ભાજપે જનતાનો અભિપ્રાય જાણવા NaMo App પર સર્વે હાથ ધર્યો
નવી દિલ્હી, 19 ડિસેમ્બર: ભાજપના રાષ્ટ્રીય અધ્યક્ષ જે.પી.નડ્ડાએ એક અગત્યની ઝુંબેશ હાથ ધરી છે. તેમણે ભાજપ સરકારે કરેલા અત્યાર સુધીના વિકાસલક્ષી કાર્યો પ્રત્યે જનતાનો અભિપ્રાય જાણવા NaMo App પર એક સર્વે હાથ ધર્યો છે. જેમાં કોઈપણ વ્યક્તિ સરકારી યોજના, જે-તે મતવિસ્તારના વિકાસ કાર્યો અને જે-તે મતવિસ્તારના ચૂંટાયેલા સાંસદોની કામગીરી પર જનતાનો પ્રતિસાદ શૅર કરવા માટે જણાવવામાં આવ્યું છે. મહત્ત્વનું છે કે, NaMo App પરનો #JanManSurvey એ લોકો માટે રાષ્ટ્રની પ્રગતિ અને વિકાસ પર તેમના અભિપ્રાય વ્યક્ત કરવા માટે એક ઉત્તમ પ્લેટફોર્મ છે.
The #JanManSurvey on the NaMo App is an excellent platform for people to voice their opinion on the nation’s progress and development!https://t.co/M3BrrE2GEK
You can share your feedback on a range of topics like government schemes, development works in your constituency, your…— Jagat Prakash Nadda (@JPNadda) December 19, 2023
જે.પી નડ્ડાએ X પર પોસ્ટ કરી આ અંગે માહિતી આપી હતી. પોસ્ટ કરતાં તેમણે લખ્યું કે, https://nm-4.com/janmansurvey પર તમે સરકારી યોજનાઓ, તમારા મતવિસ્તારના વિકાસ કાર્યો, તમારા સાંસદની કામગીરી વગેરે જેવા વિષયો પર તમારો પ્રતિસાદ શેર કરી શકો છો. એટલું જ નહીં, તેમણે તમામ ભારતવાસીઓને આ સર્વેક્ષણમાં જોડાવા માટે અને નવા ભારતના વિકાસનો હિસ્સો બનવા માટે અપીલ કરી છે.
https://nm-4.com/janmansurvey લિન્ક પર ક્લિક કરી કોઈપણ નાગરિક ભાજપ દ્વારા કરવામાં આવેલી કામગીરી પર પોતાનો અભિપ્રાય આપી શકે છે. આ સર્વેનો મુખ્ય હેતુ એ છે કે, કેન્દ્ર સરકારની યોજના થકી લાભો લાભાર્થીઓને સીધી રીતે મળી રહ્યા છે કે નહીં. આ ઉપરાંત ચૂંટાયેલા ભાજપના સાંસદો તેમના મતવિસ્તારમાં વિકાસલક્ષી કાર્યો કરી રહ્યા છે કે નહીં. આ સર્વે દ્વારા ભાજપની કામગીરી વિશે લોકોના મત જાણવાનો એક પ્રયાસ છે.
આ પણ વાંચો: PM મોદીએ ભાજપની સંસદીય દળની બેઠકમાં વિપક્ષ પર સાધ્યું નિશાન, કહ્યું- 2024માં ખરાબ રીતે હારશે
