ટ્રેન્ડિંગ બિઝનેસ વિશેષ સાયન્સ એન્ડ ટેકનોલોજી

iPhone યુઝર્સ માટે ખરાબ સમાચાર, Appleએ વોરંટી પોલિસીમાં કર્યો મોટો ફેરફાર

Shardha Barot Last Updated: જૂન 13, 2024

323 1 minute read

Apple વોરંટી પોલિસીમાં ફેરફાર
ફોન તૂટવા પર ચૂકવવા પડશે પૈસા

નવી દિલ્હી, 13 જૂન, એપલની નવી વોરંટી પોલિસી લાગુ કરવામાં આવી છે. આવી સ્થિતિમાં તમામ એપલ આઈફોન અને એપલ વોચ યુઝર્સે અપડેટ પોલિસીથી વાકેફ રહેવું જોઈએ, કંપનીએ આ મહિને આઇફોન અને એપલ વોચ માટે તેની પોલિસી અપડેટ કરી છે. અપડેટ પછી, કંપની સ્ટાન્ડર્ડ વોરંટી હેઠળ ‘સિંગલ હેરલાઇન ક્રેક’ને આવરી લેશે નહીં. અગાઉ, એપલ વોચ અને આઇફોન પર એક પણ હેરલાઇન ક્રેક હોય તો પણ સ્ટાન્ડર્ડ વોરંટી ઉપલબ્ધ હતી. જો આઇફોન અથવા એપલ વોચમાં એક પણ હેર લાઇન ક્રેક છે, તો જ્યારે તમે તેને રિપેર કરાવવા માટે સર્વિસ સેન્ટર પર લઈ જાઓ છો, તો તમારે તેના માટે ચૂકવણી કરવી પડશે, જે પહેલા સંપૂર્ણપણે મફત હતું.

Appleએ તેની રિપેર પોલિસીમાં મોટો ફેરફાર કર્યો છે. જેની સીધી અસર યુઝર્સ પર પડશે. એપલ ડિવાઇસ ખૂબ મોંધી હોય છે. આવી સ્થિતિમાં, કોઈપણ Apple ડિવાઇસ માટે વોરંટી ખૂબ જ મહત્વપૂર્ણ બની જાય છે. કારણ કે જો તમારો નવો આઈફોન કે એપલ વોચ તૂટે તો ઘણું દુઃખ થાય છે. જો કે, Apple ઉત્પાદનો સાથે 1 વર્ષની વોરંટી આપવામાં આવે છે, જેને અમુક પૈસા ચૂકવીને વધારી શકાય છે. પરંતુ હવે એપલે પોતાની વોરંટી પોલિસી બદલી છે, જેના પછી એપલ આઈફોન અને એપલ વોચ પરની સિંગલ હેરલાઈટ ક્રેકને સ્ટાન્ડર્ડ વોરંટી કવરમાંથી હટાવી દેવામાં આવી છે,

સ્ક્રીન રિપેર કરવાનો ખર્ચ

વોરંટીની બહાર, iPhone સક્રીનને રિપેર કરવાની કિંમત iPhone SE અને જૂના મોડલ માટે તે રૂ. 13,200 અને iPhone 15 Pro Max માટે રૂ. 37,900 સુધીની છે. AppleCare+ સાથે, આ કિંમત તમામ મોડલ માટે ઘટીને રૂ. 2,500 થઈ જાય છે. આ ઉપરાંત, તેણે લેટેસ્ટ iPhone 15 Proના પાછળના ગ્લાસની રિપેરિંગ કિંમત પણ મર્યાદિત કરી છે, જે અગાઉની કિંમત કરતાં ઘણી ઓછી છે. એપ્રિલમાં, કંપનીએ એવી પણ જાહેરાત કરી હતી કે તે લોકોને “પસંદ” iPhone મોડલ પર વપરાયેલ અસલ ભાગો સાથે iPhones રિપેર કરવા દેશે.

આઈપેડ અને મેક પર એક પણ હેરલાઈન ક્રેક હજુ પણ વોરંટી દ્વારા આવરી લેવામાં આવે છે. Appleએ તેની પોલિસીમાં ફેરફારનું કારણ જણાવ્યું નથી. આ પરિવર્તન ખૂબ જ મહત્વપૂર્ણ છે. કારણ કે તેની સીધી અસર ગ્રાહકો પર પડશે. તેમણે હવે નાની તિરાડો માટે નાણાં ખર્ચવા પડશે, જે અગાઉ વોરંટી હેઠળ આવરી લેવામાં આવ્યા હતા.

આ પણ વાંચો..પાકિસ્તાનના GDP કરતા અઢી ગણા RBI પાસે પૈસા, જાણો સેન્ટ્રલ બેંક ક્યાંથી કરે છે કમાણી