ગુજરાતમાંથી મોટા ડ્રગ્સ રેકેટનો પર્દાફાશ : 5000 કરોડનું કોકેઇન ઝડપાયું
- દિલ્હી અને ગુજરાત પોલીસની સંયુક્ત કામગીરી
- ભરૂચના અંકલેશ્વરમાં પાડ્યો દરોડો
- ખાનગી કંપનીમાંથી 518 કિલો કોકેઇન જપ્ત કરાયું
અંકલેશ્વર, 13 ઓક્ટોબર : ગુજરાતમાં વધુ એક મોટા ડ્રગ્સ રેકેટનો ભાંડાફોડ થયો છે. રવિવારે (13 ઓક્ટોબર) ભરૂચના અંકલેશ્વરમાં આવકાર ડ્રગ્સ પ્રા. લિમિટેડ કંપનીમાં સર્ચ દરમિયાન પોલીસને 518 કિલોગ્રામ કોકેઈન મળી આવ્યું છે, જેની કિંમત 5,000 કરોડ રૂપિયા હોવાનો અંદાજ છે. દિલ્હી પોલીસ અને ગુજરાત પોલીસના સંયુક્ત ઓપરેશનમાં ખાનગી કંપનીમાંથી કોકેઈન મળી આવ્યું છે. અગાઉ જે દિલ્હીમાંથી ડ્રગ્સનો જથ્થો જપ્ત કરવામાં આવ્યો હતો તેના તાર ગુજરાત સાથે જોડાયેલા હોવાનું જાણવા મળ્યું છે.
દિલ્હીનું ડ્રગ્સ ગુજરાતી કંપનીનું
ઉલ્લેખનીય છે કે, અગાઉ, 1 ઓક્ટોબરે દિલ્હી પોલીસના સ્પેશિયલ સેલે મહિપાલપુરમાં તુષાર ગોયલ નામના વ્યક્તિના વેરહાઉસ પર દરોડો પાડ્યો હતો અને 562 કિલોગ્રામ કોકેઈન અને 40 કિલોગ્રામ હાઈડ્રોપોનિક ગાંજાના કન્સાઈનમેન્ટને જપ્ત કર્યો હતો. તપાસ દરમિયાન 10 ઓક્ટોબરે દિલ્હીના રમેશ નગરમાં એક દુકાનમાંથી લગભગ 208 કિલોગ્રામ વધારાનું કોકેઈન મળી આવ્યું હતું. તપાસ દરમિયાન જાણવા મળ્યું હતું કે, ઝડપાયેલ દવા ફાર્મા સોલ્યુશન સર્વિસીસ નામની કંપનીની છે અને તે ગુજરાતના અંકલેશ્વરની અવકાર ડ્રગ્સ લિમિટેડ કંપનીની છે. આ કેસમાં અત્યાર સુધીમાં કુલ 1,289 કિલોગ્રામ કોકેઈન અને 40 કિલોગ્રામ હાઈડ્રોપોનિક થાઈલેન્ડ ગાંજો મળી આવ્યો છે, જેની કિંમત 13,000 કરોડ રૂપિયા છે.
Delhi Police Special Cell and Gujarat Police today recovered 518 kg of cocaine during a search of a drug-related company in Ankleshwar, Gujarat. Its value in the international market is around Rs 5,000 crore…So far, a total of 1,289 kg cocaine and 40 kg hydroponic marijuana…
— ANI (@ANI) October 13, 2024
