હવે લાંચ પણ ડિજિટલ બની! ભારતની સિલિકોન વેલી તરીકે ઓળખાતા શહેરનો શરમજનક કિસ્સો

બેંગલુરુ, 26 ફેબ્રુઆરી 2025 : કર્ણાટકના બેંગલુરુમાં ભ્રષ્ટાચારનો એક ચોંકાવનારો કિસ્સો પ્રકાશમાં આવ્યો છે. અહીં બેંગલુરુ ટ્રાફિક પોલીસ પર ફોનપે દ્વારા લાંચ લેવાનો આરોપ છે. હવે, આ મામલો વરિષ્ઠ પોલીસ અધિકારીઓ સુધી પહોંચ્યો છે. તેમણે કહ્યું છે કે આરોપીઓ સામે તપાસ ચાલી રહી છે અને જો દોષિત ઠરશે તો કડક કાર્યવાહી કરવામાં આવશે.

21 ફેબ્રુઆરીના રોજ, એક ડ્રાઈવર બેંગલુરુના વર્થુર કલ્લે તરફ જઈ રહ્યો હતો. કાર ચલાવનાર યુવકનું નામ રાચમલ્લા છે. તેણે એક તરફી રસ્તા પર ખોટી દિશામાં વાહન ચલાવ્યું અને ટ્રાફિક નિયમોનું ઉલ્લંઘન કર્યું. તે સમયે ફરજ પર રહેલા કોન્સ્ટેબલ મંજુનાથે વાહન રોક્યું. ડ્રાઈવર 1500 રૂપિયાનો દંડ ભરવા તૈયાર હતો. પરંતુ કોન્સ્ટેબલ મંજુનાથ દંડની રસીદ આપવા તૈયાર ન હતા. આખરે ડ્રાઈવરે ફોન પે પર કોન્સ્ટેબલને 500 રૂપિયા ચૂકવ્યા.

પીડિતે ACPને ફરિયાદ કરી
વાહન ચલાવતા ડ્રાઇવરે આ અંગે એસીપી રાચમલ્લાને ઇમેઇલ દ્વારા ફરિયાદ કરી અને કોન્સ્ટેબલ સામે કાર્યવાહીની માંગ કરી. એસીપી રમેશે ટ્રાફિક ઇન્સ્પેક્ટરને તપાસ કરીને રિપોર્ટ રજૂ કરવાનો નિર્દેશ આપ્યો છે. તેમણે કહ્યું છે કે જો આરોપો સાચા સાબિત થશે તો દોષિતો સામે કડક કાર્યવાહી કરવામાં આવશે. કોઈપણ પ્રકારનો ભ્રષ્ટાચાર સહન કરવામાં આવશે નહીં. જોકે, લોકોને ટ્રાફિક નિયમોનું પાલન કરવાની પણ અપીલ કરવામાં આવે છે.

ઝડપી, સચોટ અને પ્રમાણિત સમાચાર મેળવવા નીચે જણાવેલા અમારા કોઈપણ વૉટ્સએપ ગ્રુપમાં જોડાઈ શકો છો >>>

https://chat.whatsapp.com/LuLIACK4WTYDPGdlAsSGrD

https://chat.whatsapp.com/FU8bgMOynfgJl4wCoEeiJw

https://chat.whatsapp.com/K2iNelyylPD9ZoDNpMuN9o

તાજેતરમાં, બેંગલુરુમાં ટ્રાફિક નિયમોના ઉલ્લંઘનના કિસ્સાઓ વધી રહ્યા છે. આ અંગે, કેટલાક વિસ્તારોમાં ટ્રાફિક પોલીસ પણ આનો લાભ લઈને લાંચ લેતા જોવા મળ્યા છે. તાજેતરમાં, એક એવો કિસ્સો પ્રકાશમાં આવ્યો જેમાં એક ટુ-વ્હીલર ચાલક પર 1.6 લાખ રૂપિયાનો દંડ ફટકારવામાં આવ્યો. ચાલકે દંડ ભર્યો અને વાહન પાછું લઈ લીધું. પરંતુ દંડની રસીદ લગભગ 20 મીટર લાંબી હતી, જેની ખૂબ ચર્ચા થઈ હતી.

આ પણ વાંચો : ક્યારે શરૂ થશે રણવીર સિંહ-કિયારાની ડોન-3નું શૂટિંગ, ડિરેક્ટર ફરહાને આપ્યું અપડેટ