WhatsApp માં પ્રાઈવસીને લઈને થઈ જાવ બેફિકર : આવી રહ્યું છે આ નવું ફિચર

WhatsApp અવારનવાર નવા ફિચર લાવતું રહે છે, જે તેના યુઝર્સની પ્રાઈવસીને વધુ સારી બનાવે છે. આ પ્રાઈવસીને વધુ મજબૂત બનાવવા વધુ એક નવું View Once Text નામનું  ફિચર આવી રહ્યું છે. જો કે હાલ આ ફિચર પર કામ ચાલી રહ્યુ છે, પરંતુ મળતી જાણકારી મુજબ WhatsApp ખૂબ જ જલ્દી આ ફિચર માર્કેટમાં લાવી શકે છે.

આ પણ વાંચો : હવે WhatsApp માં પણ બનાવો તમારો નવો અવતાર : જાણો આ અપડેટ વિશે

શું છે View Once ફિચર ?

WhatsAppએ તાજેતરમાં Google Play બીટા પ્રોગ્રામ દ્વારા Android માટે WhatsAppનું વર્ઝન 2.22.25.20 રજૂ કર્યું છે. વોટ્સએપના આ બીટા વર્ઝનમાં એક એવા ફીચર વિશે વાત કરવામાં આવી છે, જે યુઝર્સને “વન્સ વ્યુ ટેક્સ્ટ” મેસેજ મોકલી શકે છે. આ ફિચરથી WhatsApp તેના યુઝર્સને જે ફોટા અને વિડિયો મોકલવાની મંજૂરી આપે છે, તેને એકવાર ખોલ્યા પછી અસરકારક રીતે સ્વ-વિનાશ કરે છે, એટલે કે આ ફિચરથી જે ફોટો-વિડિયો મોકલવામાં આવે છે, તેને એક વખત જોઈ લીધા બાદ તે આપમેળે રિમુવ થઈ જશે.ઉપરાંત, આ માટે WhatsApp ચેટ બારની બાજુમાં સ્થિત એક ખાસ બટન ઉમેરવાનું કામ કરી રહ્યું છે, પ્રાપ્ત અહેવાલ મુજબ, મેસેજ મોકલવા માટે વપરાતું બટન એક લૉક આઇકન પણ દર્શાવે છે, જે મેસેજના પ્રકાશન પહેલાં સુવિધાના દેખાવને બદલી શકે છે.

વોટ્સએપ હાલમાં યુઝર્સને “વ્યૂ વન ટેક્સ્ટ” ઈમેજીસ અને વીડિયોના સ્ક્રીનશોટ લેવાથી અટકાવે છે. તેમજ તેને શેર, ફોરવર્ડ, કોપી અને સેવ કરવું શક્ય નથી. ફીચર ટ્રેકર કહે છે કે શક્ય છે કે ભવિષ્યના અપડેટમાં WhatsApp “વ્યૂ વન ટેક્સ્ટ” મેસેજ જોતી વખતે સ્ક્રીનશોટને પણ બ્લોક કરી શકે છે.

WhatsApp પણ આ ફીચર્સ પર કામ કરી રહ્યું

તાજેતરમાં iOS અને Android પર “Message Yourself” નામનું એક નવું ફીચર રજૂ કરવામાં આવ્યું છે, જેનાથી યુઝર્સ પોતાની જાતને મેસેજ મોકલી શકે છે. આ સિવાય વોટ્સએપના યુઝર્સ પોતાની જાતને અન્ય ચેટ્સમાંથી મેસેજ મોકલી શકે છે અને હવે  અન્ય એપ્લીકેશનમાંથી કન્ટેન્ટ સીધા જ WhatsApp પર પોતાની સાથે શેર કરી શકે છે.