હિમાચલની સરકારમાં ભંગાણના એંધાણ, કોંગ્રેસના કેટલાક ધારાસભ્યો BJPના સંપર્કમાં હોવાનો દાવો
શિમલા, 28 ફેબ્રુઆરી: હિમાચલ પ્રદેશમાં કોંગ્રેસ સરકાર ખતરામાં છે. રાજ્યસભાની ચૂંટણીમાં ભાજપની અણધારી જીત બાદ કોંગ્રેસ બેકફૂટ પર છે. આ દરમિયાન વિપક્ષના નેતા જયરામ ઠાકુર રાજ્યપાલને મળવા રાજભવન પહોંચ્યા હતા. પૂર્વ મુખ્યમંત્રી જયરામની સાથે ભાજપના ચાર ધારાસભ્યો પણ તેમની સાથે હતા. બીજી તરફ,રાજ્યસભાની ચૂંટણી જીતનાર હર્ષ મહાજનનો દાવો છે કે, ક્રોસ વોટિંગ બાદથી કોંગ્રેસના કેટલાક ધારાસભ્યો અમારા સંપર્કમાં છે. સરકારમાં ઉથલપાથલ થતાં કોંગ્રેસ પણ એક્શન મોડમાં આવી ગઈ છે. હરિયાણાના પૂર્વ સીએમ ભૂપેન્દ્ર સિંહ હુડ્ડા અને કર્ણાટકના ડેપ્યુટી સીએમ ડીકે શિવકુમારને નિરીક્ષક તરીકે હિમાચલ પ્રદેશ મોકલવાનો નિર્ણય કર્યો છે. બંને નેતા થોડા કલાકોમાં શિમલામાં નારાજ ધારાસભ્યો સાથે વાત કરશે.
હર્ષ મહાજને કહ્યું- ટૂંક સમયમાં જ ભાજપની સરકાર બનશે
#WATCH | HP BJP candidate Harsh Mahajan – who won the Rajya Sabha Elections says, “BJP is going to form its government in the state. Some more MLAs of Congress are in touch with us. I got phone calls from some of their MLAs and ministers…The situation is going to change in the… pic.twitter.com/2aPmfIhOrU
— ANI (@ANI) February 28, 2024
હિમાચલ પ્રદેશમાં રાજ્યસભાની ચૂંટણી જીતનાર હર્ષ મહાજને કહ્યું કે ભાજપ ગેમ ચેન્જર છે. લોકો સુખ્ખુ સરકારથી નારાજ છે. તમામ સારા નેતાઓ ભાજપમાં જોડાઈ રહ્યા છે. આ ભવિષ્યની પાર્ટી છે. ક્રોસ વોટિંગ થઈ રહી છે. આજે રાજ્યમાં કોંગ્રેસે બહુમતી ગુમાવી દીધી છે. આ સરકાર લાંબો સમય ટકવાની નથી. હર્ષ મહાજનનું કહેવું છે કે રાજ્યમાં ભાજપ પોતાની સરકાર બનાવવા જઈ રહી છે. કોંગ્રેસના વધુ કેટલાક ધારાસભ્યો અમારા સંપર્કમાં છે. મને તેમના કેટલાક ધારાસભ્યો અને મંત્રીઓના ફોન આવ્યા હતા. આગામી કેટલાક કલાકોમાં સ્થિતિ બદલાવાની છે અને તમે જોશો કે ટૂંક સમયમાં જ ભાજપ સત્તામાં આવશે. કોંગ્રેસ આગામી 10-20 વર્ષ સુધી અહીં સત્તામાં આવવાની નથી.
ભાજપે રાજ્યપાલને આ વાત કહી
#WATCH | After meeting Governor Shiv Pratap Shukla, Himachal Pradesh LoP Jairam Thakur says, “We have informed the Governor about what happened in the Assembly…In the Assembly, when we demanded division of vote during the financial bill, it was not allowed and the House was… pic.twitter.com/5RymuHzEop
— ANI (@ANI) February 28, 2024
હિમાચલ પ્રદેશના વિપક્ષના નેતા જયરામ ઠાકુરે કહ્યું, અમે રાજ્યપાલને મળ્યા બાદ અમારા વિચારો વ્યક્ત કર્યા છે. અમને ડર છે કે તેઓ વિધાનસભામાં ભાજપના ધારાસભ્યોને સસ્પેન્ડ કરી શકે છે. ગઈકાલે ભાજપને મત આપનાર કોંગ્રેસના ધારાસભ્યોને નોટિસ પાઠવવામાં આવી છે અને તેમને વિધાનસભામાંથી સસ્પેન્ડ કરવાના પગલાં લેવામાં આવી શકે છે.
કયા ધારાસભ્યોએ ક્રોસ વોટિંગ કર્યું હતું
27 ફેબ્રુઆરીએ રાજ્યસભાની એક બેઠક માટે મતદાન થયું હતું. આ દરમિયાન સત્તાધારી કોંગ્રેસના 6 ધારાસભ્યોએ પાર્ટીની મર્યાદા ઓળંગીને ભાજપના ઉમેદવાર હર્ષ મહાજનને ક્રોસ વોટિંગ કર્યું હતું. હિમાચલમાં ભાજપની તરફેણમાં ક્રોસ વોટિંગ કરનારા કોંગ્રેસના ધારાસભ્યોના નામ રાજેન્દ્ર રાણા, સુધીર શર્મા, દેવેન્દ્ર ભુટ્ટો, આઈડી લખનપાલ, રવિ ઠાકુર અને ચૈતન્ય શર્મા છે. ત્રણ અપક્ષ ધારાસભ્યો અગાઉ કોંગ્રેસને સમર્થન આપવાની વાત કરી રહ્યા હતા, પરંતુ મતદાન દરમિયાન તેઓએ ભાજપને સમર્થન આપ્યું હતું. આ તમામ 9 ધારાસભ્યોને CRPF સુરક્ષા આપવામાં આવી રહી છે.
આવી સ્થિતિમાં કોંગ્રેસના અભિષેક મનુ સિંઘવીની હાર થઈ હતી. ભાજપના હર્ષ મહાજનનો વિજય થયો હતો. ક્રોસ વોટિંગ પછી પણ બંનેને 34-34 વોટ મળ્યા હતા. જે બાદ ટોસ દ્વારા વિજેતાનો નિર્ણય લેવામાં આવ્યો હતો. આ જીત સાથે હિમાચલની સુખવિંદર સિંહ સુખ્ખુ સરકાર પતનનો ખતરો છે. હવે તમામની નજર હિમાચલ સરકારના બજેટ સત્ર પર છે.
આ પણ વાંચો: રાજ્યસભા ચૂંટણી : HP માં મોટો અપસેટ, બહુમતી ધરાવતી CNG ના ઉમેદવાર હાર્યા, BJPનો વિજય
