વિશાલ દદલાણીનાં ફેન્સ માટે માઠા સમાચાર; કોન્સર્ટમાં પહોંચતાં પહેલાં જ નડ્યો અકસ્માત
મુંબઈ, 14 ફેબ્રુઆરી: 2025: બોલિવૂડના પ્રખ્યાત સંગીતકાર અને ગાયક વિશાલ દદલાણી વિશે એક મોટા સમાચાર સામે આવી રહ્યા છે. વિશાલ દદલાણીનો મોટો અકસ્માત થયો હોવાના સમાચાર છે. આ અકસ્માતને કારણે તેમણે પુણેમાં પોતાનો કોન્સર્ટ મુલતવી રાખ્યો છે. વિશાલ દદલાણીએ પોતે સોશિયલ મીડિયા દ્વારા લોકોને આ અકસ્માતની માહિતી આપી છે. તેમની હાલમાં સારવાર ચાલી રહી છે અને તેમની હાલતમાં સુધારો થઈ રહ્યો છે.
View this post on Instagram
વિશાલ શેખર રવજિયાની સાથે 2 માર્ચ, 2025ના રોજ પુણેમાં પરફોર્મ કરવાના હતા. જોકે, વિશાલ દદલાણીનો અકસ્માત ક્યારે અને કેવી રીતે થયો તે જાણી શકાયું નથી. પરંતુ હાલ તે હોસ્પિટલમાં સારવાર હેઠળ છે. વિશાલે ગુરુવારે ઇન્સ્ટાગ્રામ સ્ટોરી પર લખ્યું – મારું નસીબ ખરાબ હતું. મારો એક નાનો અકસ્માત થયો. હું જલ્દી પાછો આવીશ. હું તમને બધી અપડેટ આપતો રહીશ. પુણેમાં જલ્દી મળીશું!
પોસ્ટમાં લખ્યું હતું- મહત્વપૂર્ણ જાહેરાત: વિશાલ અને શેખરનો સંગીત કાર્યક્રમ રદ કરવામાં આવ્યો છે. અમને તમને જણાવતા દુઃખ થાય છે કે આઇકોનિક જોડી વિશાલ અને શેખરનો બહુપ્રતિક્ષિત અર્બન શોઝ મ્યુઝિક ઇવેન્ટ, જે 2 માર્ચ 2025 ના રોજ યોજાવાનો હતો, તે વિશાલ દદલાણી સાથે થયેલા એક કમનસીબ અકસ્માતને કારણે મુલતવી રાખવામાં આવ્યો છે, જે હાલમાં સારવાર હેઠળ છે. પોસ્ટમાં, આયોજકોએ માફી માંગી છે અને ટિકિટના પૈસા પરત કરવાની વાત પણ કરી છે. આ પોસ્ટ વાંચીને વિશાલના ચાહકોમાં ખળભળાટ મચી ગયો. દરેક વ્યક્તિ ટિપ્પણી કરી રહ્યા છે અને તેમના સ્વાસ્થ્ય વિશે પૂછી રહ્યા છે.
આ પણ વાંચો..બોયફ્રેન્ડ સાથે વેલેન્ટાઈન મનાવશે ક્રિતી, વહેલી સવારે એરપોર્ટ પર સ્પોટ થઈ
