400 કારના કાફલા સાથે BJP નેતાઓ કોંગ્રેસમાં જોડાવા ગયા! વિડિયો વાયરલ
મધ્યપ્રદેશમાં શિવપુરીથી ભોપાલ (લગભગ 300 કિમી) તરફ જતો 400 કારનો કાફલો BJPના એક નેતાની કોંગ્રેસમાં પરત ફરવાની નિશાની બની છે, જેણે જ્યોતિરાદિત્ય સિંધિયાના નેતૃત્વમાં 2020ના બળવા દરમિયાન કોંગ્રેસ છોડી દીધી હતી.
શિવપુરીમાં રાજકીય દબદબો ધરાવતા બૈજનાથ સિંહ 2020માં મધ્ય પ્રદેશ કોંગ્રેસમાં બળવા દરમિયાન જ્યોતિરાદિત્ય સિંધિયાને પગલે ભાજપમાં ગયા હતા. તે સમયે કોંગ્રેસની કમલનાથ સરકાર પડી ગઈ હતી અને શિવરાજ સિંહ ચૌહાણના નેતૃત્વમાં ભાજપ સરકાર ફરી એકવાર સત્તામાં આવી હતી. જ્યોતિરાદિત્ય સિંધિયા, જેમણે તે બળવો કર્યો હતો, તે હવે ભાજપ સરકારમાં કેન્દ્રીય નાગરિક ઉડ્ડયન મંત્રી છે.
ભાજપના નેતાઓ સાયરન વગાડીને 400 કારના કાફલા સાથે કોંગ્રેસમાં જોડાવા ગયા!#bjp #car #convoy #BaijnathSingh #Congress #KamalNath #madhyapradeshnews #BJP #politics #Gujarat #gujaratinews #humdekhengenews pic.twitter.com/kib7YKzoCA
— Hum Dekhenge News (@humdekhengenews) June 15, 2023
બૈજનાથ સિંહએ કેમ છોડ્યો BJPનો સાથ?
સૂત્રો પાસેથી જાણવા મળ્યું છે કે બૈજનાથ સિંહ આ વર્ષના અંતમાં યોજાનારી રાજ્ય વિધાનસભાની ચૂંટણી માટે ભાજપમાંથી ટિકિટ મેળવવા માટે સખત લોબિંગ કરી રહ્યા હતા, પરંતુ ટિકિટ મળવાની કોઈ આશા ન હોવાથી તેમણે કોંગ્રેસમાં પાછા ફરવાનું નક્કી કર્યું હતું.
કમલનાથ અને દિગ્વિજય સિંહે કોંગ્રેસમાં કર્યુ સ્વાગત
કોંગ્રેસના વરિષ્ઠ નેતાઓ કમલનાથ અને દિગ્વિજય સિંહે બૈજનાથ સિંહનું કોંગ્રેસમાં ઘર વાપસી પર સ્વાગત કર્યું હતું. બૈજનાથ સિંહની સાથે ભાજપના 15 જિલ્લા સ્તરના નેતાઓ પણ કોંગ્રેસમાં જોડાયા છે. જેથી મધ્ય પ્રદેશ ભાજપને મોટુ નુકસાન થયું છે.
Impressed by the leadership of State Congress President Kamal Nath, BJP leader Baijnath Singh Yadav along with hundreds of his friends joined the Congress party. Welcome to this campaign to eradicate Jungle Raj from Madhya Pradesh.
"Jai Congress, Victory Congress" pic.twitter.com/5qUtUj1Rit
— Bhopal Congress (@Bhopalinc) June 14, 2023
BJP નેતાઓ 400 કારનો કાફલો લઈને ભોપાલમાં કોંગ્રેસ કાર્યાલય ગયા!
આ પક્ષ પલ્ટાની ક્ષણને યાદગાર બનાવવા માટે બૈજનાથ સિંહ શિવપુરીથી 400 કારનો કાફલો લઈને ભોપાલમાં કોંગ્રેસ કાર્યાલય ગયા હતા. સાયરન વગાડતી અનેક કારનો વીડિયો હવે સોશિયલ મિડિયા પર વાયરલ થઈ રહ્યો છે, જેમાં લોકો વીડિયો શૂટ કરીને કારના કાફલા તરફ હાથ હલાવતા જોવા મળે છે.
વીડિયો વાયરલ થયા પછી, ઘણા સોશિયલ મીડિયા યુઝર્સ કાફલામાં રહેલી બહુવિધ SUVsની તુલના બોલીવુડ બ્લોકબસ્ટર ‘સિંઘમ’ના દ્રશ્યો સાથે કરી રહ્યા છે.
BJPએ કારમાં સાયરન વગાડવા પર કોંગ્રેસને આડે હાથ લીધી
ભાજપનું કહેવું છે કે સાયરનનો ઉપયોગ કોંગ્રેસની ‘સામંતવાદી માનસિકતા’નું પ્રતિક છે. ભાજપના પ્રવક્તા ડૉ. હિતેશ બાજપાઈએ કહ્યું, “આ કોંગ્રેસના નેતાઓની માનસિકતા છે, જેઓ જનતાને હેરાન કરવા માટે હૂટર, સાયરન અને ગેરકાયદેસર લાલ બત્તીનો ઉપયોગ કરે છે… વડાપ્રધાન નરેન્દ્ર મોદીએ રોડમાંથી VIP કલ્ચર હટાવી દીધું છે.” પરંતુ આ કોંગ્રેસની આ સામંતશાહી માનસિકતા છે. હું આની સખત નિંદા કરું છું, અને અધિકારીઓને તેમની વિરુદ્ધ પગલાં લેવાની અપીલ કરું છું…”
આ પણ વાંચો: બ્રિજભૂષણ સિંહ વિરુદ્ધ સગીર કુસ્તીબાજ કેસમાં દિલ્હી પોલીસે કેસ રદ્દ કરવાનો રિપોર્ટ કર્યો ફાઇલ
