બનાસકાંઠા : હોમગાર્ડઝના જિલ્લા કમાન્ડન્ટ તરીકે હિંમતસિંહ રાઠોડની નિમણુંક

• નાયબ પોલીસ અધિક્ષક એમ.બી.વ્યાસ એ ચાર્જ સુપ્રત કર્યો

પાલનપુર 9 માર્ચ 2024 : બનાસકાંઠા હોમગાર્ડઝ ના જિલ્લા કમાન્ડન્ટ ની ખાલી પડેલી જગ્યા ઉપર ગુજરાત સરકારના ગૃહ વિભાગ દ્વારા હિંમતસિંહ રાઠોડની નિમણૂંક કરવામાં આવી છે. જેથી બનાસકાંઠા જિલ્લા ના હોમગાર્ડઝ જવાનો માં આનંદ ની લાગણી છવાઈ જવા પામી છે.

બનાસકાંઠા જિલ્લા ના લાખણી તાલુકાના જસરા ગામના વતની અને દરબાર સમાજના યુવા આગેવાન તેમજ વેપારી, સેવાભાવી અને વિશાળ મિત્ર વર્તુળ ધરાવતા હિંમતસિંહ છત્રસિંહ રાઠોડ ની ગુજરાત સરકારના ગૃહ વિભાગ દ્વારા બનાસકાંઠા હોમગાર્ડઝ ના જિલ્લા કમાન્ડન્ટ તરીકે નિમણૂંક કરવામાં આવી છે. આથી ઇન્ચાર્જ જિલ્લા કમાન્ડન્ટ અને બનાસકાંઠા ના નાયબ પોલીસ અધિક્ષક એમ.બી.વ્યાસ એ ગુરૂવારે બનાસકાંઠા હોમગાર્ડઝ ના જિલ્લા કમાન્ડન્ટ તરીકે હિંમતસિંહ રાઠોડ ને ચાર્જ સુપ્રત કર્યો હતો. આ પ્રસંગે બનાસકાંઠા જિલ્લા હોમગાર્ડઝ ના હેડ ક્લાર્ક જે.એન.પરમાર સહિત હોમગાર્ડઝ ના અધિકારી -કર્મચારીઓ ઉપરાંત શુભેચ્છકો એ નવનિયુકત જિલ્લા કમાન્ડન્ટ હિંમતસિંહ રાઠોડ ને શુભેચ્છાઓ પાઠવી હતી.

આ પણ વાંચો : રાજકારણથી દૂર રહી એક નાગરિક તરીકે જવાબદારીઓનું પાલન કરો: હર્ષ સંઘવી