હૈદરાબાદ ગેંગરેપ કેસઃ AIMIM ધારાસભ્યની પુત્રની સંડોવણીનો ભાજપ MLAનો આક્ષેપ
હૈદરાબાદમાં એક સગીર સાથે સામૂહિક બળાત્કારના કેસમાં પાંચેય આરોપીઓની ધરપકડ કરવામાં આવી છે. આ પૈકી ત્રણ આરોપીઓ સગીર હોવાનું કહેવાય છે. આ સાથે જ આ ગેંગરેપ કેસમાં રાજકીય કનેક્શન પણ સામે આવ્યું છે. એક વીડિયો ક્લિપ અને ફોટોગ્રાફ્સ જાહેર કરીને બીજેપી ધારાસભ્ય રઘુનંદન રાવે આરોપ લગાવ્યો છે કે આ સમગ્ર મામલામાં AIMIM ધારાસભ્યનો પુત્ર પણ સામેલ છે.
@manickamtagore I appreciate ur fight for truth.
But I am Confused about with whom ur fight is?
Is it with the one who is providing the evidence and fighting for justice? Or with someone who is misusing law and order and side tracking the case? https://t.co/kg8jfanv2j
— Raghunandan Rao Madhavaneni (@RaghunandanraoM) June 4, 2022
ભાજપ ધારાસભ્ય રઘુનંદન રાવે આરોપ લગાવ્યો કે પોલીસે ઉતાવળમાં સગીર આરોપીને ક્લીનચીટ આપી દીધી છે. આ આરોપી AIMIM ધારાસભ્યનો પુત્ર છે. તેમણે કહ્યું કે, તેમની પાસે ઘણા પુરાવા છે જે સ્પષ્ટપણે દર્શાવે છે કે AIMIM ધારાસભ્યનો પુત્ર આ સમગ્ર ગેંગ રેપ કેસમાં સામેલ છે. હવે સવાલ એ છે કે પોલીસે ધારાસભ્યના પુત્રનું નામ આરોપી તરીકે કેમ ન લીધું? ધારાસભ્યના પુત્રને કેમ છોડવામાં આવ્યો? પોતાની પાસે ધારાસભ્ય વિરુદ્ધ અનેક પુરાવા હોવાનો રઘુનંદન રાવનો દાવો છે.
AIMIM ધારાસભ્યના પુત્રની સંડોવણીનો પોલીસનો ઈનકાર
તમને જણાવી દઈએ કે, રાવે આ વીડિયો અને તસવીરો એવા સમયે શેર કરી હતી. જ્યારે પોલીસે આવા આરોપોને નકારી દીધા હતા. પોલીસે કહ્યું કે, “આ કેસમાં સામેલ તમામ પાંચ આરોપીઓની ધરપકડ કરવામાં આવી છે અને તેમાં AIMIM ધારાસભ્યના પુત્રનો સમાવેશ થતો નથી.”કેટલાક સગીરો ત્યાં એક સગીરાને મળ્યા. ત્યારબાદ, હૈદરાબાદના એક પબમાં ગયા બાદ વાતચીત શરૂ કરી. આ પછી તેમની વચ્ચે મિત્રતા થઈ અને તેઓ સગીરાને કારમાં બેસાડી કોઈ બહાને લઈ ગયા. ત્યારબાદ, સગીરા પર સામૂહિક બળાત્કાર ગુજાર્યો હતો. આ બાબતે પોલીસે જણાવ્યું કે, સગીરા પોશ વિસ્તારમાં એક મિત્ર સાથે પબમાં ગઈ હતી, જ્યાં તેની મુલાકાત સગીરોના એક જૂથ સાથે થઈ અને એ પછી આ ઘટના ઘટી હતી.
Why does @INCIndia always panic when their blood brothers MIM+TRS are in trouble ?
Evidence has been put out to nail the lies of Police & force them to act on the involvement of MLA's son in #HyderabadRape
Looks like @manickamtagore, @inctelangana doesn't want truth to come out
— Raghunandan Rao Madhavaneni (@RaghunandanraoM) June 4, 2022
પોલીસે જણાવ્યું કે જ્યારે સગીરા ઘરે પહોંચી ત્યારે તેના ગળા પર સ્ક્રેચના નિશાન જોયા બાદ તેના માતા-પિતાએ તેને સવાલો પૂછ્યા અને તેણે કારમાં બનેલી ઘટના વિશે જણાવ્યું. આ ઘટના 28 મેના રોજ બની હતી અને સગીરાના પિતાએ 31 મેના રોજ ફરિયાદ નોંધાવી હતી. પોલીસે જણાવ્યું કે ફરિયાદના આધારે કેસ નોંધવામાં આવ્યો છે.
