તેલંગાણા: અકબરુદ્દીન ઓવૈસી પ્રોટેમ સ્પીકર બનતા બીજેપી MLAએ કર્યો વિરોધ
હૈદરાબાદ (તેલંગાણા), 09 ડિસેમ્બર: AIMIM ધારાસભ્ય અકબરુદ્દીન ઓવૈસીએ હૈદરાબાદના રાજભવનમાં તેલંગાણા વિધાનસભાના પ્રોટેમ સ્પીકર તરીકે શપથ લીધા.રાજ્યપાલ તમિલિસાઈ સૌંદરરાજને રાજભવનમાં એક સમારોહમાં પદના શપથ લેવડાવ્યા હતા, જેમાં મુખ્ય મંત્રી રેવંત રેડ્ડી અને અગાઉના વિધાનસભા સ્પીકર પોચારામ શ્રીનિવાસ રેડ્ડી હાજર રહ્યા હતા. જો કે, ઔવેસીના ભાઈ અકબરુદ્દીન ઔવેસી પ્રોટેમ સ્પીકર તરીકે ચૂંટાતા ભાજપના ધારાસભ્ય ટી રાજાએ વિરોધ વ્યક્ત કર્યો હતો. આ સતત બીજી વખત છે જ્યારે AIMIM ધારાસભ્યને પ્રોટેમ સ્પીકર તરીકે નિયુક્ત કરવામાં આવ્યા છે. મુમતાઝ અહેમદ ખાનને 2018માં પ્રોટેમ સ્પીકર બનાવવામાં આવ્યા હતા.
— Akbaruddin Owaisi (@AkbarOwaisi_MIM) December 9, 2023
રાજ્યપાલ દ્વારા જારી કરાયેલા નોટિફિકેશન મુજબ, ઓવૈસી ભારતના બંધારણની કલમ 178 હેઠળ પદ માટે ચૂંટાય આવતા સ્પીકરની ફરજ નિભાવશે. AIMIM ધારાસભ્ય વિધાનસભાના સૌથી વરિષ્ઠ સભ્ય હોવાને કારણે પ્રોટેમ સ્પીકર તરીકે નિમણૂક કરવામાં આવી છે. તાજેતરમાં પૂર્ણ થયેલી વિધાનસભા ચૂંટણીમાં તેઓ સતત છઠ્ઠી વખત હૈદરાબાદના ચંદ્રયાનગુટ્ટા મતવિસ્તારમાંથી ચૂંટાયા હતા.
ટી રાજાએ વિરોધ વ્યક્ત કર્યો હતો
નવા ચૂંટાયેલા ભાજપના ધારાસભ્ય રાજા સિંહે અકબરુદ્દીન ઓવૈસીની પ્રોટેમ સ્પીકર તરીકે નિમણૂક સામે વિરોધ કર્યો અને કહ્યું કે તેઓ અને અન્ય પક્ષના ધારાસભ્યો શપથ ગ્રહણ કાર્યક્રમમાં ભાગ લેશે નહીં. બીજેપી ધારાસભ્ય રાજા સિંહે એક વીડિયો જાહેર કરીને કહ્યું કે જ્યાં સુધી તેઓ જીવિત છે ત્યાં સુધી તેઓ AIMIMની સામે ક્યારેય શપથ લેશે નહીં.
રાજા સિંહે પૂછ્યું, શું હું એવા વ્યક્તિ (અકબરુદ્દીન ઓવૈસી)ની સામે શપથ લઈ શકું જેણે ભૂતકાળમાં હિંદુ વિરોધી ટિપ્પણી કરી હોય? રાજા સિંહે કહ્યું કે મુખ્યમંત્રી રેવંત રેડ્ડીએ અગાઉ BRS, AIMAM અને ભાજપ વચ્ચે જોડાણનો આક્ષેપ કર્યો હતો અને હવે તેમણે સ્પષ્ટ કરવું જોઈએ કે તેમની પાર્ટી અને એઆઈએમઆઈએમ વચ્ચે શું સંબંધ છે.
આ પણ વાંચો: તેલંગાણા સરકારે મહિલાઓ, ટ્રાન્સજેન્ડરો માટે મફત બસ મુસાફરી યોજના શરૂ કરી
