છત્તીસગઢના બૈગા જનજાતિના લોકોને મળ્યું ગણતંત્ર દિવસના કાર્યક્રમમાં સામેલ થવાનું નિમંત્રણ, રાષ્ટ્રપતિ અને પીએમ મોદી સાથે કરશે મુલાકાત

નવી દિલ્હી, 23 જાન્યુઆરી 2025: રાષ્ટ્રીય રાજધાની દિલ્હીમાં 26 જાન્યુઆરીના રોજ ગણતંત્ર દિવસનું આયોજન કરવામાં આવ્યું છે. આ દરમ્યાન કર્તવ્ય પથ પર સેનાના જવાન પરેડ કરશે. આ દરમ્યાન છત્તીસગઢના કવર્ધામાં રહેતા અમુક પરિવારોને ભારતના રાષ્ટ્રપતિ તરફથી દિલ્હીમાં ગણતંત્ર દિવસ સમારંભમાં સામેલ થવા માટે નિમંત્રણ મળ્યું છે. રાષ્ટ્રપતિ દ્રૌપદી મુર્મૂ દ્વારા મળેલા નિમંત્રણ પર બૈગા પરિવારમાંથી એક સભ્યે કહ્યું કે, અમે બહુ ખુશી થઈ રહી છે કે અમને નિમંત્રણ મળ્યું છે. તો વળી કવર્ધા જિલ્લાના કલેક્ટર ગોપાલ વર્માએ કહ્યું કે, આ ગર્વની વાત છે કે, 6 બૈગા પરિવારને ભારતના રાષ્ટ્રપતિએ ગણતંત્ર દિવસ પર સામેલ થવા માટે આમંત્રણ મોકલ્યું છે.

બૈગા જનજાતિના સભ્યોને મળ્યું દિલ્હી આવવાનું નિમંત્રણ

તેમણે કહ્યું કે, સરકારી યોજના દ્વારા, તેમને એક ઘર અને અમુક અન્ય લાભ મળે છે. તેઓ 23 જાન્યઆરી સુધી દિલ્હી પહોંચી જશે. તેઓ રાષ્ટ્રપતિ સાથે રાત્રિભોજ કરશે અને પીએમ મોદી સાથે પણ મુલાકાત કરશે. બૈગા પરિવારમાં ખૂબ ખુશીનો માહોલ છે.

#WATCH | Kawardha collector Gopal Verma says, ” It is a matter of pride that 6 Baiga families have been invited by the President of India to attend the Republic Day. Through the schemes of govt, they have received a house and certain other benefits…they will reach there by 23rd… pic.twitter.com/uFY8A7s52M

— ANI (@ANI) January 23, 2025

અહીં ઉલ્લેખનિય છે કે, બૈગા જનજાતિ છત્તીસગઢ રાજ્યની એક વિશેષ પછાત જનજાતિ છે. વર્ષ 2015માં કરવામાં આવેલા સર્વે અનુસાર, છત્તીસગઢ રાજ્યમાં બૈગા જનજાતિના લોકોની કૂલ સંખ્યા 88,317 છે. તેમાંથી 44402 પુરુષ અને 43915 મહિલાઓ છે. તેમાં સ્ત્રી પુરુષ લિંગાનુપાત 989 છે.

કોણ છે બૈગા જનજાતિ

સર્વે અનુસાર, બૈગા જનજાતિનમાં સાક્ષરતા દર 53.97 ટકા છે. તેમાં પુરુષ સાક્ષરતા દર 60.78 ટકા, જ્યારે મહિલા સાક્ષરતા દર 47.10 ટકા છે. બૈગા જનજાતિ છત્તસીગઢ રાજ્યના મધ્ય વિસ્તારમાં રહેતી જનજાતિ છે. મુખ્યત્વે કબીરધામ જિલ્લાના બોડલા અને પંડરિયા, બિલાસપુર જિલ્લાના કોટા અને તખતપુર, ગૌરેલા, પેંડ્રા, મરવાહી જિલ્લો, કોરિયા જિલ્લાના મનેન્દ્રગઢ, ખંડગવા અને ભરતપુર, રાજનાંદગામ જિલ્લાના છુઈખદાન અને લોરમાના ગામડામાં આ જાતિ રહે છે. તેમની સૌથી વધારે વસ્તી કબીરધામ અને કોરિયા જિલ્લામાં છે.

આ પણ વાંચો: ઓડિશા: ટ્રેનની છત પર ચડી ગયો શખ્સ, ભૂલથી 11KVના તારને અડી જતાં ભડકો થયો, સારવાર દરમ્યાન મૃત્યુ