‘ભૂલ ભુલૈયા 2’ની 100 કરોડ ક્લબમાં એન્ટ્રી , કાર્તિકના કરિયરની સૌથી વધુ કમાણી કરનાર ફિલ્મ
અભિનેતા કાર્તિક આર્યન અને કિયારા અડવાણી સ્ટારર હોરર કોમેડી ફિલ્મ ‘ભૂલ ભુલૈયા-2’ બોક્સ ઓફિસ પર સતત રેકોર્ડ બનાવી રહી છે. હવે આ ફિલ્મે માત્ર 9 દિવસમાં 100 કરોડનો આંકડો પાર કરી લીધો છે. આ સાથે ‘ભૂલ ભુલૈયા 2’ પણ 100 કરોડ ક્લબમાં સામેલ થનારી કાર્તિકની કારકિર્દીની બીજી ફિલ્મ બની ગઈ છે. આ પહેલા અભિનેતાની ‘સોનુ કે ટીટુ કી સ્વીટી’એ આ કારનામું કર્યું હતું. આટલું જ નહીં, ‘ભૂલ ભુલૈયા-2’ કાર્ત્યાના કરિયરની સૌથી મોટી કમાણી કરનાર ફિલ્મ પણ બની ગઈ છે.
#BhoolBhulaiyaa2 is on a winning streak, hits double digits on [second] Sat… Remains first choice of moviegoers, eclipses biz of new films… National chains witness growth, mass circuits super-strong… [Week 2] Fri 6.52 cr, Sat 11.35 cr. Total: ₹ 109.92 cr. #India biz. pic.twitter.com/ytw6aTUP35
— taran adarsh (@taran_adarsh) May 29, 2022
9માં દિવસે 11.35 કરોડ રૂપિયાનો બિઝનેસ
ટ્રેડ એનાલિસ્ટ તરણ આર્દશે સોશિયલ મીડિયા પર પોસ્ટ શેર કરીને કહ્યું કે લગભગ 75 કરોડ રૂપિયાના બજેટમાં બનેલી ‘ભૂલ ભુલૈયા-2’ એ બીજા અઠવાડિયાના બીજા દિવસે એટલે કે 11.35 કરોડ રૂપિયાનો બિઝનેસ કર્યો છે. આ પહેલા ફિલ્મે બીજા સપ્તાહના પહેલા દિવસે 6.52 કરોડ રૂપિયાની કમાણી કરી હતી. તે જ સમયે, ફિલ્મે પ્રથમ સપ્તાહમાં 92.05 કરોડ રૂપિયાની કમાણી કરી હતી. તે મુજબ, ફિલ્મે હવે માત્ર 9 દિવસમાં જ ભારતમાંથી 109.92 કરોડ રૂપિયાનું બોક્સ ઓફિસ કલેક્શન કર્યું છે. ટ્રેડ વિશ્લેષકોને આશા છે કે ફિલ્મ ટૂંક સમયમાં 150 કરોડના ક્લબમાં પ્રવેશ કરશે.
ફિલ્મની વર્લ્ડ વાઈડ 146.85 કરોડની કમાણી
ફિલ્મે અત્યાર સુધી વર્લ્ડ વાઈડ 146.85 કરોડ રૂપિયાનો બિઝનેસ કર્યો છે. તરણ આદર્શે કહ્યું કે ‘ભૂલ ભુલૈયા 2’ બીજા સપ્તાહમાં પણ સૌથી વધુ કમાણી કરનારી ફિલ્મ બની જશે. એટલું જ નહીં, તેણે કહ્યું છે કે ‘ભૂલ ભુલૈયા 2’ ટૂંક સમયમાં કાર્તિકની ફિલ્મ ‘સોનુ કે ટીટુ કી સ્વીટી’ (2018)ના લાઈફટાઇમ બિઝનેસ (152.75 કરોડ)ને પાછળ છોડી દેશે.
#OneWordReview…#BhoolBhulaiyaa2: WINNER.
Rating: ⭐️⭐️⭐️⭐️
Horror. Comedy. And, of course, two smashing songs… #BB2 is a complete entertainment package… A joyride that delivers what it promised: Non-stop entertainment… WILL END DRY SPELL AT THE #BO. #BhoolBhulaiyaa2Review pic.twitter.com/xk7Z7A6wQ6— taran adarsh (@taran_adarsh) May 19, 2022
2022માં 100 કરોડનો આંકડો પાર કરનારી 5મી ફિલ્મ
‘ભૂલ ભુલૈયા 2’ 2022માં 100 કરોડનો આંકડો પાર કરનારી 5મી ફિલ્મ પણ બની ગઈ છે. ‘ભૂલ ભૂલૈયા 2’, ‘ગંગુબાઈ કાઠિયાવાડી’, ‘ધ કાશ્મીર ફાઇલ્સ’, ‘RRR’ અને ‘KGF-2’પહેલા 100 કરોડનો આંકડો પાર કરી ચૂકી છે.
આ સિવાય ‘ભૂલ ભુલૈયા 2’ પણ પહેલા અઠવાડિયામાં જ આ વર્ષની બીજી સૌથી વધુ કમાણી કરનાર બોલિવૂડ ફિલ્મ બની ગઈ છે. ‘ભૂલ ભૂલૈયા 2’ પહેલા ‘ધ કાશ્મીર ફાઇલ્સ’એ 97.30 કરોડ રૂપિયાની કમાણી કરી હતી. આ લિસ્ટમાં આલિયાની ‘ગંગુબાઈ કાઠિયાવાડી’ 68.93 કરોડ રૂપિયાની કમાણી સાથે ત્રીજા નંબર પર છે.
