બનાસકાંઠા: પ્રભારી મંત્રીએ પાલનપુર રેલવે સ્ટેશન પર 300 મુસાફરોને ગંતવ્ય સ્થાન પર જવાની વ્યવસ્થા કરાવી

પાલનપુર: બનાસકાંઠા જિલ્લાના પ્રભારી મંત્રી બલવંતસિંહ રાજપુતે આજે પાલનપુર રેલવે સ્ટેશનની મુલાકાત લઇ બરેલી- ભૂજ ટ્રેનના મુસાફરોને રૂબરૂ મળીને તેમના ભોજન તથા આગળના ગંતવ્ય સ્થાન પર જવાની વ્યવસ્થા કરવા માટે વહીવટી તંત્રના અધિકારીઓને સુચના આપતા બસ મારફત આ મુસાફરોને ગાંધીધામ અને ભૂજ મોકલવામાં આવશે.

પ્રભારી મંત્રીએ પાલનપુર રેલવે સ્ટેશન પર 300 મુસાફરોને ગંતવ્ય સ્થાન પર જવાની વ્યવસ્થા કરાવી#palanpur #Passengers #railway #gujaratupdates #Gujarat #GujaratiNews #humdekhengenews pic.twitter.com/sdb2NoGtDZ

— Hum Dekhenge News (@humdekhengenews) June 17, 2023

બરેલીથી ભૂજ જતી ટ્રેન કચ્છમાં ત્રાટકેલા બિપરજોય વાવાઝોડા અને ભારે વરસાદના કારણે પાલનપુર રેલવે સ્ટેશન પર અટકાવવી પડી હતી. સૂસવાટા મારતું વાવાઝોડું અને ભારે વરસાદના કારણે આ ટ્રેન આગળ વધી શકે એમ નહોતી એટલે ૩૦૦ જેટલાં પેસેન્જરો સાથેની આ ટ્રેન ગઇકાલથી પાલનપુર રેલવે સ્ટેશન પર અટકેલી ઉભી છે. આ ટ્રેનમાં જતા મુસાફરો માટે બનાસકાંઠા જિલ્લા વહીવટી તંત્ર દ્વારા ફૂડ પેકેટ અને ચા- પાણી, નાસ્તાની વ્યવસ્થા કરવામાં આવેલી છે. પાલનપુર પ્રાંત અધિકારી, પાલનપુર રેલવે સ્ટેશનના મેનેજર તથા રેલવે પોલીસના અધિકારીઓ સાથે ચર્ચા કરીને યાત્રિઓની સુરક્ષા અને અન્ય વ્યવસ્થાઓ સુનિશ્ચિત કરવામાં આવી છે.

આ પણ વાંચો :Ugandaની સ્કૂલમાં આતંકી હુમલો, 38 વિદ્યાર્થીઓ સહિત સિક્યુરીટી ગાર્ડના મોત