રિયા ચક્રવર્તીને સુપ્રીમ કોર્ટમાંથી મોટી રાહત, સુશાંત સિંહ રાજપૂતના મૃત્યુનો કેસ

• CBI દ્વારા બહાર પાડવામાં આવેલું લુક આઉટ સર્ક્યુલર રદ્દ રહેશે અને બોમ્બે હાઈકોર્ટનો નિર્ણય યથાવત રાખવામાં આવ્યો

નવી દિલ્હી, 25 ઓકટોબર: ફિલ્મ અભિનેત્રી રિયા ચક્રવર્તી, તેના ભાઈ અને પિતાને સુપ્રીમ કોર્ટમાંથી આજે શુક્રવારે મોટી રાહત મળી છે. CBI દ્વારા બહાર પાડવામાં આવેલું લુક આઉટ સર્ક્યુલર રદ્દ રહેશે. હકીકતમાં, લુક આઉટ સર્ક્યુલરને રદ્દ કરવાનો બોમ્બે હાઈકોર્ટનો નિર્ણય અકબંધ રાખવામાં આવ્યો છે. આ ઉપરાંત CBIની અપીલ પણ સુપ્રીમ કોર્ટે ફગાવી દીધી હતી. સીબીઆઈ દ્વારા રિયા ચક્રવર્તી, તેના ભાઈ અને પિતા વિરુદ્ધ જારી કરાયેલા લુક આઉટ સર્ક્યુલરના કેસમાં સુપ્રીમ કોર્ટે બોમ્બે હાઈકોર્ટના આદેશને યથાવત રાખ્યો હતો.

#BREAKING: Supreme Court DISMISSES Maharashtra’s appeal challenging Bombay High Court’ order quashing look-out circulars issued against actress Rhea Chakraborty, her father and her brother @Tweet2Rhea@CBIHeadquarters had issued circular concerning death of #SushantSinghRajput pic.twitter.com/YAo3R5AvRp

— Bar and Bench (@barandbench) October 25, 2024

રિયા ચક્રવર્તીને રાહત આપતા જસ્ટિસ બી.આર.ગવઈએ કહ્યું કે, “અમે ચેતવણી આપી રહ્યા છીએ. તમે આટલી વ્યર્થ પિટિશન એટલા માટે દાખલ કરી રહ્યા છો કારણ કે એક આરોપી હાઈપ્રોફાઈલ વ્યક્તિ છે. આ માટે મોટી કિંમત ચૂકવવી પડશે. તેઓ સમાજમાં ઊંડા મૂળ ધરાવે છે.”

અમે ચેતવણી આપીએ છીએ …:SC

આ કેસની સુનાવણી દરમિયાન સુપ્રીમ કોર્ટે CBI પર મોટી ટિપ્પણી કરી છે. જસ્ટિસ બી.આર.ગવઈએ કહ્યું કે, અમે ચેતવણી આપી રહ્યા છીએ. તમે આ વ્યર્થ પિટિશન એટલા માટે દાખલ કરી રહ્યા છો કારણ કે તે એક આરોપી હાઈ-પ્રોફાઈલ વ્યક્તિ છે. આમાં ચોક્કસપણે ઘણો ખર્ચ થશે. તેઓ સમાજમાં ઊંડા મૂળ ધરાવે છે. જો સીબીઆઈ દંડ અને કઠોર ટિપ્પણી મેળવવા માંગે છે તો આ મુદ્દે ચર્ચા કરે.

સીબીઆઈએ હાઈકોર્ટના આદેશને પડકાર્યો હતો

જસ્ટિસ કે.વી. વિશ્વનાથને આશ્ચર્ય વ્યક્ત કર્યું કે, સીબીઆઈ આ બધા માટે LOC જારી કરે છે. ફેબ્રુઆરીમાં, બોમ્બે હાઈકોર્ટે રિયા ચક્રવર્તી, તેના ભાઈ અને પિતાની અરજી પર સીબીઆઈના લુક આઉટ સર્ક્યુલરને રદ્દ કર્યો હતો. સીબીઆઈએ હાઈકોર્ટના આદેશને સુપ્રીમ કોર્ટમાં પડકાર્યો હતો. ફિલ્મ અભિનેતા સુશાંત સિંહ રાજપૂતના મોતના મામલામાં સીબીઆઈએ લુક આઉટ સર્ક્યુલર બહાર પાડ્યો હતો.

આ પણ જૂઓ: અમિતાભ અને અભિષેક બચ્ચને મુંબઈમાં ખરીદ્યા 10 ફ્લેટ, જાણો કેટલી છે કિંમત