‘કઠપૂતળી બની ગઈ છું’; કોર્પોરેટ જોબથી નારાજ મહિલાએ સોશિયલ મીડિયા પર લખી એવી પોસ્ટ કે તરત જ થઇ વાયરલ

HD ન્યૂઝ ડેસ્ક, 29 જૂન : લોકો તેમની ઓફિસના વર્ક કલ્ચરથી એટલા પરેશાન થઈ જાય છે કે તેઓ પોતાનો ગુસ્સો સોશિયલ મીડિયા પર ઠાલવે છે. એક છોકરીને ઓફિસમાં 12 કલાક કામ કરવાની ફરજ પાડવામાં આવી ત્યારે તેણે સોશિયલ મીડિયા પર એક પોસ્ટ લખીને કહ્યું કે જાણે તે મૃત કઠપૂતળી બની ગઈ. મહિલાની આ પોસ્ટ સોશિયલ મીડિયા પર વાયરલ થઈ રહી છે.

@yourfavish નામની યુવતીએ સોશિયલ મીડિયા પર એક પોસ્ટ લખી હતી કે તેને ઓફિસમાં લાંબા સમય સુધી કામ કરવાની ફરજ પડી હતી. તેણીએ લખ્યું કે કોર્પોરેટ કંપનીમાં સાચે જ દિવસના 12 કલાક કામ કરાવવામાં આવે છે. જેમાં મુસાફરી પણ સામેલ હતી. હું ઘરે પહોંચતાં જ સૂઈ જાઉં છું. તે ડરામણું છે કારણ કે તેનાથી કંપનીને ફાયદો થાય છે પરંતુ હું મૃત કઠપૂતળી જેવી બની ગઈ છું, કોઈ શોખ કે આત્મપ્રેમ નામની વસ્તુ બચી નથી.

corporate is literally taking 12 hours of my time in a day including traveling and all I do is come home and sleep. This is scary because it looks productive but it’s like being a dead puppet with no hobbies or self love.

— ish (@yourfavish) June 26, 2024

યુવતીનું આ ટ્વિટ સોશિયલ મીડિયા પર ઝડપથી વાયરલ થઈ રહ્યું છે, આ સમાચાર લખાય છે ત્યાં સુધી ત્રણ લાખથી વધુ લોકોએ આ ટ્વિટ જોઈ છે જ્યારે હજારો લોકોએ કમેન્ટ કરી છે. ઘણા સોશિયલ મીડિયા યુઝર્સ આ સાથે સહમત થયા જ્યારે કેટલાકે કહ્યું કે આને શોષણ કહેવામાં આવે છે.

એક સોશિયલ મીડિયા યુઝરે લખ્યું કે માત્ર નોકરી કરીને સ્વતંત્ર થવું ખૂબ મુશ્કેલ છે. એકે લખ્યું કે આ એક ઝેરી વાતાવરણ છે. શોખ ધરાવતા લોકો પણ ધીમે ધીમે કોર્પોરેટ ચક્રમાં ફસાઈ જાય છે અને તેઓ તેમને ગમતી બધી વસ્તુઓથી દૂર જતા રહે છે. તે એક ડ્રગના વ્યસન જેવું છે.

એક સોશિયલ મીડિયા યુઝરે સલાહ આપી કે HRને ફરિયાદ કરવી જોઈએ. બીજાએ લખ્યું કે આપણા દેશમાં શોષણખોરોની કોઈ કમી નથી. તમારી નબળાઈની જાણ થતાં જ તમારું શોષણ શરૂ થઈ જાય છે. એકે લખ્યું કે હું આ પ્રકારના જીવનની કલ્પના કરી શકતો નથી. તેનો અર્થ એ કે તમે તમારું આખું જીવન બરબાદ કરી નાખશો.

આ પણ વાંચો: આતંકવાદ સામેના યુદ્ધમાં ભારતનું કદ વધ્યું, FATFએ રેગ્યુલર ફોલો-અપવાળા ટોચના 5 દેશોમાં કર્યું સામેલ