અતીક-અશરફની હત્યા પહેલા આરોપીઓએ કરી હતી રેકી, CCTV મળતા એક્શનમાં પોલીસ
માફિયા અતીક અહેમદ અને તેના ભાઈ અશરફના મર્ડર કેસમાં પોલીસે મોટું અપડેટ છે. માહિતી આપતાં ઉત્તર પ્રદેશ પોલીસના એક વરિષ્ઠ અધિકારીએ જણાવ્યું કે એક સીસીટીવી ફૂટેજ મળી આવ્યા છે જેમાં ત્રણેય આરોપીઓ ઘટના પહેલા રેકી કરતા જોવા મળે છે. પોલીસના જણાવ્યા અનુસાર, આ સીસીટીવી ફૂટેજ બપોરના છે.
પોલીસે જણાવ્યું કે, ત્રણેય આરોપીઓ હોસ્પિટલ અને તેની આસપાસના વિસ્તારમાં રેકી કરતા સ્પષ્ટ દેખાઈ રહ્યા છે. આ ફૂટેજ સામે આવ્યા બાદ પોલીસે હવે માત્ર CCTV માટે એક ટીમ બનાવી છે જે 24 કલાક ફૂટેજની તપાસ કરશે. પોલીસ સૂત્રોનું કહેવું છે કે અતીકે 14મી તારીખે મીડિયા સાથે વાત કર્યા બાદ ત્રણેય આરોપીઓએ હોસ્પિટલ પાસે પડાવ નાખ્યો હતો.
એફએસએલ ટીમ સાથે…
પોલીસનું કહેવું છે કે દરેક પુરાવા વૈજ્ઞાનિક રીતે એકત્રિત કરવામાં આવી રહ્યા છે. આ ત્રણેય આરોપીઓ ક્યારે આવ્યા, ક્યાં રોકાયા, આ તમામ માહિતી મળી છે. એફએસએલ ટીમ સાથે રિક્રિએશન કરવામાં આવશે. ટીમ બનતાની સાથે જ 1-2 દિવસમાં રિક્રિએશન કરાશે.
