‘વધુ બાળકો પેદા કરો, PM મોદી મકાન બનાવી આપશે’: BJPના મંત્રીની જીભ લપસી કે પછી!
જયપુર, 10 જાન્યુઆરી: રાજસ્થાનના આદિજાતિ ક્ષેત્રીય વિકાસ વિભાગના મંત્રી બાબુલાલ ખરાડીએ એક વિચિત્ર નિવેદન આપતાં ચર્ચાએ જોર પકડ્યું છે. મંત્રી ખરાડીએ કહ્યું કે, વધુ બાળકો પેદા કરો, વડાપ્રધાન મોદી મકાન બનાવી આપશે. બુધવારે ઉદયપુરમાં એક જનસભાને સંબોધિત કરતી વખતે તેમણે આ નિવેદન આપ્યું હતું. તેમણે કહ્યું કે વડાપ્રધાન નરેન્દ્ર મોદીનું સપનું છે કે કોઈ પણ વ્યક્તિ ભૂખ્યો ન સૂવે અને છત વગર ન રહે. આગળ તેમણે કહ્યું કે, તમે ઘણા બધા બાળકોને પેદા કરો, પીએમ તમારા માટે ઘર બનાવશે, તો પછી મુશ્કેલી શું છે?
#WATCH | Udaipur | Rajasthan Minister Babulal Kharadi says, “…It is the dream of the Prime Minister to see that nobody sleeps hungry or without a roof over their head. You give birth to children, Prime Minister will build your houses. What is the difficulty?…” (09.01.2024) pic.twitter.com/ybx1RYyKgS
— ANI MP/CG/Rajasthan (@ANI_MP_CG_RJ) January 10, 2024
ખરાડી આ વાત ઉદયપુરના નાઈ ગામમાં ‘વિકાસ ભારત સંકલ્પ યાત્રા’માં કહી રહ્યા હતા. જ્યાં મંચ પર મુખ્યમંત્રી ભજનલાલ શર્મા પણ હાજર હતા. ખરાડીએ આટલું કહેતાં જ સભામાં હાજર લોકો હસવા લાગ્યા હતા જ્યારે સ્થળ પર હાજર જનપ્રતિનિધિઓ એકબીજા સામે આશ્ચર્યજનક રીતે જોવા લાગ્યા હતા. બાબુલાલ ખરાડીએ લોકોને 2024ની લોકસભા ચૂંટણીમાં ફરીથી વડાપ્રધાન મોદીને મત આપવા અપીલ કરી અને કહ્યું કે સરકાર લોકો માટે વિવિધ કલ્યાણકારી પગલાં લઈ રહી છે.
મંત્રી ખરાડીને બે પત્ની અને આઠ બાળક છે
મંત્રી ખરાડીને બે પત્ની અને આઠ બાળકો છે. તેમને ચાર પુત્રો અને ચાર પુત્રીઓ છે. આખો પરિવાર ઉદયપુરના કોટરા તાલુકાથી લગભગ ત્રણ કિલોમીટર દૂર લોઅર થાલા ગામમાં રહે છે. ખરાડીએ માધ્યમિક શિક્ષણ પૂર્ણ કર્યું છે અને 2023ની વિધાનસભા ચૂંટણીમાં ઝડોલ વિધાનસભા બેઠક પરથી ચોથી વખત ધારાસભ્ય તરીકે ચૂંટાયા છે. આ સાથે તેમને શ્રેષ્ઠ ધારાસભ્ય તરીકે પસંદ કરાયા હતા. તેમને તાજેતરમાં મુખ્યમંત્રી ભજનલાલ શર્માની આગેવાની હેઠળની ભાજપ સરકારમાં કેબિનેટ મંત્રી તરીકે સામેલ કરવામાં આવ્યા છે.
આ પણ વાંચો: CM યોગીના નામે સંસ્થા ચલાવી લોકોને છેતર્યા, BJP નેતા પણ જાળમાં ફસાયા
