Apple યુઝર્સ માટે મોટા સમાચાર, ટૂંક સમયમાં જ આવશે ફોલ્ડેબલ આઈફોન, આવી ગઈ તારીખ!

નવી દિલ્હી, 6 ફેબ્રુઆરી : એપલ ટૂંક સમયમાં પોતાનો ફોલ્ડેબલ આઈફોન લોન્ચ કરવા જઈ રહી છે. એપલના ફોલ્ડેબલ આઇફોન વિશે છેલ્લા ઘણા સમયથી યુઝર્સમાં ચર્ચાઓ ચાલી રહી છે. નવા લીક મુજબ એપલનો પહેલો ફોલ્ડેબલ આઈફોન ટૂંક સમયમાં લોન્ચ થવાની શક્યતા છે. Appleનો આ ફોલ્ડેબલ iPhone સેમસંગની Galaxy Z Fold સિરીઝની જેમ બુક-સ્ટાઇલ ડિઝાઇન સાથે આવી શકે છે. રિપોર્ટ અનુસાર, તેમાં 12 ઈંચની ફોલ્ડેબલ સ્ક્રીન આપવામાં આવી શકે છે.

2026માં લોન્ચ થશે

X યુઝર HaYaO એ Appleના પહેલા ફોલ્ડેબલ iPhone વિશે માહિતી શેર કરી છે. આ iPhone આવતા વર્ષે એટલે કે 2026માં લોન્ચ થઈ શકે છે. આ સાથે, કંપની પ્રથમ ફોલ્ડેબલ આઈપેડ અને મેકબુક પણ લોન્ચ કરવા જઈ રહી છે, જે 2027માં લોન્ચ થઈ શકે છે. એપલ તેના ફોલ્ડેબલ આઈફોન માટે ઘણા સમયથી તૈયારી કરી રહી છે. હિન્જ ડિઝાઇન અને સપ્લાય ચેઇનને કારણે, Apple તેના ફોલ્ડેબલ આઇફોનનું ઉત્પાદન વિસ્તરી રહ્યું છે.

મોટી સ્ક્રીન મળશે

ટિપસ્ટર અનુસાર, એપલના ફોલ્ડેબલ iPhoneની જાડાઈ 9.2mm હોઈ શકે છે. ફોલ્ડ કર્યા બાદ iPhoneની સ્ક્રીન 6.1 ઈંચની થઈ જશે. જ્યારે અનફોલ્ડ કરવામાં આવે છે, ત્યારે તે 12.2 ઇંચ થઈ જશે. Apple પહેલા તેના ફોલ્ડેબલ iPhoneના માત્ર મર્યાદિત યુનિટ લોન્ચ કરશે. રિપોર્ટ અનુસાર, 2026માં માત્ર 8 થી 10 મિલિયન ફોલ્ડેબલ આઇફોન જ લોન્ચ થશે. જો કે, માંગને ધ્યાનમાં રાખીને, તેના 20 મિલિયન યુનિટ્સ 2027 માં બજારમાં લોન્ચ કરવામાં આવશે.

એપલના ફોલ્ડેબલ આઈફોનમાં સેમસંગની સ્ક્રીન પણ આપી શકાય છે. આ માટે સેમસંગ UTG એટલે કે અલ્ટ્રા થિન ગ્લાસ લેન્સ ટેક્નોલોજીનો ઉપયોગ કરશે. એપલ તેના પ્રથમ ફોલ્ડેબલ આઇફોન માટે બાકીના ભાગો તાઇવાન સ્થિત કંપનીઓ પાસેથી આયાત કરશે. એપલના ફોલ્ડેબલ આઇફોનમાં એલ્યુમિનિયમ બોડીનો ઉપયોગ કરી શકાય છે. ફોનના પાછળના ભાગમાં ડ્યુઅલ કેમેરા સેટઅપ મળી શકે છે. સેલ્ફી અને વિડિયો કોલિંગ માટે, કવર અને ફોલ્ડેબલ સ્ક્રીન પર કેમેરા આપી શકાય છે. ફોનમાં 5,000mAh બેટરીનો ઉપયોગ કરી શકાય છે.

આ પણ વાંચો :- ગીરમાં સિંહોને શિકાર કરવા માટે ઉપલબ્ધ પ્રાણીઓની સંખ્યામાં 37%નો વધારો