Activa-e ને ટક્કર આપશે Bajajનું 90ના દાયકાનું આ સક્સેસ ઈલેક્ટ્રીક સ્કૂટર

મુંબઈ, 5 ડિસેમ્બર : બજાજ ઓટોએ 2020માં આધુનિક સમય પ્રમાણે ઇલેક્ટ્રિક સ્કૂટર બનાવીને 80 અને 90ના દાયકામાં રસ્તાઓ પર રાજ કરનાર ચેતક બ્રાન્ડ નામને ફરીથી લૉન્ચ કર્યું છે. આ સ્કૂટરે લોન્ચ થયા બાદથી જ માર્કેટમાં પોતાની પકડ જાળવી રાખી છે.

આવી સ્થિતિમાં જ્યારે તેની હરીફ Honda 2-વ્હીલર્સે ભારતમાં તેના લોકપ્રિય સ્કૂટર Activaનું ઇલેક્ટ્રિક વર્ઝન Honda Activa e લોન્ચ કર્યું છે, ત્યારે બજાજે પણ તેની સાથે નવી પેઢીના ચેતક સાથે સ્પર્ધા કરવાનું નક્કી કર્યું છે.

બજાજ ચેતક 2023 થી સતત ઈલેક્ટ્રિક સ્કૂટર સેગમેન્ટમાં ટોપ-3 વેચાતા સ્કૂટર્સમાંથી એક રહ્યું છે.  તેની માંગ પણ ઘણી વધુ છે. તેથી હવે કંપની તેની બીજી જનરેશન લાવી રહી છે. આ ઇલેક્ટ્રિક સ્કૂટર આ મહિને લોન્ચ થઈ શકે છે.  ચાલો જાણીએ તેના નવા વર્ઝનમાં શું ખાસ હશે…

તમને પહેલા કરતા મોટી ડેકી મળશે

અત્યાર સુધી જે માહિતી સામે આવી છે તે મુજબ નવી બજાજ ચેતકને સંપૂર્ણપણે નવી ચેસીસ પર ડેવલપ કરવામાં આવી રહી છે, જેના કારણે તેની પાસે પહેલા કરતા વધુ બૂટ સ્પેસ હશે એટલે કે તેની ટ્રંક મોટી હશે. સ્કૂટરની એકંદર ડિઝાઇન વર્તમાન ચેતક જેવી જ રહેશે. એવી અપેક્ષા પણ રાખવામાં આવે છે કે કંપની તેની કિંમત તેના વર્તમાન સ્કૂટર જેવી જ રાખી શકે છે.

Ather Rizta, TVS iQube, Ola S1 અને હવે Honda Activa e અને Honda Q1 જેવા બજાજ ચેતકના ઘણા હરીફ સ્કૂટર પણ માર્કેટમાં આવી ગયા છે. તેથી કંપની તેના બજાજ ચેતકમાં સુધારો કરીને આ સ્કૂટર્સને જોરદાર સ્પર્ધા આપવાની તૈયારી કરી રહી છે.

સ્કૂટરની રેન્જ વધી શકે છે

આ વખતે કંપની સ્કૂટરમાં નવું બેટરી પેક આપી શકે છે, જે તેની સિંગલ ચાર્જ રેન્જ વધારવામાં મદદ કરશે. હાલમાં, બજાજ ચેતક સિંગલ ચાર્જ પર 123 અને 137 કિમીની રેન્જ સાથે આવે છે. તેની એક્સ-શોરૂમ કિંમત રૂ. 96,000 થી રૂ. 1.29 લાખની વચ્ચે છે.

તાજેતરમાં લૉન્ચ થયેલી Honda Activa eની કિંમત હજુ સુધી જાહેર કરવામાં આવી નથી. પરંતુ તેને 102 કિમીની રેન્જ સાથે લોન્ચ કરવામાં આવી છે. આમાં કંપનીએ સ્વેપ કરી શકાય તેવી બેટરી આપી છે.

આ પણ જુઓ :- મુરાદાબાદમાં પોશ વિસ્તારના હિન્દુઓનું રસ્તા ઉપર ઉતરી વિરોધ પ્રદર્શન, જાણો કેમ?