સામનાના તંત્રીલેખમાં ભાજપના દિવંગત નેતા અને પૂર્વ વડાપ્રધાન અટલ બિહારી વાજપેયીની કવિતાનો ઉલ્લેખ કરીને શિવસેનાએ ભાજપ પર પ્રહારો કર્યા છે. સામનામાં કહેવામાં આવ્યું છે કે જો ભાજપે પહેલા મોટું દિલ બતાવ્યું હોત તો આ સ્થિતિ ન આવી હોત. સામનામાં લખવામાં આવ્યું છે કે જો ભાજપે અઢી વર્ષ પહેલા કરાર મુજબ આપેલા વચનનું પાલન કરવામાં ‘મોટું દિલ’ બતાવ્યું હોત તો આવી સ્થિતિ જ ઊભી ન થઈ હોત. મહારાષ્ટ્રમાં અસ્થિરતા સર્જવા માટે જે રાજકીય ખેલ કરવામાં આવી રહ્યા છે, તે ખેલના હજુ કેટલા ભાગ બાકી છે, તે અંગે આજે કોઈ હજુ કંઈ નહીં શકે. ઘટનાઓ એવી રીતે બની રહી છે કે રાજકીય પંડિતો, ચાણક્ય અને પંડિતો પણ માથે હાથ રાખીને બેઠા છે.
સ્ટ્રોક-માસ્ટર સ્ટ્રોક એવા નાટકો ભજવાયા જેમાં એક પડદો પડ્યો કે બીજો પડદો ઉઠ્યો હતો. આ સમગ્ર રાજકીય નાટકના દોરને પડદા પાછળથી ચલાવતી કહેવાતી ‘સુપર પાવર’ પણ વચ્ચેના ગાળામાં ખુલ્લી પડી ગઈ હતી. એકસમયે એવું લાગતું હતું કે ડ્રામ ખતમ થશે પણ એવું ન થયું.
અટલ બિહારી વાજપેયીની કવિતાથી ભાજપ પર પ્રહાર
સામનામાં લખવામાં આવ્યું છે કે ભારતીય જનતા પાર્ટીના દિવંગત નેતા અટલ બિહારી વાજપેયીએ પણ તેમની એક કવિતામાં કહ્યું છે કે…
छोटे मन से कोई बड़ा नहीं होता,
टूटे मन से कोई खड़ा नहीं होता
लेकिन इन पंक्तियों से पहले इसी कविता में वाजपेयी कहते हैं-
हिमालय की चोटी पर पहुंच,
एवरेस्ट विजय की पताका फहरा,
कोई विजेता यदि ईर्ष्या से दग्ध,
अपने साथी से विश्वासघात करे
तो उसका क्या अपराध
इसलिए क्षम्य हो जाएगा कि
वह एवरेस्ट की ऊंचाई पर हुआ था?
नहीं, अपराध अपराध ही रहेगा
हिमालय की सारी धवलता
उस कालिमा को नहीं ढक सकती!
આ કવિતા દ્વારા શિવસેનાએ સામનામાં કહ્યું છે કે દેશની રાજનીતિમાંથી થી વાજપેયી યુગની અને તેમની વિચારધારા ક્યારની અસ્ત થઈ ગઈ છે. ભાજપ પર પ્રહાર કરતા કહેવામાં આવ્યું છે કે અહીં હવે કાળાને સફેદ અને સફેદને કાળા બનાવવાનો નવો યુગ આવી ગયો છે. એટલે નાના મન અને મોટા મનની વાત નવેસરથી કહેવાઈ રહી છે. હવે જોવાનું એ રહેશે કે મહારાષ્ટ્રમાં લોકશાહી લૂંટવાના આ રાજકીય નાટકના હજુ કેટલા ભાગ બહાર આવશે.
ફડણવીસ મન વગરના ડેપ્યુટી CM
સામનામાં લખ્યું છે કે, “જે થવાનું હતું તે થયું, પરંતુ સૌથી ચોંકાવનારો ક્લાઈમેક્સ આવ્યો. જે નાયબ મુખ્યમંત્રી બનવાના હતા તે અચાનક મુખ્યમંત્રી બની ગયા અને જે વિચારતા કે કાશ હવે અમે મુખ્યમંત્રી બનીશું તેમને નાયબ મુખ્યમંત્રીનું પદ સ્વીકારવું પડ્યું. દેવેન્દ્ર ફડણવીસે પણ અનિચ્છાએ આ વાત સ્વીકારી લીધી. સામનામાં દેવેન્દ્ર ફડણવીસ પર પ્રહાર કરતાં, એવું કહેવામાં આવ્યું હતું કે જ્યારે આ ‘ક્લાઈમેક્સ’ પર ટિપ્પણીઓ, સમીક્ષાઓ, પરીક્ષણોનો મારો ચાલી રહ્યો હતા ત્યારે ‘મોટું મન’ અને ‘પક્ષ પ્રત્યેની નિષ્ઠાનું પાલન’ એવો એક બચાવ સામે આવ્યો. ‘ફડણવીસે મોટું મન રાખીને મુખ્યમંત્રીને બદલે નાયબ મુખ્યમંત્રી પદ સ્વીકાર્યું’, એવો તર્ક હવે રજૂ કરવામાં આવી રહ્યો છે.
