બેંકો અને વીમા કંપનીઓમાં પણ સોમવારે અડધા દિવસની રજા જાહેર
- જાહેર ક્ષેત્રની બેંકો, વીમા કંપનીઓ, નાણાકીય સંસ્થાઓ અને પ્રાદેશિક ગ્રામીણ બેંકો અડધા દિવસ માટે બંધ
નવી દિલ્હી, 19 જાન્યુઆરી : અયોધ્યામાં રામ મંદિર પ્રાણ પ્રતિષ્ઠા મહોત્સવના શુભ અવસરે 22 જાન્યુઆરીએ દેશભરની જાહેર ક્ષેત્રની બેંકો, વીમા કંપનીઓ, નાણાકીય સંસ્થાઓ અને પ્રાદેશિક ગ્રામીણ બેંકો (RRBs) અડધા દિવસ માટે બંધ રહેશે. આ પહેલા, કર્મચારી અને તાલીમ વિભાગે સોમવારે કેન્દ્ર સરકારની જાહેરાતને પગલે અડધો દિવસ કામગીરી બંધ રાખવાનો આદેશ જારી કર્યો હતો.
STORY | Govt declares half-day holiday for PSU banks, insurance companies on Jan 22
READ : https://t.co/Dmgn6bzoEk pic.twitter.com/R4YJjbmvvO
— Press Trust of India (@PTI_News) January 18, 2024
DOPTના આદેશમાં જણાવ્યા મુજબ, “અયોધ્યામાં રામલલ્લાના પ્રાણ પ્રતિષ્ઠાને 22 જાન્યુઆરી 2024 ના રોજ સમગ્ર ભારતમાં ઉજવવામાં આવશે. કર્મચારીઓને ઉજવણીમાં ભાગ લેવા સક્ષમ બનાવવા માટે નિર્ણય લેવામાં આવ્યો છે કે, સમગ્ર ભારતમાં તમામ કેન્દ્રીય સરકારી કચેરીઓ, કેન્દ્રીય સંસ્થાઓ અને કેન્દ્રીય ઔદ્યોગિક સંસ્થાઓ અડધા દિવસ માટે બંધ રહેશે. 22મી જાન્યુઆરી 2024ના રોજ 1430 કલાક સુધી કામગીરી બંધ રહેશે.”
22 જાન્યુઆરીએ દિવાળી જેવો માહોલ
ગુરુવારે બપોરે અયોધ્યાના રામ મંદિરના ગર્ભગૃહમાં ભગવાન રામની નવી મૂર્તિ સ્થાપિત કરવામાં આવી હતી. વડાપ્રધાન નરેન્દ્ર મોદી સોમવારે પૂજારીઓની ટીમ સાથે નવી મૂર્તિની ‘પ્રાણ પ્રતિષ્ઠા’ વિધિ કરશે. ‘પ્રાણ પ્રતિષ્ઠા’ સમારોહ માટેની વિધિ મંગળવારથી શરૂ થઈ હતી અને સાત દિવસ સુધી ચાલશે. સમારોહ માટે રામ જન્મભૂમિ તીર્થ ક્ષેત્ર ટ્રસ્ટ તરફથી હજારો VIP મહેમાનોને આમંત્રણો મળ્યા છે. અયોધ્યામાં 14 જાન્યુઆરીથી 22 જાન્યુઆરી સુધી અમૃત મહોત્સવ ઉજવવામાં આવી રહ્યો છે. ટેમ્પલ ટ્રસ્ટના જનરલ સેક્રેટરી ચંપત રાયે સોમવારે પત્રકારોને જણાવ્યું હતું કે, પ્રાણ પ્રતિષ્ઠા સમારોહ 22 જાન્યુઆરીએ બપોરે 12:20 વાગ્યે શરૂ થશે અને 1 વાગ્યા સુધીમાં પૂર્ણ થવાની અપેક્ષા છે.
આ પણ જુઓ :BREAKING NEWS : 22મીએ કેન્દ્ર સરકારની તમામ કચેરીઓમાં બપોર સુધી રજા
