બેબી કેર સેન્ટરના માલિકની ધરપકડ, હોસ્પિટલમાં લાગેલી આગમાં 7 નવજાત શિશુઓના થયા હતા મૃત્યુ

• દિલ્હી પોલીસે બેબી કેર સેન્ટરના માલિક ડૉ.નવીન ખીચીની કરી ધરપકડ
• બેબી કેર સેન્ટરમાં શનિવારની રાત્રે લાગી હતી આગ
• આગમાં 7 નવજાત શિશુ બળીને થયા હતા ખાખ

દિલ્હી, 26 મે: દિલ્હી પોલીસે બેબી કેર સેન્ટરના માલિક ડૉ.નવીનની ધરપકડ કરી છે. તેની દિલ્હીથી ધરપકડ કરવામાં આવી છે. નવીન દિલ્હીમાં ઘણા બેબી કેર સેન્ટર ચલાવે છે. પોલીસ તેની પૂછપરછ કરી રહી છે. દિલ્હી પોલીસ એફઆઈઆરમાં કલમ 304 પણ ઉમેરી શકે છે.

પૂર્વ દિલ્હીના વિવેક વિહારમાં શનિવારે રાત્રે બેબી કેર સેન્ટરમાં લાગેલી આગમાં સાત બાળકો દાઝી ગયા હતા. જ્યારે આ ઘટના બની ત્યારે બેબી કેર સેન્ટરમાં 12 નવજાત બાળકો હતા. અકસ્માત બાદ બેબી કેર સેન્ટરના માલિક ડૉ.નવીન ખીચી ફરાર થઈ ગયો હતો. દિલ્હી પોલીસે રવિવારે તેની ધરપકડ કરી હતી.

દિલ્હીના આઈટીઆઈ, બ્લોક બી, વિવેક વિહાર વિસ્તાર પાસેના બેબી કેર સેન્ટરમાં રાત્રે 11.32 કલાકે આગ લાગી હતી. આ આગની જાણ ફાયર વિભાગને કરવામાં આવી હતી. ફાયરની 9 ગાડીઓ ઘટનાસ્થળે પહોંચી હતી અને બચાવ કામગીરી હાથ ધરવામાં આવી હતી. બચાવ કામગીરી દરમિયાન ઈમારતમાંથી 12 નવજાત બાળકોને બચાવી લેવામાં આવ્યા હતા, પરંતુ સારવાર દરમિયાન 7 બાળકોનું દુ:ખદ અવસાન થયું હતું.

दिल्ली से दिल दहला देने वाली खबर ।

दिल्ली के विवेक विहार स्थित बेबी केयर सेंटर में आग लग गई। फायर डिपार्टमेंट की 9 गाड़ियां आग बुझाने के काम में जुटीं। pic.twitter.com/0SIFxjmIM6

— Dr Monika Singh (@Dr_MonikaSingh_) May 25, 2024

આ પણ વાંચો: રાજકોટ અગ્નિકાંડઃ ગેમ ઝોનના માલિકોએ એન્ટ્રી મૂકી હતી આવી શરત?