દીકરીઓને રડાવો, હેરાન કરો અને ઘરે બેસાડોની ભાજપ સરકારની રમતનીતિ : કોંગ્રેસ
- મહિલા રેસલર સાક્ષી મલિકની નિવૃત્તિની જાહેરાત બાદ કોંગ્રેસ દ્વારા કેન્દ્ર સરકાર પર આકરા પ્રહારો
- મહિલા કુસ્તીબાજો સાથે “અત્યાચાર અને અન્યાય” કરવામાં આવે છે : કોંગ્રેસ મહાસચિવ
- આ અત્યાચાર અને અન્યાય માટે મોદી સરકાર સીધી રીતે જવાબદાર છે : રણદીપસિંહ સુરજેવાલા
નવી દિલ્હી, 22 ડિસેમ્બર : ઓલિમ્પિક મેડલ વિજેતા મહિલા રેસલર સાક્ષી મલિકની નિવૃત્તિની જાહેરાત બાદ કોંગ્રેસે શુક્રવારે કેન્દ્ર સરકાર પર આકરા પ્રહારો કર્યા છે. કોંગ્રેસે આરોપ લગાવ્યો કે “દીકરીઓને રડાવો, દીકરીઓને ત્રાસ આપો અને દીકરીઓને ઘરે બેસાડો” એ ભાજપ સરકારની રમતનીતિ બની ગઈ છે. કોંગ્રેસના મહાસચિવ રણદીપસિંહ સુરજેવાલાએ પણ દાવો કર્યો હતો કે, મહિલા કુસ્તીબાજો સાથે “અત્યાચાર અને અન્યાય” કરવામાં આવે છે. આ માટે મોદી સરકાર સીધી રીતે જવાબદાર છે.” ઉલ્લેખનીય છે કે, રિયો ઓલિમ્પિકની બ્રોન્ઝ મેડલ વિજેતા સાક્ષી મલિકે ગુરુવારે રેસલિંગ ફેડરેશન ઓફ ઈન્ડિયા (WFI)ના પ્રમુખ પદની ચૂંટણીમાં બ્રિજભૂષણ શરણ સિંહના વિશ્વાસુ સંજય સિંહની જીતનો વિરોધ કર્યો હતો. ટેબલ પર પોતાના જૂતા રાખીને કુસ્તીમાંથી નિવૃત્તિની જાહેરાત કરી હતી.
देश की बेटियों के मोदी सरकार से सवाल:
– मोदी सरकार चुप क्यों है?
– देश की संसद किसान की पहलवान बेटियों के अपमान पर चुप क्यों है?
– देश की राष्ट्रपति, प्रधानमंत्री, लोकसभा-राज्यसभा के सभापति, खेल जगत की नामी-गिरामी हस्तियां चुप क्यों हैं?
तो क्या मान लिया जाए कि अब दबदबा, डर,… pic.twitter.com/ABw6juwgI6
— Indian Youth Congress (@IYC) December 22, 2023
મોદી સરકાર સીધી રીતે જવાબદાર છે : મહાસચિવ સુરજેવાલા
જ્યારે સાક્ષી મલિક નિવૃત્તિની જાહેરાત કરી રહી હતી ત્યારે તેની આંખોમાં આંસુ હતા. કોંગ્રેસના મહાસચિવ સુરજેવાલાએ પત્રકાર પરિષદનું આયોજન કરીને જણાવ્યું હતું કે, ભાજપના સાંસદ બ્રિજ ભૂષણના સહયોગી અને કુસ્તીબાજ તેમજ પુત્રીઓના યૌન શોષણના આરોપીના નજીકના મનાતા સંજય સિંહની ચૂંટણીમાં જીત બાદ, દેશની પ્રથમ મહિલા કુસ્તીબાજ, ખેડૂત પુત્રી અને કુસ્તીની સ્પર્ધામાં ઓલિમ્પિક મેડલ જીતનાર સાક્ષી મલિકે રમતગમતમાંથી પોતાની નિવૃત્તિની ઘોષણા કરી. જે ભારતના રમતગમતના ઈતિહાસમાં એક કાળો અધ્યાય બની ગયો છે.
देश का दुर्भाग्य है कि हरियाणा के साधारण किसान परिवार की जिस बेटी ने पहला ओलंपिक मेडल जीता, उसे आज मोदी सरकार के ‘दबदबे’ ने वापस घर जाने पर मजबूर कर दिया है।
पहलवान बेटियां न्याय मांगने के लिए जंतर-मंतर पर बैठी रहीं लेकिन BJP सरकार ने उन्हें दिल्ली पुलिस के जूतों से कुचलवाया।… pic.twitter.com/lA11gXtaCQ
— Indian Youth Congress (@IYC) December 22, 2023
તેમણે આરોપ લગાવતા કહ્યું કે, ચેમ્પિયન મહિલા કુસ્તીબાજો સાથે થયેલા ‘અત્યાચાર અને અન્યાય’ માટે કેન્દ્ર સરકાર સીધી રીતે જવાબદાર છે. આ દર્શાવે છે કે જે દીકરીઓ ન્યાય માટે અવાજ ઉઠાવશે તેમને સન્યાસ લેવા માટે મજબૂર કરવામાં આવશે અને તેમને ઘરે મોકલવામાં આવશે તેમજ તેમને દોષિત ઠેરવવામાં આવશે અને દીકરીઓની મજબૂરી અને લાચારીની મજાક ઉડાવશે. કદાચ એટલે જ જાતીય શોષણના આરોપી બ્રિજભૂષણસિંહે સંઘની ચૂંટણી બાદ કહ્યું કે, “પ્રભુત્વ હતું અને પ્રભુત્વ રહેશે.”
“મોદી સરકારના ‘પ્રભુત્વ’એ તેમને ઘરે જવા મજબૂર કર્યા”
કોંગ્રેસના મહાસચિવ રણદીપ સુરજેવાલાએ દાવો કર્યો હતો કે “દીકરીઓને રડાવો, દીકરીઓને ત્રાસ આપો અને દીકરીઓને ઘરે બેસાડો” એ ભાજપ સરકારની રમત નીતિ બની ગઈ છે. આ દેશની કમનસીબી છે કે રોહતકના મોખરા ગામમાં જન્મેલી હરિયાણાના એક સામાન્ય ખેડૂત પરિવારની દીકરી દેશ માટે ઓલિમ્પિક મેડલ લાવીને આવી અને આજે મોદી સરકારના ‘પ્રભુત્વ’એ તેને પરત જવા મજબૂર કરી દીધી છે. દેશની કુસ્તીબાજ દીકરીઓ 39 દિવસ સુધી ધગધગતિ બપોરે જંતર-મંતર પર બેસી રહી, સંસદના દરવાજા ખટખટાવી, રડતી રહી અને ન્યાયની માંગણી કરતી રહી પરંતુ ન્યાય આપવાને બદલે ભાજપ સરકારે તેમને દિલ્હીમાં જૂતાથી કચડી નાખી. પોલીસ અને રસ્તાઓ પર ઢસડાવી. આ સ્થિતિ એવી છે જ્યારે મહિલા કુસ્તીબાજોએ તેમની સામે થયેલા અત્યાચારની ફરિયાદ વડાપ્રધાન, ગૃહમંત્રી અને રમતગમત મંત્રી સુધી પણ કરી હતી.”
“આરોપી બ્રિજભૂષણસિંહને મોદી સરકારનો સ્નેહ મળ્યો”
સુરજેવાલાએ કહ્યું કે, તે સમયે પણ દેશની દીકરીઓએ માત્ર FIR નોંધવા માટે સુપ્રીમ કોર્ટનો સંપર્ક કર્યો હતો. આનાથી મોટી રાષ્ટ્રીય શરમની ઘટના કઈ હોઈ શકે કે વિશ્વભરમાં દેશનું નામ ગૌરવ અપાવનાર કુસ્તીબાજની દીકરીઓને ન્યાયની માંગણી કરવા માટે ગંગા મૈયામાં પોતાના મેડલનું બલિદાન આપવાનું આકરું પગલું ભરવાની ફરજ પડી હોય. તેનું એકમાત્ર કારણ એ છે કે, ભાજપના સાંસદ બ્રિજભૂષણ સિંહ મોદી સરકારની તરફેણ કરે છે.”
“મોદી સરકારે તમામ સ્પોર્ટ્સ એસોસિએશનો પર કર્યો છે કબજો “
કોંગ્રેસ મહાસચિવે એવો પણ દાવો કર્યો હતો કે, માત્ર ભારતીય કુસ્તી સંઘ જ નહીં પરંતુ BCCI સહિત દેશના તમામ રમતગમત સંગઠનો મોદી સરકાર અને ભાજપના નેતાઓના નિયંત્રણમાં છે. તેમણે સવાલ કર્યો હતો કે, “મોદી સરકાર કેમ ચૂપ છે? દેશની સંસદ ખેડૂત કુસ્તીબાજની દીકરીઓના આંસુ પર કેમ મૌન છે? દેશની રમત જગત ક્ષેત્રની અને તેની જાણીતી હસ્તીઓ કેમ મૌન છે? શું હવે એવું માની લેવું જોઈએ કે નવા ભારતમાં “પ્રભુત્વ”, “ડર”, “ધમકાવવું” અને “અન્યાય” સામાન્ય છે?
આ પણ જુઓ :રાહુલે મોદી સરકાર પર કર્યા પ્રહાર, “હુમલાખોરો સંસદમાં ઘુસ્યા ત્યારે BJPના સાંસદો ભાગી ગયા”
