ફિલ્મ ‘પઠાણ’માં શાહરુખ સાથે જોવા મળશે ભાઈજાન ? જાણો શું છે ફિલ્મનું સસ્પેન્સ !
શાહરૂખ ખાનની ફિલ્મ ‘પઠાણ’ની રિલીઝને હવે ગણતરીના દિવસો જ બાકી છે. ઉલ્લેખનીય છે કે ફિલ્મ પઠાણ 25મી જાન્યુઆરીના દિવસે રિલીઝ થવા જઈ રહી છે. ફિલ્મ પઠાણ હાલ ઘણાં વિવાદોમાં ફસાઈ રહી છે, ત્યારે આવી સ્થિતિમાં, કિંગ ખાન અને ફિલ્મ નિર્માતાઓ તેને હિટ બનાવવા માટે શ્રેષ્ઠ પ્રયાસ કરી રહ્યા છે. યશ રાજ ફિલ્મ્સે તાજેતરમાં જાહેરાત કરી હતી કે આ ફિલ્મનું ટ્રેલર 10 જાન્યુઆરીએ રિલીઝ થશે. પ્રોડક્શન હાઉસે એ પણ વચન આપ્યું હતું કે ટ્રેલરમાં શાહરૂખ ખાન, દીપિકા પાદુકોણ અને જ્હોન અબ્રાહમના એક્શન, રોમાંચ અને એક્શનથી ભરપૂર પ્રદર્શન જોવા મળશે. પરંતુ આ ઉપરાંત વધુ એક સરપ્રાઈઝ શાહરુખના ફેન્સને જોવા મળી શકે છે.
આ પણ વાંચો : હવે બોલિવુડમાં ‘સેક્સ એજ્યુકેશન’ જેવા ગંભીર મુદ્દા પર થશે વાત : રકુલ પ્રીત સિંહે કરી પહેલ
‘પઠાણ’ના ટ્રેલરમાં હશે સલમાન ખાન ?
ગયા વર્ષે જ ‘પઠાણ’ વિશે સમાચાર આવ્યા હતા કે આ ફિલ્મમાં સલમાન ખાનનો કેમિયો છે. હવે આ અંગે કેટલાક અહેવાલો સામે આવ્યા છે. અટકળો ચાલી રહી છે કે શું સલમાન ખાન પણ ટ્રેલરનો ભાગ હશે. બોલિવૂડના અહેવાલો અનુસાર, યશ રાજ ફિલ્મ્સના એક સૂત્રએ તેમને કહ્યું, ‘તે સસ્પેન્સ છે. આદિત્ય ચોપરા પોતાની ફિલ્મનું સસ્પેન્સ જાળવી રાખવા માંગે છે, તેથી તેણે ફિલ્મના બે ટ્રેલર એડિટ કર્યા છે. એક સલમાન ખાન સાથે અને બીજી તેમના વગર.
શાહરૂખ સાથે કરશે ખતરનાક સ્ટંટ
રિપોર્ટ્સ અનુસાર, આદિત્ય ચોપરાનો આઈડિયા માત્ર સલમાન ખાનને બતાવવાનો છે, તેઓ તેમના વિશે કંઈપણ જાહેર કરવા માંગતા નથી. આમ કરવાથી લોકોને ફિલ્મની વાર્તામાં રસ રહેશે. આદિત્ય ચોપરાએ શાહરૂખ અને સલમાન ખાન વચ્ચે ફિલ્મના શ્રેષ્ઠ દ્રશ્યો શૂટ કર્યા છે, જેમાં સલમાન ખાન શાહરૂખ સાથે ખતરનાક સ્ટંટ કરતો જોવા મળી શકે છે, તેથી અત્યારે દર્શકો ટ્રેલરની આતુરતાથી રાહ જોઈ રહ્યા છે.
Thank u for waiting….ab Pathaan ki mehfil mein aa jao….#PathaanTrailer out TOMORROW at 11 AM!
Hindi – https://t.co/sNPeRLR5p5
Telugu – https://t.co/istxh0xDhL
Tamil – https://t.co/rb9KKDB0Iw pic.twitter.com/fMAvtE9fh8— Shah Rukh Khan (@iamsrk) January 9, 2023
10 જાન્યુઆરીએ રિલીઝ થશે ટ્રેલર
તમને જણાવી દઈએ કે ટીઝર રિલીઝ થતાની સાથે જ ફિલ્મ વિવાદોમાં ફસાઈ ગઈ હતી. ફિલ્મનું પહેલું ગીત બેશરમ રંગ દર્શકોની સામે આવતાની સાથે જ હંગામો મચાવી દીધો હતો. લોકોને દીપિકા પાદુકોણના ઓરેન્જ બિકીની પહેરીને બોલ્ડ પોઝ સામે સખત વાંધો ઉઠાવ્યો હતો. લોકોનું કહેવું છે કે પહેલા ગીતમાંથી આ સીન હટાવો તો જ તે તેને રિલીઝ થવા દેશે.
