ગુજરાત વિધાનસભાની ચૂંટણીમાં બહુમતી સાથે જીત મેળવાર ભારતીય જનતા પાર્ટીની આવતીકાલે ગાંધીનગર ખાતે બેઠક યોજાવા જઈ રહી છે. જેમાં ભારતીય જનતા પાર્ટીના નવા ચૂંટાયેલા તમામ ધારાસભ્યોની બેઠક યોજાશે અને તેમાં તમામ ધારાસભ્યો શપથ લેશે. આ સાથે પ્રોટેમ સ્પિકર તરીકે યોગેશ પટેલ પણ શપથ ગ્રહણ કરશે.
19 ડિસેમ્બરે ભાજપના ધારાસભ્ય દળની બેઠક
વિધાનસભાનું સત્ર મળે તે પહેલા ગુજરાત ભાજપના નવા ચૂંટાયેલ તમામ ધારાસભ્યોની બેઠક યોજાવા જઈ રહી છે. ગત સોમવારના રોજ ગુજરાતના મુખ્યમંત્રી તેમજ અન્ય ધારાસભ્યોએ શપથ લીધા હતા. જે બાદ 19 ડિસેમ્બરે ભાજપના ધારાસભ્ય દળની બેઠક યોજાવા જઈ રહી છે.
20 તારીખે વિધાનસભા સત્ર
વિધાનસભા સત્ર 20 તારીખે યોજાવાનું છે. ત્યારે આ પહેલા ભાજપના નવા ધારાસભ્યોની બેઠક યોજાવા જઈ રહી છે. જે બેઠકમાં પ્રોમટર સ્પીકર વડોદરા માંજલપુરના યોગેશ પટેલ પ્રોટેમ સ્પીકર તરીકે શપથ ગ્રહણ કરશે તેમજ તે બાદ તેઓ ભાજપના નવા ચૂંટાયેલ ધારાસભ્યોને પણ શપથ લેવડાવવાના છે.
આ પણ વાંચો: ગુજરાત સહિત દેશભરના ખેડૂતોએ ફરી છેડ્યું આંદોલન, આ મુદ્દાને લઈને ઉતર્યા મેદાને
પ્રોટેમ સ્પીકર કરાવશે શપથ ગ્રહણ
ગુજરાત વિધાનસભાની ચૂંટણી બાદ હવે ભાજપના નેતાઓએ પોતાનો કાર્યભાર સંભાળી કામગીરી શરુ કરી દીધી છે. તેમજ વિધાનસભાના પ્રોટેમ સ્પીકર તરીકે વડોદરાની માંજલપુર સીટના વિજેતા ઉમેદવાર યોગેશ પટેલની વરણી કરવામાં આવી છે ત્યારે તેઓ આ બેઠકમાં શપથ લીધા પછી તમામ ધારાસભ્યોને પણ શપથ લેવડાવશે.
