ગુજરાત વિધાનસભાની ચૂંટણી માટે તમામ રાજકીય પક્ષો તરફથી પ્રચારની કામગીરી તેજ બની છે ત્યારે વાણી વિલાસ પણ શરૂ થયો છે. આ વચ્ચે સિદ્ધુપુર કોંગ્રેસ ઉમેદવાર ચંદનજી ઠાકોરનું વિવાદીત નિવેદન સામે આવ્યું છે. ચંદનજી ઠાકોરે એક સભામાં જણાવ્યુ છે કે, દેશને માત્રને માત્ર મુસ્લિમ જ બચાવી શકે છે. કોંગ્રેસને પણ માત્ર મુસ્લિમ જ બચાવી શકે છે. જે નિવેદન પર સીએમ ભૂપેન્દ્ર પટેલે પણ આકરી પ્રતિક્રિયા આપી છે.
આ નિવેદન અંગે ભાજપ તરફથી મુખ્યમંત્રી પટેલે ચંદનજી ઠાકોરના શબ્દોને શરમજનક ગણાવ્યા છે. તેમણે પ્રહાર કરતા જણાવ્યુ છે કે, કોંગ્રેસ હારના ડરથી હારના ડરથી કોંગ્રેસ ફરીથી લઘુમતી તુષ્ટિકરણનો આશરો લે છે. જેના સામે ભારે વિરોધ પણ શરૂ થઈ રહ્યો છે.
Shameful words!
Fearing defeat, Congress yet again resorts to minority appeasement.
But Congress should know that no one will be able to save Congress Party from defeat! pic.twitter.com/cr6cL4QFYA
— Bhupendra Patel (@Bhupendrapbjp) November 19, 2022
સિદ્ધપુરના ધારાસભ્ય અને કોંગ્રેસના ઉમેદવાર ચંદનજી ઠાકોરનું વિવાદીત નિવેદને ભારે ચર્ચા થઈ રહી છે તેમણે કહ્યું કે, ‘આપણે તેમને કંઈક નવું કરવા માટે વોટ આપ્યો હતો, પરંતુ તેમણે વોટ આપીને છેતરાયા છીએ, કોઈએ એકને છેતર્યો હોય તો ઠીક છે પરંતુ તેમણે આખા દેશને ખાડામાં નાખી દીધો છે. દેશને કોઈ જ બચાવી શકે છે તો માત્ર મુસ્લિમ સમાજ જ બચાવી શકે છે અને કોંગ્રેસ પાર્ટીને જો કોઈ બચાવી શકે તો તે મુસ્લિમ પાર્ટી બચાવી શકે છે.
આ પણ વાંચો : નરેન્દ્ર મોદી આજે મહાદેવને શરણે, જાણો સમગ્ર કાર્યક્રમ
આ ઉપરાંત ચંદનજી ઠાકોરે જણાવ્યું કે, હું આનું એક જ ઉદાહરણ આપું, એનઆરસીના મુદ્દે મારી સોનિયા ગાંધી, મારા રાહુલ ગાંધી અને મારી પ્રિયંકા ગાંધી રોડ પર આવી. 18 પ્રકારના પક્ષો હતા, પરંતુ એક પક્ષે મુસ્લિમ સમાજ માટે આજીજી કરી નથી તે મુસ્લિમ સમાજની તરફેણમાં નથી. આ એક માત્ર પક્ષ છે જે તમારા માર્ગે ચાલે છે, તમારું રક્ષણ કરે છે. ચૂંટણી સમયે આ પ્રકારનું નિવેદન વધુ આગળ વધશે તે નવાઈ નથી.
પોતાની હાર ભાળી ગયેલી કોંગ્રેસ ધર્મનું રાજકારણ રમી રહી છે. કોંગ્રેસના ધારાસભ્યનો આવો વાણી-વિલાસ કોઇપણ રીતે ચલાવી ના લેવાય.
કોંગ્રેસને હવે ખુદ કોંગ્રેસ પણ બચાવી શકે એમ નથી. માયનોરિટીનું તુષ્ટિકરણ કરનારા કોંગ્રેસની હાર નિશ્ચિત છે. pic.twitter.com/HIKKVkeRH9— C R Paatil (@CRPaatil) November 19, 2022
જોકે, આ વિવાદીત નિવેદન પર મુખ્યમંત્રી ભૂપેન્દ્ર પટેલે તીખી ટિકા કરી છે. તેમણે ચંદનજી ઠાકોરનો આ વીડિયો પોસ્ટ કરીને લખ્યુ છે કે, શરમજનક શબ્દો. હાર ભાળી ગયેલી કોંગ્રેસ ફરી લઘુમતી તુષ્ટિકરણ તરફ વળી છે. કોંગ્રેસને ખબર હોવી જોઈએ કે તેમને હારથી કોઈ નહીં બચાવી શકે. આ ઉપરાંત ભાજપ પ્રદેશ અધ્યક્ષ સી આર પાટીલે પણ નિવેદનની ટીકા કરી છે.
