ખબરદાર જો એપોઈન્ટમેન્ટ લીધા વિના માનનીય સાંસદને મળવા આવ્યા છો તો! જાણો કોણે જારી કર્યો આવો ફતવો
- આઝાદ સમાજ પાર્ટીના ઉત્તર પ્રદેશના પ્રદેશ અધ્યક્ષ દ્વારા જારી કરાયેલા પત્રમાં સ્પષ્ટપણે લખવામાં આવ્યું છે કે, જો કોઈ અધિકારી કે કાર્યકર ટોચના નેતૃત્વની પરવાનગી વિના ચંદ્રશેખર આઝાદને મળવા જશે તો તેની સામે શિસ્તભંગની કાર્યવાહી કરવામાં આવશે
ઉત્તર પ્રદેશ, 22 જૂન: ઉત્તર પ્રદેશની આઝાદ સમાજ પાર્ટીએ એક નિવેદનમાં કહ્યું કે પાર્ટીના રાષ્ટ્રીય અધ્યક્ષ ચંદ્રશેખર આઝાદ નગીના લોકસભાથી સાંસદ તરીકે ચૂંટાયા છે. આ મહત્વની સફળતા માટે રાજ્ય કક્ષાએ, વિભાગીય કક્ષાએ અને જિલ્લા કક્ષાના તમામ આદરણીય અધિકારીઓ-કર્મચારીઓએ તન, મન, ધનથી સહકાર આપ્યો છે. પરંતુ આ ઐતિહાસિક જીત બાદ દેશભરમાંથી લોકો સાંસદને મળવા સતત આવી રહ્યા છે. આવી સ્થિતિમાં, યુપીના સાથીદારોને વિનંતી કરવામાં આવે છે કે જે પણ અધિકારી અથવા કાર્યકર સાંસદને મળવા માંગે છે, તેમના માટે તેમના ટોચના નેતૃત્વને જાણ કરવી અને મંજૂરી લેવી ફરજિયાત છે. જો કોઈપણ અધિકારી કે કાર્યકર પૂર્વ માહિતી વિના રાષ્ટ્રીય અધ્યક્ષને મળવા જશે તો તેને અનુશાસનહીન ગણવામાં આવશે અને તેની સામે શિસ્તભંગના પગલાં લેવામાં આવશે.
અહીં જૂઓ પત્ર:
ચંદ્રશેખર આઝાદે શું કહ્યું?
યુપીની આઝાદ સમાજ પાર્ટીના જિલ્લા અધ્યક્ષ ચંદ્રશેખર આઝાદે સોશિયલ મીડિયા પર પોસ્ટ કરી છે જેમાં કહેવામાં આવ્યું છે કે દિલ્હીમાં મળવા માટે વિવિધ રાજ્યોમાંથી મોટી સંખ્યામાં કાર્યકરો આવવાના કારણે લોકોને મુશ્કેલીનો સામનો કરવો પડી રહ્યો છે.
તેમણે કહ્યું કે તેમના કાર્યકર્તાઓ દૂર-દૂરથી આવી રહ્યા છે અને એક રૂમ હોવાના કારણે રસ્તાઓ પર અને તડકામાં બેઠા છે, તેથી યુપીના પ્રદેશ અધ્યક્ષે ઉત્તર પ્રદેશના કાર્યકરો અને અધિકારીઓને પત્ર જારી કર્યો છે કે જ્યાં સુધી વ્યવસ્થા ન થાય ત્યાં સુધી જાણ કર્યા વગર ન આવશો.
View this post on Instagram
આઝાદે નગીના બેઠક પર એક લાખથી વધુ મતોથી મેળવી હતી જીત
ચંદ્રશેખર આઝાદે ઉત્તર પ્રદેશની નગીના સીટ પર 1 લાખ 51,000 વોટથી જીત મેળવી છે. અહીં ભારતીય જનતા પાર્ટીએ નહતૌરથી ત્રણ વખત ધારાસભ્ય રહેલા ઓમ કુમારને ટિકિટ આપી હતી. સમાજવાદી પાર્ટીએ પૂર્વ જજ મનોજ કુમારને ટિકિટ આપી હતી અને બસપાએ સુરેન્દ્ર પાલને ટિકિટ આપી હતી.
આ પણ વાંચો: ચંદ્રબાબુ નાયડુમાં યોગીજીનો આત્મા પ્રવેશ્યો? જાણો પરોઢિયે પાંચ વાગ્યે ક્યાં બુલડોઝર ફેરવ્યું?
