સુપ્રીમ કોર્ટે શુક્રવારે ઓનલાઈન પ્લેટફોર્મ અને સોશિયલ મીડિયા પર 2002ના ગુજરાત રમખાણોને લગતી ‘ભારતઃ ધ મોદી ક્વેશ્ચન’ નામની બીબીસી ડોક્યુમેન્ટ્રીને બ્લોક કરવાના સરકારના આદેશને પડકારતી અરજી પર કેન્દ્ર સરકારનો જવાબ માંગ્યો હતો. ન્યાયમૂર્તિ સંજીવ ખન્ના અને એમ એમ સુંદરેશની બેચે આ મામલે કોઈ વચગાળાનો આદેશ આપવાનો ઇનકાર કર્યો હતો અને કેસની વધુ સુનાવણી એપ્રિલમાં કરવા માટે કહ્યું હતું. કોર્ટે એમ પણ કહ્યું કે તે સરકારને સાંભળ્યા વિના કોઈપણ વચગાળાનો આદેશ આપી શકે નહીં અને આગામી સુનાવણીની તારીખે તમામ રેકોર્ડ રજૂ કરવા નિર્દેશ આપ્યો હતો.
આ પણ વાંચો : ગુજરાત ATS ની વધુ એક સફળતા, પેપર લીક કાંડમાં બે આરોપીની ધરપકડ
બીબીસી ડોક્યુમેન્ટ્રી 2002ના રમખાણો અને કથિત રીતે વડાપ્રધાન નરેન્દ્ર મોદી દ્વારા ભજવવામાં આવેલી ભૂમિકાની તપાસ કરે છે, મોદી તે સમયે ગુજરાતના મુખ્યમંત્રી હતા. કેન્દ્ર સરકાર દ્વારા તેને સોશિયલ મીડિયા અને ઓનલાઈન પ્લેટફોર્મ પર બ્લોક કરી દેવામાં આવી છે. તેમ છતાં, દેશભરની સંખ્યાબંધ કોલેજો અને યુનિવર્સિટીઓમાં તેનું સ્ક્રીનિંગ કરવામાં આવ્યું હતું.
આ પણ વાંચો : તાલિબાની નેતાએ મુંબઈમાં મોટા આતંકી હુમલાની ધમકી આપી, વિવિધ શહેરોને એલર્ટ
કોર્ટ બે અરજીઓ પર સુનાવણી કરી રહી હતી, એક એડવોકેટ એમ. એલ. શર્મા દ્વારા દાખલ કરવામાં આવી હતી અને બીજી તૃણમૂલ કોંગ્રેસના સાંસદ મહુઆ મોઇત્રા, પત્રકાર એન રામ અને એડવોકેટ પ્રશાંત ભૂષણ દ્વારા દાખલ કરવામાં આવી હતી.
SC issues notice to Centre on our plea against @BBC ban @pbhushan1 @nramind
— Mahua Moitra (@MahuaMoitra) February 3, 2023
શર્માએ પોતાની અરજીમાં દાવો કર્યો હતો કે ડોક્યુમેન્ટ્રી પરનો પ્રતિબંધ મનસ્વી અને ગેરબંધારણીય છે. પ્રતિબંધ હટાવવાની માંગ કરવા ઉપરાંત, શર્માએ રમખાણોને કાબૂમાં રાખવામાં નિષ્ફળતા માટે જવાબદાર લોકોની તપાસની પણ માંગણી કરી હતી.
આ પણ વાંચો : સંસદથી લઈ શેર બજાર અને સોશિયલ મીડિયા પર ‘અદાણી જ અદાણી…’!!!
The SC today has issued notice to the govt on our (N Ram, Mahua Moitra & me) petition challenging the ban on the 2 part BBC documentary "The Modi question". The SC has asked them to produce the entire file on this before the court
— Prashant Bhushan (@pbhushan1) February 3, 2023
પ્રશાંત ભૂષણ, મહુઆ મોઇત્રા અને એન.રામ દ્વારા કરાયેલી અરજીમાં કહેવામાં આવ્યું હતું કે ડોક્યુમેન્ટ્રી તેમજ મોઇત્રા અને ભૂષણ દ્વારા કરવામાં આવેલી ટ્વીટ બંધારણની કલમ 19(1)(a) હેઠળ સુરક્ષિત છે. તેઓએ દલીલ કરી હતી કે ઇન્ફોર્મેશન ટેક્નોલોજી એક્ટના નિયમ 16 હેઠળ કટોકટીની સત્તાનો ઉપયોગ કરવાની જરૂરિયાત સમજાવવા માટે સરકારે સત્તાવાર રીતે કોઈ દસ્તાવેજ, ઓર્ડર અથવા કોઈપણ અન્ય માહિતી જાહેર ડોમેનમાં મૂકી નથી. ડોક્યુમેન્ટ્રીને પ્રત્યક્ષ કે પરોક્ષ રીતે સેન્સર કરતા તમામ આદેશોને રદ કરવામાં આવે તેવી માંગ કરવામાં આવી હતી.
