BJPએ યેદિયુરપ્પાના પુત્રને કર્ણાટકના પાર્ટી ચીફ બનાવ્યા, કોંગ્રેસે વંશવાદ પર કટાક્ષ કર્યો
કર્ણાટક ભાજપના પ્રમુખ તરીકે પૂર્વ મુખ્યમંત્રી બીએસ યેદિયુરપ્પાના પુત્ર વિજયેન્દ્ર યેદિયુરપ્પાની નિમણૂક કરવામાં આવી. તો, તેની પર કોંગ્રેસે આકરી ટીકા કરી હતી. કર્ણાટક સરકારના મંત્રી અને કોંગ્રેસ અધ્યક્ષ મલ્લિકાર્જુન ખડગેના પુત્ર પ્રિયંક ખડગેએ એક જૂનો વીડિયો શેર કરીને પીએમ મોદીને અભિનંદન પાઠવ્યા છે.
પ્રિયંક ખડગેએ સોશિયલ મીડિયા પર લખ્યું કે કર્ણાટક ભાજપને અભિનંદન. પીએમ મોદીએ ભાજપના નેતાઓ પર સર્જિકલ સ્ટ્રાઈક કરી છે. શું હવે વધુ નેતાઓ VRSનો વિકલ્પ પસંદ કરશે અથવા સામૂહિક હિજરત થશે?
Congratulations @BJP4Karnataka
Another #SurgicalStrike on Karnataka BJP state leaders by PM @narendramodi
Will more leaders opt for VRS now or will there be mass exodus? https://t.co/mwpOeeyDQv pic.twitter.com/XE9A557a0x
— Priyank Kharge / ಪ್ರಿಯಾಂಕ್ ಖರ್ಗೆ (@PriyankKharge) November 10, 2023
પ્રિયંક ખડગે દ્વારા શેર કરવામાં આવેલા વીડિયોમાં પીએમ મોદી કહી રહ્યા છે કે જે રીતે દેશને ભત્રીજાવાદે જકડી લીધો છે, તેણે દેશના લોકોના અધિકારો છીનવી લીધા છે. વાસ્તવમાં ભાજપ કોંગ્રેસ સહિત અન્ય વિપક્ષી પાર્ટીઓને વંશવાદના મુદ્દે ઘેરી રહી છે.
TMCએ શું કહ્યું?
TMCના રાજ્યસભા સાંસદ સાકેત ગોખલેએ વિજયેન્દ્ર યેદિયુરપ્પાને કર્ણાટક ભાજપના અધ્યક્ષ બનાવવા પર કહ્યું કે તેમની લાયકાત બીએસ યેદિયુરપ્પાના પુત્ર બનવાની છે, પરંતુ ભાજપ અને પીએમ મોદી અન્ય લોકો પર આંગળી ચીંધે છે.
ભાજપ પ્રમુખ કેમ શોધી રહી હતી?
કર્ણાટક વિધાનસભા ચૂંટણીમાં ભાજપને કોંગ્રેસના હાથે કારમી હારનો સામનો કરવો પડ્યો હતો. ત્યારથી ભાજપ નવા પ્રમુખની શોધમાં હતો. વિજયેન્દ્રની નિમણૂક સાથે, ઘણા મહિનાઓથી ચાલી રહેલી અટકળોનો અંત આવ્યો.
બીએસ યેદિયુરપ્પાનો પ્રભાવ યથાવત
રાજકીય વર્તુળોમાં એવી ચર્ચા ચાલી રહી છે કે વિજયેન્દ્ર યેદિયુરપ્પાની નિમણૂકથી દેખાઈ આવ્યું છે કે યેદિયુરપ્પા ચૂંટણીના રાજકારણમાંથી બહાર હોવા છતાં તેમનો પ્રભાવ યથાવત છે. યેદિયુરપ્પાના મોટા પુત્ર બીવાય રાઘવેન્દ્ર સાંસદ છે.
