અંશુમન ગાયકવાડની મદદે આવ્યું BCCI, સેક્રેટરી જય શાહે કરી પરિવાર સાથે વાત

• ભારતીય ટીમના પૂર્વ ખેલાડી અને મુખ્ય કોચ અંશુમન ગાયકવાડ લાંબા સમયથી બ્લડ કેન્સરથી છે પીડિત
• હાલમાં અંશુમન ગાયકવાડની લંડનમાં ચાલી રહી છે સારવાર, આવી સ્થિતિમાં હવે BCCI તેમની મદદ માટે આવ્યું આગળ

મુંબઈ, 14 જુલાઈ: ભારતીય ટીમના ભૂતપૂર્વ ખેલાડી અને મુખ્ય કોચની ભૂમિકા ભજવનાર અંશુમન ગાયકવાડ લાંબા સમયથી કેન્સરથી પીડિત છે. ગાયકવાડ બ્લડ કેન્સરથી પીડિત છે જેના માટે તેઓ લંડનમાં સારવાર લઈ રહ્યા છે. થોડા સમય પહેલા તેમની સાથે રમી ચૂકેલા સંદીપ પાટીલે એક અખબાર માટે લખેલી પોતાની કોલમમાં આ વાતનો ખુલાસો કર્યો હતો. તે જ સમયે કપિલ દેવ સહિત કેટલાક અન્ય ભૂતપૂર્વ ખેલાડીઓએ આવા સમયે તેમની સારવાર અને પરિવારને આર્થિક સહાય માટે બીસીસીઆઈ પાસે મદદ માંગી હતી, જેને લઈને હવે BCCI સચિવ જય શાહે એક મહત્વનું પગલું ભર્યું છે અને બોર્ડને અંશુમન ગાયકવાડના પરિવારને તાત્કાલિક અસરથી 1 કરોડ રૂપિયાની મદદ કરવાનું કહ્યું છે.

સેક્રેટરી જય શાહે ગાકવાડના પરિવાર સાથે કરી વાત

અંશુમન ગાયકવાડે બે વખત ભારતીય ટીમના કોચની ભૂમિકા ભજવી છે. બીસીસીઆઈના સેક્રેટરી જય શાહે તેમની બિમારીને ધ્યાને લઈને 1 કરોડ રૂપિયાની આર્થિક મદદ કરવાનો નિર્દેશ આપ્યો છે, જ્યારે તેમણે ગાયકવાડના પરિવાર સાથે વાત કરી છે અને આ અંગે સંપૂર્ણ ખાતરી આપી છે તેમની સાથે રહેશે અને તેમના સ્વાસ્થ્ય પર પણ નજર રાખશે, જેમાં તેમને જે પણ સારવારની જરૂર પડશે, બોર્ડ દ્વારા દરેક પ્રકારની મદદ પૂરી પાડવામાં આવશે.

BCCI Secretary Jay Shah instructed BCCI to release Rs 1 crore with immediate effect to provide financial assistance to India’s veteran cricketer Anshuman Gaekwad, who is battling cancer. Shah also spoke to Gaekwad’s family and took stock of the situation and provided assistance:…

— ANI (@ANI) July 14, 2024

અંશુમન ગાયકવાડની કારકિર્દી

જો આપણે ટીમ ઈન્ડિયાના ભૂતપૂર્વ ખેલાડી અંશુમન ગાયકવાડની કારકિર્દી વિશે વાત કરીએ તો તેમણે 1974 થી 1984 વચ્ચે કુલ 40 ટેસ્ટ મેચ રમી હતી, જેમાં તેમણે 29.63ની એવરેજથી 1985 રન બનાવ્યા હતા, આ દરમિયાન ગાયકવાડે 2 સદી અને 10 અડધી સદી પણ રમી હતી. સદીઓ અંશુમન ગાયકવાડને પણ 15 ODI મેચ રમવાની તક મળી અને આમાં તેમણે 20.69ની એવરેજથી 269 રન બનાવ્યા જેમાં એક અડધી સદી પણ સામેલ છે.

આ પણ વાંચો: ‘પેન્શન ડોનેટ કરવા તૈયાર’, કપિલ દેવે આવું કેમ કહ્યું? બીસીસીઆઈને આ પૂર્વ ખેલાડીની મદદ કરવા કરી અપીલ