અમદાવાદ-ગાંધીનગર મેટ્રોને લઈને મોટા સમાચાર, જાણો ક્યારે શરૂ થશે !
અમદાવાદ-ગાંધીનગરમાં મોટો મેટ્રો ડેવલપમેન્ટ પ્રોજેક્ટ છે અને તેના બીજા તબક્કાની ટ્રાયલ રન જૂન અથવા જુલાઈ સુધીમાં શરૂ થવાની શક્યતા છે. અમદાવાદ-ગાંધીનગર મેટ્રો પ્રોજેક્ટનું બાંધકામ 14 માર્ચ, 2015ના રોજ શરૂ થયું હતું. પૂર્વ-પશ્ચિમ કોરિડોરના 6.5 કિમીનું અંતર આવરી લેનાર પ્રથમ તબક્કાનું 4 માર્ચ 2019ના રોજ ઉદ્ઘાટન કરવામાં આવ્યું હતું અને 6 માર્ચના રોજ જાહેર જનતા માટે ખુલ્લો મૂકવામાં આવ્યો હતો. તબક્કા 1 ના બાકીના ભાગનું ઉદઘાટન ગયા વર્ષે 30 સપ્ટેમ્બરે કરવામાં આવ્યું હતું અને 2 અને 6 ઓક્ટોબરના રોજ જાહેર જનતા માટે ખુલ્લું મૂકવામાં આવ્યું હતું.
ગુજરાત મેટ્રો રેલ કોર્પોરેશનના જણાવ્યા પ્રમાણે અમદાવાદ મેટ્રો પ્રોજેક્ટના બીજા તબક્કા માટે ટ્રાયલ રન, જે અમદાવાદને ગાંધીનગર સાથે જોડશે, તે આ વર્ષે જૂન અથવા જુલાઈમાં શરૂ થવાનું છે. બીજા તબક્કામાં 22 સ્ટેશનો સાથે કુલ 28.2 કિ.મી.ના અંતરને આવરી લેતા બે કોરિડોરનો સમાવેશ થાય છે, જેમાંથી કોરિડોર 1 મોટેરા સ્ટેડિયમથી મહાત્મા મંદિર સુધી 22.8 કિમી સુધીનો હશે. ફેઝ 2 નો અંતિમ ભાગ, જે ગાંધીનગરના સેક્ટર 1 ને કોરિડોર 1 માં મહાત્મા મંદિર સાથે જોડે છે, હાલમાં નિર્માણાધીન છે, જ્યારે કોરિડોર 2 પર કામ પૂર્ણ થયું છે. કોરિડોર 2, 5.4 કિમીમાં ફેલાયેલો છે અને GNLU (ગુજરાત નેશનલ લો યુનિવર્સિટી) ને ગાંધીનગરમાં GIFT સિટી સાથે જોડે છે.
આ પણ વાંચો : Corona Update : દેશમાં કોરોનાના નવા કેસમાં વધારો, છેલ્લા 24 કલાકમાં 12,193 કેસ
એકવાર ટ્રાયલ રન પૂરા થઈ જાય અને જરૂરી ઈન્ફ્રાસ્ટ્રક્ચર તૈયાર થઈ જાય ત્યારબાદ ગિફ્ટ સિટી સાથે અમદાવાદ અને ગાંધીનગરને જોડતી મેટ્રો રેલ થોડા મહિનામાં કાર્યરત થઈ જાય તેવી શક્યતા છે. કોરિડોર 1 નો બાકીનો ભાગ સચિવાલય, અક્ષરધામ, સેક્ટર 16માંથી પસાર થશે અને મહાત્મા મંદિર પર સમાપ્ત થશે. બીજા તબક્કાના 20.8 કિમી માટે ટ્રાયલ રન જૂન અથવા જુલાઈ 2023માં અપેક્ષિત છે, જ્યારે સેક્ટર 1 થી મહાત્મા મંદિર સુધીના બાકીના 7.4 કિમી ડિસેમ્બરમાં પરીક્ષણ થવાની ધારણા છે. અમદાવાદ-ગાંધીનગર-ગિફ્ટ સિટી મેટ્રો રેલ પ્રોજેક્ટ થોડા મહિનામાં કાર્યરત થવાની અપેક્ષા છે.
