બનાસકાંઠા : ભાજપના ઉમેદવાર ડો.રેખાબેન ચોધરીનું ચોખાની ઉછામણી કરી ભવ્ય સામૈયું કરાયું

• ભાજપના મહિલા ઉમેદવારની પ્રચારયાત્રામાં પરંપરાગત ગીતો ગવાયા

પાલનપુર 11 એપ્રિલ 2024 : બનાસકાંઠા લોકસભા બેઠક પર ભાજપના મહિલા અને શિક્ષિત ઉમેદવાર ડો.રેખાબેન ચોધરીને પ્રચાર માં ગામે ગામ અભૂતપૂર્વ આવકાર સાંપડી રહ્યો છે જેમાં વાવ પંથકમા પ્રચાર માટે આવેલ ડૉ.રેખાબેન નું ચોખા ની ઉછામણી કરી તેમજ પરપંરાગત ગીતો ગાઈને ભવ્ય સામૈયું કરવામા આવ્યું હતું

બનાસકાંઠા લોકસભા બેઠક પર ભાજપ દ્વારા બનાસ ડેરી આધ સ્થાપક સ્વ ગલબાભાઈ પટેલની પોત્રીની ઉમેદવાર તરીકે પસંદગી કરવામાં આવતા જિલ્લાના પશુ પાલકો સહિત તમામ સમાજોમાં આનંદની લાગણી છવાઈ છે અને ચૂંટણી પ્રચાર તેમજ લોક સંપર્ક માં ડો.રેખાબેન ને ગામે ગામ અભૂતપૂર્વ પ્રતિસાદ સાંપડી રહ્યો છે જેમાં વાવ પંથકમા ગામોમાં રેખાબેન પ્રચાર કરવા જતા અહી લોકોએ ઢોલ નગારા સાથે ચોખાની ઉછામણી કરી અને પરંપરા ગત ગીત ગાઈને ભવ્ય સ્વાગત કરવામાં આવ્યું હતું આવા ભવ્ય સ્વાગત ને લઇ પ્રચાર યાત્રાના ભાવનાત્મક દ્ર્શ્યો સર્જાયા હતા જોકે ડો.રેખાબેને જિલ્લાનો વિકાસ કરવાની નેમ વ્યક્ત કરી હતી અને ચૂટણીમા ભાજપનો દરેક કાર્યકર બનાસકાંઠા બેઠકનો ઉમેદવાર હોવાનું જણાવ્યું હતું

આ પણ વાંચો : દેશના 14 એરપોર્ટ ઉપર શરૂ થનાર DiGi Yatra શું છે ? જાણો અહીં