ભાજપના ધારાસભ્યના ભત્રીજાએ હોસ્પિટલની વોર્ડનની કરી છેડતી, ચોંકાવનારો મામલો

ઉત્તરપ્રદેશ, 7 સપ્ટેમ્બર:  BJP નેતા ધર્મેન્દ્ર સિંહના ભત્રીજા પર છેડતીનો આરોપ લાગ્યો છે. હોસ્પિટલની એક વોર્ડને ડૉક્ટર ધનંજય સિંહ પર છેડતીનો આરોપ લગાવ્યો છે. વોર્ડને તેની અગ્નિપરીક્ષા વર્ણવતા પોલીસમાં ફરિયાદ નોંધાવી છે. પોલીસે ધનંજય સિંહ વિરુદ્ધ FIR લખી છે. જો કે ધનંજય સિંહે આ તમામ આરોપોને સંપૂર્ણપણે ફગાવી દીધા છે.

પીડિતાએ પોતાની આપવીતી સંભળાવી

ઉત્તર પ્રદેશના ચંદૌલીથી આ ચોંકાવનારા સમાચાર સામે આવ્યા છે. યથાર્થ નર્સિંગ એન્ડ પેરામેડિકલ કોલેજના મેનેજર ડૉ.ધનંજય સિંહ પર વોર્ડનની છેડતી કરવાનો આરોપ છે. ધનંજય સિંહ ભાજપના ધારાસભ્ય ધર્મેન્દ્ર સિંહના ભત્રીજા છે. મહિલા વોર્ડનનું કહેવું છે કે તેણે હોસ્પિટલમાં મહિલા સાથે ખરાબ વર્તન કરવાનો પ્રયાસ કર્યો હતો. પીડિતાએ એડીજીને ન્યાય માટે અપીલ કરી, ત્યારબાદ એડીજીના આદેશ પર કેસ નોંધવામાં આવ્યો.

ધનંજય સિંહે શું કહ્યું ? 

ADGની સૂચના પર, સદર કોતવાલીએ કલમ 74, 352, 351(2) અને 316 હેઠળ કેસ નોંધ્યો છે. પોલીસ આ મામલે તપાસ કરી રહી છે જો કે ધનંજય સિંહે આ આરોપોને ખોટા ગણાવ્યા છે. તેમનું કહેવું છે કે પીડિતાએ તેમને ફસાવવા માટે આ સ્ટોરી બનાવી છે. ધનંજય સિંહે કહ્યું કે વોર્ડન પોતાને બચાવવા માટે આવા પાયાવિહોણા આરોપો લગાવી રહી છે.

વોર્ડને ખોટો આરોપ લગાવ્યો – ધનંજય સિંહ
ધનંજય સિંહનું કહેવું છે કે વોર્ડને પોતાને બચાવવા માટે મારી સામે ખોટો કેસ કર્યો છે. તેણે કોલેજની હોસ્ટેલમાં રહેતા વિધાર્થીઓની  સ્કોલરશીપના પૈસા લીધા છે. જ્યારે અમે સ્કોલરશિપના પૈસા માંગ્યા ત્યારે વોર્ડને મારી સામે ખોટો કેસ કર્યો હતો.

આ પણ વાંચો :અમેરિકામાં હિન્દુઓએ પ્રમુખપદ માટે ટેકાની કરી જાહેરાતઃ જાણો કોને સમર્થન આપશે?