બજાજ લોન્ચ કરશે CNG સંચાલિત બાઇક, જાણો ક્યારે થશે લોન્ચ

અમદાવાદ, 24 માર્ચ : બજાજની આ બાઇક સંપૂર્ણપણે CNG પર ચાલશે. કંપની તેને અલગ બ્રાન્ડ હેઠળ લોન્ચ કરશે. તેની કિંમત પેટ્રોલ બાઈક કરતા વધારે હશે. ટુ-વ્હીલર મેન્યુફેક્ચરિંગ કંપની બજાજ ઓટો સ્વચ્છ ઇંધણ CNG પર ચાલતી મોટરસાઇકલનો પોર્ટફોલિયો બનાવવા પર કામ કરી રહી છે અને આ વર્ષે જૂનમાં કંપની CNG પર ચાલતી બાઇક લૉન્ચ કરશે. કંપનીના એમડી રાજીવ બજાજે શુક્રવારે આ માહિતી આપી હતી.

પેટ્રોલ બાઇક કરતા મોંઘી 

બજાજે વધુમાં જણાવ્યું હતું કે સ્વચ્છ ઇંધણ પર ચાલતી પ્રથમ બાઇક જૂનમાં બજારમાં આવશે. નવી બાઇક ખર્ચ પ્રત્યે જાગૃત ગ્રાહકોને ટાર્ગેટ કરશે અને તેને અલગ બ્રાન્ડ હેઠળ બજારમાં લોન્ચ કરવામાં આવી શકે છે. જો કે, આ બાઇકના ઉત્પાદનની કિંમત વધુ હોવાને કારણે તેની કિંમત પેટ્રોલ બાઈક કરતા વધારે હશે.

એક રિપોર્ટ્સ અનુસાર, આ બાઇક કમ્યુટર સેગમેન્ટની હોઇ શકે છે અને તેમાં 100 થી 160 સીસી એન્જિન હોવાની શક્યતા છે. આ બાઇક ઘણા ટેસ્ટ રનમાં પણ જોવા મળી છે. તેમાં ડિજિટલ ક્લસ્ટર અને LED હેડલાઈટ આપવામાં આવે તેવી શક્યતા છે. આ સિવાય ટેસ્ટ મોડલમાં આગળના ભાગમાં ડિસ્ક બ્રેક પણ જોવામાં આવી છે.

પલ્સર 20 લાખ યુનિટના આંકડા સુધી પહોંચશે

આ ઉપરાંત, બજાજે એમ પણ કહ્યું હતું કે 20 વર્ષ પહેલા લોન્ચ કરવામાં આવેલી પલ્સર બાઇકનું વેચાણ ટૂંક સમયમાં 20 લાખ યુનિટના આંકડાને પાર કરી જશે તેવી અપેક્ષા છે. તેમણે આગામી પાંચ વર્ષમાં કોર્પોરેટ સોશિયલ રિસ્પોન્સિબિલિટી (CSR) માટે રૂ. 5,000 કરોડ ખર્ચવા માટે બજાજ જૂથને પ્રતિબદ્ધતા પણ આપી હતી. આનાથી ભવિષ્યના બે કરોડથી વધુ યુવાનોને ફાયદો થશે અને તેઓ ભારતની વધતી અર્થવ્યવસ્થા દ્વારા આપવામાં આવતી રોજગાર અને ઉદ્યોગસાહસિકતાની તકોનો લાભ લેવા સક્ષમ બનશે.

આ પણ વાંચો : ઇલેક્ટ્રિક વાહનો ખરીદનારાઓ માટે સારા સમાચાર, જાણો કોણ બનાવશે EV ચાર્જર?