બુટલેગર સાથે ઝડપાયેલી CIDની મહિલા કોન્સ્ટેબલ નીતા ચૌધરીના જામીન નામંજુર
ભચાઉ, 09 જુલાઈ 2024, તાજેતરમાં કચ્છના ભચાઉ નજીક પોલીસ કર્મીઓ પર ગાડી ચડાવી દેવાનો પ્રયાસ કરનાર CIDની મહિલા કોન્સ્ટેબલ નીતા ચૌધરીની અટકાયત કરવામાં આવી હતી.રવિવારે રાત્રે ભચાઉ પોલીસને બાતમી મળી હતી કે ભચાઉ નજીક સફેદ રંગની થાર કારમાં કેટલાક લોકો દારૂની હેરાફેરી કરી રહ્યા છે, માહિતી મળતા ટીમ એક્ટિવ થઈ અને શહેરના ચોપડવા પાસે સફેદ રંગનો થાર જોવા મળી હતી જેમાં બુટલેગર યુવરાજ સિંહ સાથે નીતા ચૌધરી બેઠી હતી. પોલીસકર્મીઓ કારની નજીક પહોંચ્યા કે તરત જ ચાલકે તેમને કચડવા થાર કાર ચડાવી દેવાનો પ્રયાસ કર્યો હતો. આ કેસમાં હત્યાના પ્રયાસમાં નીચલી કોર્ટે આપેલા જામીનને સેશન્સ કોર્ટે નામંજૂર કર્યા છે.
View this post on Instagram
હત્યાના પ્રયાસ અને દારૂબંધી હેઠળ ગુના દાખલ કર્યા હતાં
તાજેતરમાં કચ્છના ભચાઉમાં લોકલ ક્રાઈમ બ્રાન્ચ ચોપડવા પુલ પાસે ગોલ્ડન હોટેલમાં ચેકિંગ કરી રહી હતી. ત્યારે ચેકિંગ દરમિયાન થાર કારમાંથી વિદેશ દારૂ મળી આવ્યો હતો. પોલીસના હાથે પકડાઈ જવાના ડરથી CIDની કોન્સ્ટેબલ નીતા ચૌધરી અને બૂટલેગરે પોલીસ પર થાર ચઢાવી દેવાનો પ્રયાસ કર્યો હતો. કોન્સ્ટેબલ નીતા ચૌધરી બુટલેગર યુવરાજ સિંહ જાડેજા સાથે મળીને શરાબની હેરાફેરી કરતી હતી. પોલીસે વાહન રોકીને તપાસ કરી તો તેમાંથી વિદેશી દારૂની 16 બોટલો અને બે બિયરના કેન મળી આવ્યા હતા. પોલીસે બંને વિરુદ્ધ હત્યાના પ્રયાસ અને દારૂબંધી હેઠળ ગુના દાખલ કર્યા હતા.
ભૂતકાળમાં નીતા ચૌધરીને સસ્પેન્ડ પણ કરવામાં આવેલી છે
નીતા ચૌધરી પોલીસનો યુનિફોર્મ પહેરીને સોશિયલ મીડિયા પર ડાન્સના વીડિયો બનાવવાની મનાઈ હોવા છતાં વીડિયો બનાવ્યા હતા અને વર્દીનું અપમાન કર્યું હતું. ભૂતકાળમાં તેને સસ્પેન્ડ પણ કરવામાં આવેલી છે. નીતા ચૌધરીની સાથે જે કુખ્યાત બૂટલેગર યુવરાજસિંહ જાડેજા પકડાયો તેની સામે પણ અગાઉ 16 કેસ નોંધાયેલા છે.પોલીસે જણાવ્યા પ્રમાણે નીતા ચૌધરી અને યુવરાજસિંહ પાસેથી ભારતીય બનાવટનો વિદેશી દારૂ મળી આવ્યો હોવાને પગલે પોલીસે હત્યાનો પ્રયાસ અને પ્રોહીબીશનનો ગુન્હો દાખલ કર્યો છે.
આ પણ વાંચોઃઅમદાવાદઃ નવી માતા અને નાનીએ 6 વર્ષના બાળક સાથે ક્રુરતાની હદ વટાવી
