પર છત્રપતિ શિવાજી મહારાજની માનદ ટોપી મૂકીને શિવાજી મહારાજનું ઘોર અપમાન કર્યું છે. શિવાજીનું વારંવાર અપમાન કરવા બદલ અમે જાહેરમાં ભાજપની નિંદા કરીએ છીએ. ભાજપ શિવ વિરોધી છે. અમે શિવાજીનું અપમાન ક્યારેય સહન નહીં કરીએ. નરેન્દ્ર મોદીએ તાત્કાલિક દેશની માફી માંગવી જોઈએ અને આ સાંસદને સસ્પેન્ડ કરવા જોઈએ.

આ પણ વાંચો :- ઔરંગઝેબની કબર તોડનારને મળશે 5 વીઘા જમીન અને 11 લાખ રોકડા, જાણો કોણે કરી આ જાહેરાત