બેન સ્ટોક્સ ફરી ક્યારેય IPL નહીં રમી શકે? BCCIનો નવો નિયમ શું કહે છે?

HD ન્યૂઝ ડેસ્ક,  06 નવેમ્બર : વિશ્વના કુલ 1,574 ખેલાડીઓએ આઈપીએલ 2025 મેગા ઓક્શન માટે તેમના નામ નોંધાવ્યા છે. આમાં જેમ્સ એન્ડરસનનું નામ પણ સામેલ છે જેણે લગભગ 10 વર્ષથી T20 ક્રિકેટ નથી રમી. પરંતુ આ યાદીમાં બેન સ્ટોક્સનું નામ નથી, જેમને IPLમાં ચેન્નાઈ સુપર કિંગ્સ (CSK), રાજસ્થાન રોયલ્સ (RR) અને રાઈઝિંગ પુણે સુપર જાયન્ટ્સ તરફથી રમવાનો અનુભવ છે. હવે બેન સ્ટોક્સને મેગા ઓક્શનમાં પોતાનું નામ ન આપવાનું પરિણામ ભોગવવું પડી શકે છે કે તે વર્ષ 2027 સુધી IPLમાં રમી શકશે નહીં.

BCCIનો નવો નિયમ શું કહે છે?

બીસીસીઆઈએ નવો નિયમ જારી કર્યો છે, જે મેગા ઓક્શન પહેલા જ લાગુ કરવામાં આવ્યો હતો. આ અંતર્ગત વિદેશી ખેલાડીઓએ મેગા ઓક્શન માટે રજીસ્ટ્રેશન કરાવવાનું રહેશે. જો તે ખેલાડી તેનું નામ દાખલ નહીં કરે, તો તે આવતા વર્ષે યોજાનારી મીની-ઓક્શનમાં ભાગ લઈ શકશે નહીં.” આનો અર્થ એ થયો કે બેન સ્ટોક્સ માત્ર આઈપીએલ 2025ની મેગા હરાજીમાં ભાગ લઈ શકશે નહિ.

નવા નિયમમાં એક પાસું એ પણ સામેલ છે કે જો કોઈ ખેલાડીને હરાજીમાં ખરીદવામાં આવે છે, પરંતુ કોઈ કારણસર તે સિઝનની શરૂઆત પહેલા બહાર થઈ જાય છે. આવા કિસ્સામાં, તે ખેલાડી પર બે વર્ષનો પ્રતિબંધ લાદવામાં આવશે.

બેન સ્ટોક્સ ક્યારે રમી શકશે?

મેગા ઓક્શનમાં પોતાનું નામ ન આપવાને કારણે બેન સ્ટોક્સ ઈન્ડિયન પ્રીમિયર લીગની 2025 અને 2026ની આવૃત્તિનો ભાગ બની શકશે નહીં. જો કોઈ ટીમ તેને 2027ની હરાજીમાં ખરીદે તો જ તેના માટે આઈપીએલ 2027માં રમવું શક્ય બનશે. સ્ટોક્સની આઈપીએલ કારકિર્દી પર નજર કરીએ તો તેણે અત્યાર સુધી 43 મેચમાં 920 રન બનાવવા ઉપરાંત 28 વિકેટ પણ લીધી છે.

આ પણ વાંચો :મેલાનિયા ટ્રમ્પે રચ્યો ઈતિહાસ:  અમેરિકાના પ્રમુખની ‘ત્રીજી પત્ની’ બીજી વખત બનશે ‘First lady’